1 Samuel 4:3 - Li Santil hu

³ Eb laj Israel li incꞌaꞌ queꞌcamsi̱c queꞌsukꞌi saꞌ lix muheba̱leb. Eb li nequeꞌcꞌamoc be saꞌ xya̱nkeb laj Israel queꞌxye: —¿Cꞌaꞌut nak li Ka̱cuaꞌ xoxkꞌaxtesi saꞌ rukꞌeb laj filisteo? Toxic Silo ut takacꞌam chak arin li Lokꞌlaj Ca̱x re nak cua̱nk saꞌ kaya̱nk ut li Ka̱cuaꞌ toxcol chiruheb li xicꞌ nequeꞌiloc ke, chanqueb.

Q'eqchi Bible

³ Naq eb' laj puub' ke'sutq'iik chaq sa' li xmuheb'aaleb', li xcheekelaleb' laj Israel ke'xye chi jo'ka'in: “K'a'ut naq li Qaawa' xooxk'e sa' ruq'eb' laj Filistea anaqwan? Yo'qeb' Siló chi xk'amb'al chaq li xLoq'laj Kaaxil li xSumwank li Qaawa', re naq twanq sa' qayanq ut tooxkol chiruheb' li xik' neke'ilok qe”, chankeb'.

1 Samuel 4:3 ပူးပေါင်းရင်းမြစ်များ

San Judas 1:5

Usta ac xchꞌolobaman che̱ru, nacuaj cuiꞌchic xjulticanquil e̱re chanru nak li Ka̱cuaꞌ Dios quirisiheb chak lix tenamit aj Israel saꞌ li naꞌajej Egipto. Ut mokon chic quixsacheb li incꞌaꞌ queꞌpa̱ban chiru saꞌ xya̱nkeb laj Israel.

1 Pedro 3:21

Li butꞌi haꞌ, aꞌan retalil li cubi haꞌ colbilex cuiꞌ anakcuan. Li cubi haꞌ, aꞌan ma̱cuaꞌ re risinquil lix tzꞌajnil li katibel. Cuan ban xya̱lal. Aꞌan retalil nak cuybil sachbil chic li kama̱c. Ut nakatzꞌa̱ma chiru li Dios nak cha̱bilak li kacꞌaꞌux. Colbilo xban nak quicuacli cuiꞌchic chi yoꞌyo li Jesucristo.

Hebreos 9:4

Aran cuan jun xcꞌatbal li pom yi̱banbil riqꞌuin oro, ut cuan ajcuiꞌ jun li Lokꞌlaj Ca̱x letzbil oro chirix. Chi saꞌ li Lokꞌlaj Ca̱x aꞌan cuan li xar oro bar cuiꞌ cꞌu̱lanbil li maná. Cꞌu̱lanbil ajcuiꞌ saꞌ li ca̱x lix xukꞌ laj Aarón li quituxmec ut qui-atzꞌumac. Ut cꞌu̱lanbil ajcuiꞌ aran li cuib chi pec ti̱c ru li tzꞌi̱banbil cuiꞌ li laje̱b chi chakꞌrab.

2 Timoteo 3:5

Teꞌxye rib nak aj pa̱baneleb, abanan incꞌaꞌ teꞌxqꞌue xcuanquil li pa̱ba̱l. At Timoteo, ma̱junaji a̱cuib riqꞌuineb aꞌan.

Jeremías 7:4

Me̱pa̱b li nequeꞌxye laj balakꞌ. Eb aꞌan nequeꞌxye, ‘Ma̱cꞌaꞌ takacꞌul xban nak arin cuan lix templo li Dios,’ chanqueb.

Jeremías 3:16

Saꞌ eb li cutan aꞌan nak acak xextam ut nak acak xeꞌtam le̱ ralal e̱cꞌajol incꞌaꞌ chic tex-a̱tinak chirix lin Lokꞌlaj Ca̱x, chi moco te̱cꞌoxla, chi moco ta̱cꞌanjelak che̱ru, chi moco te̱yi̱b jalan chic.

Isaías 58:3

Abanan eb li cristian nequeꞌxye: —¿Cꞌaꞌru rajbal nak xkaba̱nu li ka-ayu̱n? La̱at incꞌaꞌ xaqꞌue retal. ¿Cꞌaꞌut nak xkacubsi kib? La̱at incꞌaꞌ xaqꞌue retal li xkaba̱nu, chanqueb. Abanan li Dios quixye reheb: —Saꞌ eb li cutan nak nequeba̱nu le̱ ayu̱n, nequeba̱nu li cꞌaꞌru nequeraj ut nequerahobtesiheb li nequeꞌcꞌanjelac che̱ru.

Isaías 50:1

Aꞌan aꞌin li naxye li Ka̱cuaꞌ: —Ma̱re la̱ex xecꞌoxla nak la̱in xintzꞌekta̱na lin tenamit Israel joꞌ nak naxtzꞌekta̱na rixakil junak li cui̱nk li naxjach rib. Cui joꞌcan xinba̱nu, ¿bar cuan li hu re jachoc ib? Malaj ut xecꞌoxla nak la̱in xexincꞌayi xban xtojbal incꞌas. ¿Ma incꞌaꞌ ta biꞌ nequenau nak xban le̱ ma̱c nak xexcꞌameꞌ chi najt? ¿Ma ma̱cuaꞌ ta biꞌ xban nak xekꞌetkꞌeti e̱rib nak xexcꞌameꞌ chi najt?

Salmos 74:11

¿Cꞌaꞌut nak yal nacacuileb? ¿Cꞌaꞌut nak incꞌaꞌ ta̱qꞌueheb chixtojbal xma̱queb chi junpa̱t?

Salmos 74:1

At inDios, ¿cꞌaꞌut nak xoa̱canab kajunes? ¿Ma junelic yo̱k a̱joskꞌil saꞌ kabe̱n la̱o li sicꞌbil ku a̱ban?

1 Crónicas 17:1

Li rey David ac cuan chic saꞌ rochoch nak quixye re li profeta Natán: —¡Qꞌue retal! La̱in cuanquin saꞌ cha̱bil cab yi̱banbil riqꞌuin li cheꞌ chacalteꞌ. Abanan li muheba̱l li cuan cuiꞌ lix Lokꞌlaj Ca̱x li Ka̱cuaꞌ, aꞌan yal riqꞌuin tꞌicr yi̱banbil, chan.

2 Samuel 15:25

Li rey quixye re laj Sadoc: —Cꞌam cuiꞌchic li Lokꞌlaj Ca̱x saꞌ li tenamit. Cui li Ka̱cuaꞌ Dios sahak xchꞌo̱l cuiqꞌuin, aꞌan ta̱qꞌuehok cuiꞌchic cue chi sukꞌi̱c re nak ta̱ru̱k tincuil cuiꞌchic li Lokꞌlaj Ca̱x saꞌ lix naꞌaj.

1 Samuel 14:18

Laj Saúl quixye re laj Ahías laj tij: —Cꞌam chak arin lix efod li Ka̱cuaꞌ, chan. (Saꞌ eb li cutan aꞌan laj Ahías yo̱ chixcꞌambal li efod chiruheb laj Israel.)

Josué 7:7

Laj Josué quixye: —At Ka̱cuaꞌ Dios, ¿cꞌaꞌut nak xoa̱qꞌue chak chi numecꞌ saꞌ li nimaꞌ Jordán yal re nak toa̱kꞌaxtesi saꞌ rukꞌeb laj amorreo re teꞌxsach ku? Kꞌaxal us raj chokꞌ ke nak xocana chak jun pacꞌal li nimaꞌ Jordán.

Josué 4:7

Ut la̱ex texchakꞌok ut te̱ye reheb, “Li pec aꞌin, aꞌan retalil nak quixakli li nimaꞌ Jordán ut incꞌaꞌ chic quibe̱c nak yo̱queb chixnumsinquil jun pacꞌal li nimaꞌ li Lokꞌlaj Ca̱x li xocxo cuiꞌ lix contrato li Dios. Eb li pec aꞌin, aꞌan retalil chiruheb laj Israel re nak julticak reheb chi junelic li cꞌaꞌru quixba̱nu li Dios,” chan laj Josué.

Deuteronomio 31:26

—Cꞌamomak li hu aꞌin li tzꞌi̱banbil cuiꞌ li chakꞌrab ut te̱qꞌue chixcꞌatk li Lokꞌlaj Ca̱x li cuan cuiꞌ lix contrato li Ka̱cuaꞌ le̱ Dios. Aran ta̱cua̱nk chokꞌ retalil che̱ru.

Deuteronomio 29:24

Ut chixjunileb li cuanqueb saꞌ li xni̱nkal ru tenamit teꞌxye: ¿Cꞌaꞌut nak quixba̱nu li Ka̱cuaꞌ chi joꞌcan re lix naꞌajeb laj Israel? ¿Cꞌaꞌru xya̱lal nak quinumta lix joskꞌil saꞌ xbe̱neb?

Números 31:6

Laj Moisés quixtaklaheb chi pletic jun mil reheb li junju̱nk xte̱paleb laj Israel. Ut quixtakla ajcuiꞌ laj Finees li ralal laj Eleazar laj tij. Laj Finees quixcꞌam li cꞌaꞌak re ru li queꞌrisi saꞌ li Lokꞌlaj Naꞌajej ut quixcꞌameb ajcuiꞌ li trompeta li teꞌxya̱basi nak teꞌoc chi pletic.

Números 10:35

Nak nequeꞌxtiquib xpakonquil li Lokꞌlaj Ca̱x laj Moisés quixye: —Choa̱tenkꞌa, at Ka̱cuaꞌ. Chajeqꞌuiheb li xicꞌ nequeꞌiloc a̱cue. Cheꞌe̱lelik ta cha̱cuu.—

Números 10:33

Joꞌcan nak queꞌel laj Israel saꞌ li tzu̱l Sinaí lix tzu̱l li Ka̱cuaꞌ. Oxib cutan queꞌbe̱c. Ut li Lokꞌlaj Ca̱x li xocxo cuiꞌ li contrato yo̱ chi xic chiruheb ut yo̱ chixsicꞌbal li naꞌajej bar teꞌhila̱nk cuiꞌ.

Josué 6:6

Laj Josué quixbokeb laj tij ut quixye reheb: —Cꞌamomak lix Lokꞌlaj Ca̱x li Ka̱cuaꞌ. Ut cuukub e̱re teꞌxcꞌam lix xucub li carner re teꞌxya̱basi ut teꞌxic chi ubej chiru lix Lokꞌlaj Ca̱x li Ka̱cuaꞌ.—

Josué 7:8

At Ka̱cuaꞌ, ¿cꞌaꞌru ta̱ru̱k takaye anakcuan? Eb li soldado aj Israel incꞌaꞌ xeꞌxcuy pletic riqꞌuineb laj Hai. Xeꞌe̱lelic ban chiruheb.

1 Samuel 1:24

Ut nak ac xmakꞌ xtuꞌ li cꞌulaꞌal, quixcꞌam saꞌ rochoch li Dios aran Silo, usta toj caꞌchꞌin. Quixcꞌam ajcuiꞌ oxib cuacax toj sa̱jeb, jun chacach li cꞌaj ut jun cuc vino.

1 Samuel 4:2

Eb laj filisteo queꞌxtiquib pletic. Cau queꞌpletic toj retal queꞌnumta saꞌ xbe̱neb laj Israel. Ca̱hib mil na chi soldado aj Israel queꞌcamsi̱c saꞌ li ple̱t aꞌan.

Isaías 59:1

Incꞌaꞌ te̱cꞌoxla nak li Ka̱cuaꞌ ma̱cꞌaꞌ chic xcuanquil re texcol. Chi moco te̱cꞌoxla nak incꞌaꞌ ta̱rabi nak te̱tzꞌa̱ma e̱tenkꞌanquil.

Isaías 59:2

Li Dios incꞌaꞌ chic narabi le̱ tij xban le̱ ma̱usilal. Xban le̱ ma̱c incꞌaꞌ chic nequexcuan chi sum a̱tin riqꞌuin li Dios nak nequeraj tijoc.