1 Samuel 5:7 - Li Santil hu

⁷ Ut eb li cuanqueb saꞌ li tenamit Asdod queꞌxye: —Incꞌaꞌ naru ta̱cana̱k arin lix Lokꞌlaj Ca̱x lix Dioseb laj Israel. Kꞌaxal cau li raylal xqꞌue saꞌ kabe̱n lix Dioseb aꞌan ut saꞌ xbe̱n ajcuiꞌ laj Dagón li kadios, chanqueb.

Q'eqchi Bible

⁷ Naq eb' laj Asdod ke'ril k'aru yookeb' chi xk'ulb'al, ke'xye: “Ink'a' chikanaaq sa' qayanq li xLoq'laj Kaax li xYos laj Israel xb'aan naq yo chi qarahob'tesinkil chi kaw li Yos a'an. Jwal kaw li rahilal xtaqla chaq sa' xb'een laj Dagón li qayos”.

1 Samuel 5:7 ပူးပေါင်းရင်းမြစ်များ

Éxodo 12:33

Ut eb laj Egipto queꞌxtzꞌa̱ma ajcuiꞌ chiruheb laj Israel nak teꞌxse̱ba rib chi xic. Queꞌxye reheb: —Ayukex. Se̱bahomak e̱rib chi xic. Ma̱re toca̱mk ajcuiꞌ la̱o cui la̱ex incꞌaꞌ texxic, chanqueb.

Jeremías 48:7

La̱ex texchapekꞌ ajcuiꞌ xban nak nequecꞌojob e̱chꞌo̱l saꞌ xbe̱n le̱ biomal. Ut laj Quemos le̱ dios ta̱chapekꞌ ut ta̱cꞌamekꞌ chi pre̱xil rochbeneb laj tij joꞌ eb ajcuiꞌ li cuanqueb xcuanquil.

Jeremías 46:25

Li Ka̱cuaꞌ li nimajcual Dios, lix Dioseb laj Israel, naxye: —La̱in tinqꞌue chixtojbal xma̱c laj Amón lix dioseb laj Tebas. Ut tinqꞌueheb chixtojbal xma̱queb laj faraón ut eb laj Egipto rochbeneb lix dioseb ut eb lix rey. Ut tinqꞌueheb ajcuiꞌ chixtojbal xma̱queb li nequeꞌxcꞌojob xchꞌo̱l riqꞌuin laj faraón.

1 Crónicas 15:13

Xban nak ma̱cuaꞌ la̱ex li quexcꞌamoc re li Lokꞌlaj Ca̱x xbe̱n cua, joꞌcan nak cuan li quicamsi̱c xban li Ka̱cuaꞌ. Incꞌaꞌ kapatzꞌ re chanru takaba̱nu, chan.

2 Samuel 6:9

Laj David qui-oc xxiu saꞌ li cutan aꞌan xban li cꞌaꞌru quixba̱nu li Ka̱cuaꞌ ut quixye: —Ma̱min ta̱ru̱k tincꞌam cuiqꞌuin lix Lokꞌlaj Ca̱x li Ka̱cuaꞌ, chan.

1 Samuel 6:20

Ut eb li cuanqueb Bet-semes queꞌxye: —¿Ani ta̱ru̱k tixcol rib chiru li Ka̱cuaꞌ, li Dios santo? Ut, ¿ani aj iqꞌuin takatakla lix Lokꞌlaj Ca̱x li Ka̱cuaꞌ? chanqueb.

1 Samuel 4:8

¿Ani ta̱ru̱k ta̱colok ke chiruheb lix dioseb li ni̱nkeb xcuanquil? Eb li dios aꞌan, aꞌan eb li queꞌtaklan re nabal li raylal saꞌ xbe̱neb laj Egipto saꞌ li chaki chꞌochꞌ ut queꞌxsach ruheb.

Éxodo 10:7

Ut eb laj cꞌanjel chiru laj faraón queꞌxye re laj faraón: —¿Joꞌ najtil chic toxchꞌiꞌchꞌiꞌi li cui̱nk aꞌin? Canabeb chi xic laj Israel re nak eb aꞌan teꞌxlokꞌoni chak li Ka̱cuaꞌ lix Dioseb. ¿Ma incꞌaꞌ nacacuil nak x-osoꞌ li katenamit Egipto? chanqueb.

Éxodo 9:28

Ta̱ya̱ba xcꞌabaꞌ li Ka̱cuaꞌ Dios. Tzꞌakal li xkacꞌul riqꞌuin li sakbach ut li ca̱k. Texincanab chi xic. Incꞌaꞌ chic nacuaj nak texba̱yk arin, chan.

Éxodo 8:28

Laj faraón quixye re: —La̱in texincanab chi xic. Mayejankex chak chiru le̱ Dios saꞌ li chaki chꞌochꞌ. Aban incꞌaꞌ mas najt texxic. Textijok ajcuiꞌ chicuix, chan laj faraón.

Éxodo 8:8

Tojoꞌnak laj faraón quixbok laj Moisés ut laj Aarón. Quixye reheb: —Te̱tzꞌa̱ma chiru li Ka̱cuaꞌ Dios nak ta̱risi chixjunil li amoch cuiqꞌuin joꞌ ajcuiꞌ riqꞌuineb lin tenamit. Ut la̱in tincanabeb chi xic laj Israel re nak teꞌxic chi mayejac chiru li Dios, chan.

1 Samuel 5:6

Ut li Ka̱cuaꞌ quixqꞌueheb chixtojbal lix ma̱queb li cuanqueb Asdod. Quixtakla chak jun li yajel saꞌ xbe̱neb. Ut nabal li tumor qui-el saꞌ lix tibeleb. Ut qui-el ajcuiꞌ saꞌ xtibeleb li cuanqueb chi xjun sutam li tenamit Asdod.

1 Samuel 5:8

Queꞌxtakla resil riqꞌuineb li nequeꞌtaklan saꞌ xbe̱neb laj filisteo ut queꞌxpatzꞌ reheb: —¿Cꞌaꞌru takaba̱nu riqꞌuin lix Lokꞌlaj Ca̱x lix Dioseb laj Israel? chanqueb. Eb aꞌan queꞌchakꞌoc ut queꞌxye: —Cꞌamomak saꞌ li tenamit Gat, chanqueb. Ut queꞌxcꞌam li Lokꞌlaj Ca̱x aran.