1 Samuel 5:8 - Li Santil hu

⁸ Queꞌxtakla resil riqꞌuineb li nequeꞌtaklan saꞌ xbe̱neb laj filisteo ut queꞌxpatzꞌ reheb: —¿Cꞌaꞌru takaba̱nu riqꞌuin lix Lokꞌlaj Ca̱x lix Dioseb laj Israel? chanqueb. Eb aꞌan queꞌchakꞌoc ut queꞌxye: —Cꞌamomak saꞌ li tenamit Gat, chanqueb. Ut queꞌxcꞌam li Lokꞌlaj Ca̱x aran.

Q'eqchi Bible

⁸ Jo'kan naq ke'xb'oqeb' chixjunil li xjolomileb' laj Filistea, ke'xch'utub'eb' ut ke'xye: “K'aru tento tqab'aanu rik'in li xLoq'laj Kaax li xYos laj Israel?”. Ke'xsume: “Li xLoq'laj Kaax li xYos laj Israel tento taak'ame'q aran Gat”, chankeb'. Ut ke'xk'am aran li xLoq'laj Kaax li xYos laj Israel.

1 Samuel 5:8 ပူးပေါင်းရင်းမြစ်များ

Zacarías 12:3

Ut saꞌeb li cutan aꞌan la̱in tinqꞌue cuiꞌchic xcuanquileb laj Jerusalén. Chanchanakeb chic jun li pec kꞌaxal a̱l. Ut chixjunileb li xni̱nkal ru tenamit teꞌxjunaji ribeb ut teꞌxyal numta̱c saꞌ xbe̱neb laj Jerusalén. Abanan incꞌaꞌ teꞌxcuy xmetzꞌe̱uheb laj Jerusalén. Kꞌaxal ra teꞌxcꞌul.

Amós 6:2

Ayukex aran Calne ut ilomak chak li tenamit aꞌan. Tex-e̱lk aran ut texxic saꞌ li nimla tenamit Hamat, tojoꞌnak texxic saꞌ lix tenamiteb laj filisteo, Gat xcꞌabaꞌ. Ilomak chak li tenamit aꞌan. ¿Ma kꞌaxal nim ta biꞌ xcuanquileb li tenamit aꞌan chiru le̱ cuanquil la̱ex? ¿Ma kꞌaxal cha̱bil ta biꞌ lix tenamiteb aꞌan chiru le̱ re la̱ex?

1 Samuel 17:4

Qui-el chak saꞌ xya̱nkeb laj filisteo jun li cui̱nk cau rib chi pletic. Numenak oxib vara xnajtil rok. Li cui̱nk aꞌan aj Goliat xcꞌabaꞌ. Gat xtenamit.

1 Samuel 5:11

Joꞌcan nak queꞌxtakla xchꞌutubanquileb chixjunileb li nequeꞌtaklan saꞌ xbe̱neb laj filisteo ut queꞌxye reheb: —Taklahomak saꞌ xnaꞌaj lix Lokꞌlaj Ca̱x lix Dios eb laj Israel. Incꞌaꞌ nakaj nak toxcamsi la̱o ut li katenamit, chanqueb. Cꞌajoꞌ nak yo̱queb chi xucuac xban nak yalak bar yo̱queb chi ca̱mc xban nak yo̱ xjoskꞌil li Dios saꞌ xbe̱neb.

1 Samuel 5:7

Ut eb li cuanqueb saꞌ li tenamit Asdod queꞌxye: —Incꞌaꞌ naru ta̱cana̱k arin lix Lokꞌlaj Ca̱x lix Dioseb laj Israel. Kꞌaxal cau li raylal xqꞌue saꞌ kabe̱n lix Dioseb aꞌan ut saꞌ xbe̱n ajcuiꞌ laj Dagón li kadios, chanqueb.

1 Samuel 29:6

Ut laj Aquis quixbok laj David riqꞌuin ut quixye re: —Saꞌ xcꞌabaꞌ li yoꞌyo̱quil Dios, la̱in ninye a̱cue nak la̱at ti̱c a̱chꞌo̱l. Ma̱cꞌaꞌ a̱paltil chicuu chalen nak xatcꞌulun cuiqꞌuin. Nacuaj raj nak tatxic chicuix saꞌ li ple̱t aꞌin. Abanan eb li nequeꞌtaklan saꞌ xbe̱neb li soldados incꞌaꞌ nequeꞌraj nak tatxic kochben.

Josué 13:3

Li naꞌajej aꞌan naticla chak saꞌ li nimaꞌ Sihor saꞌ li este re li tenamit Egipto li nacuulac toj saꞌ li nuba̱l re li tenamit Ecrón li cuan saꞌ li norte li nequeꞌxye nak reheb laj cananeo. Saꞌ li naꞌajej aꞌan cuanqueb o̱b li rey. Ut aꞌaneb li nequeꞌtaklan saꞌ xbe̱neb laj filisteo li cuanqueb saꞌ eb li tenamit Gaza, Asdod, Ascalón, Gat ut Ecrón, joꞌ ajcuiꞌ eb laj aveo;

Josué 15:11

Ut li nuba̱l saꞌ li norte naticla chak saꞌ li tzu̱l Ecrón. Naxic toj saꞌ li naꞌajej Sicrón. Nocoxnumekꞌ saꞌ li tzu̱l Baala ut nocoxnumekꞌ saꞌ li naꞌajej Jabneel ut nocoxrakekꞌ saꞌ li palau Mediterráneo.

1 Samuel 6:2

Eb laj filisteo queꞌxbokeb laj tij li nequeꞌcꞌanjelac chiru laj Dagón ut queꞌxbokeb ajcuiꞌ laj kꞌe ut queꞌxye reheb: —¿Cꞌaꞌru takaba̱nu riqꞌuin lix Lokꞌlaj Ca̱x li Dios, li nequeꞌxlokꞌoni laj Israel? Yehomak ke chanru takaba̱nu nak takatakla cuiꞌchic saꞌ lix naꞌaj, chanqueb.

1 Samuel 17:52

Ut eb li soldados aj Israel ut eb aj Judá queꞌxjap re ut queꞌra̱linaheb laj filisteo toj saꞌ li oqueba̱l reheb li tenamit Gat ut Ecrón. Ut yalak bar saꞌ eb li be re Saaraim ut Gat ut Ecrón nequeꞌtꞌanaxin li camenak.

1 Crónicas 7:21

li ralal laj Tahat, aꞌan laj Zabad; li ralal laj Zabad, aꞌan laj Sutela jun chic. Cuib chic li ralal laj Efraín. Aꞌaneb laj Ezer ut laj Elad. Laj Ezer ut laj Elad queꞌcamsi̱c nak yo̱queb chirelkꞌanquil lix queto̱mkeb li ralal xcꞌajol laj Gat li queꞌcuan saꞌ li naꞌajej aꞌan.