1 Samuel 5:12 - Li Santil hu

¹² Ut eb li incꞌaꞌ queꞌcam, ra cuanqueb xbaneb li tumor li queꞌel saꞌ xtibeleb. Yo̱queb chixjapbal reheb xban li raylal yo̱queb chixcꞌulbal. Ut quicuulac toj saꞌ choxa lix ya̱beb.

Q'eqchi Bible

¹² Ut eb' li ink'a' ke'kamk, ra wankeb' xb'aaneb' li saqijoj: toj sa' choxa kiwulak li xyaab'eb' li wankeb' sa' li tenamit Ekrón!

1 Samuel 5:12 ပူးပေါင်းရင်းမြစ်များ

Éxodo 12:30

Chiru li kꞌojyi̱n aꞌan laj faraón quicuacli. Queꞌcuacli ajcuiꞌ laj cꞌanjel chiru joꞌ eb ajcuiꞌ chixjunileb laj Egipto. Japjo̱queb re chi ya̱bac chixjunileb laj Egipto xban nak camenakeb chic li xbe̱n alalbej saꞌ li junju̱nk chi cab.

Amós 5:19

Chanchanakex li nae̱lelic chiru li cakcoj ut nak yo̱ chi e̱lelic naxcꞌul li joskꞌ aj xul oso xcꞌabaꞌ. Chanchanakex li cui̱nk li nasukꞌi saꞌ rochoch ut nak naxqꞌue li rukꞌ chiru li tzꞌac natiꞌeꞌ xban cꞌantiꞌ.

Jeremías 48:3

Eb li cuanqueb Horonaim japjo̱keb re xban nak junes raylal ut sachecꞌ yo̱keb chixcꞌulbal.

Jeremías 25:34

La̱ex li nequeꞌcꞌamoc be chiruheb lin tenamit chexya̱bak. Chexya̱bak ut chetolcꞌosi e̱rib saꞌ li poks retalil li xrahil e̱chꞌo̱l xban nak cuulac re xkꞌehil nak texcamsi̱k. Chanchanakex chic li cha̱bil secꞌ li quijoreꞌ.

Jeremías 14:2

Quixye: —Eb laj Judá yo̱queb chi ya̱bac xban li raylal li yo̱queb chixcꞌulbal. Kꞌaxal ra yo̱queb chixcꞌulbal lix tenamiteb. Chunchu̱queb li cristian saꞌ chꞌochꞌ xban xrahil xchꞌo̱leb. Ut eb laj Jerusalén yo̱queb chi ya̱bac xban li raylal li yo̱queb chixcꞌulbal.

1 Reyes 19:17

Chi joꞌcaꞌin li joꞌ qꞌuial incꞌaꞌ teꞌcamsi̱k xban laj Hazael, aꞌan teꞌcamsi̱k xban laj Jehú. Ut eb li incꞌaꞌ teꞌcamsi̱k xban laj Jehú, aꞌan teꞌcamsi̱k xban laj Eliseo.

1 Samuel 9:16

—Saꞌ ajcuiꞌ li o̱r aꞌin cuulaj tintakla a̱cuiqꞌuin jun li cui̱nk. Li cui̱nk aꞌan xcomoneb li ralal xcꞌajol laj Benjamín. La̱at ta̱qꞌue li aceite saꞌ xjolom xban nak aꞌan li xinsicꞌ ru re ta̱takla̱nk saꞌ xbe̱neb laj Israel lin tenamit. Aꞌan ta̱colok reheb chiruheb laj filisteo. La̱in nacuil xtokꞌoba̱l ruheb lin tenamit nak nequeꞌxya̱ba incꞌabaꞌ, chan.

1 Samuel 6:1

Cuukub po quicuan lix Lokꞌlaj Ca̱x li Ka̱cuaꞌ saꞌ lix tenamiteb laj filisteo.