1 Samuel 4:12 - Li Santil hu

¹² Jun li cui̱nk xcomoneb li ralal xcꞌajol laj Benjamín quie̱lelic chiruheb laj filisteo. Co̱ saꞌ a̱nil ut saꞌ ajcuiꞌ li cutan aꞌan quicuulac Silo. Ac xpej li rakꞌ ut xqꞌue li poks saꞌ xjolom retalil nak ra saꞌ xchꞌo̱l.

Q'eqchi Bible

¹² Ab'an jun li winq aj Benjamín ki'elelik chiruheb' laj Filistea, koho sa' aanil, ut sa' ajwi' li kutan a'an kiwulak Siló, kok' q'ich li raq' ut nujenaq chi pojtz' sa' xjolom.

1 Samuel 4:12 ပူးပေါင်းရင်းမြစ်များ

Josué 7:6

Laj Josué ut eb li nequeꞌcꞌamoc be saꞌ xya̱nkeb laj Israel queꞌxkꞌich li rakꞌeb ut queꞌxcut rib saꞌ chꞌochꞌ chiru li Lokꞌlaj Ca̱x xban xrahil xchꞌo̱leb ut queꞌxqꞌue poks saꞌ xjolomeb ut queꞌcana aran toj qui-ecuu.

Li xHu LAJ JOB 2:12

Cuanqueb chak chi najt nak queꞌril laj Job ut incꞌaꞌ queꞌxnau nak aꞌan. Nak queꞌxqꞌue retal nak aꞌan, queꞌoc chixjapbal re chi ya̱bac. Chi xju̱nkaleb queꞌxpej li rakꞌeb ut queꞌxcut li poks saꞌ ikꞌ ut queꞌxqꞌue ajcuiꞌ saꞌ xjolomeb xban xrahil xchꞌo̱leb.

Nehemías 9:1

Queꞌxchꞌutub ribeb chixjunileb saꞌ li ca̱hib xcaꞌcꞌa̱l xbe li po aꞌan ut queꞌxba̱nu lix ayu̱n. Queꞌxqꞌue li kꞌesnal tꞌicr chirixeb ut queꞌxqꞌue li poks saꞌ xjolomeb retalil nak ra saꞌ xchꞌo̱leb xban lix ma̱queb.

2 Samuel 15:32

Nak laj David quicuulac saꞌ xbe̱n li tzu̱l li nequeꞌxlokꞌoni cuiꞌ li Dios, quichal laj Husai laj arquita chixcꞌulbal. Pejel li rakꞌ ut cuan poks saꞌ xjolom.

2 Samuel 1:2

Saꞌ rox li cutan quicuulac jun li sa̱j cui̱nk riqꞌuin laj David. Li cui̱nk aꞌan xcomoneb lix soldados laj Saúl. Pejel li rakꞌ ut cuan li poks saꞌ xjolom retalil lix rahil xchꞌo̱l. Quixcuikꞌib rib saꞌ chꞌochꞌ re xqꞌuebal xlokꞌal laj David.

2 Samuel 13:19

Lix Tamar quixqꞌue li cha saꞌ xjolom. Quixpej li rakꞌ. Quixtzꞌap li ru riqꞌuin li rukꞌ ut yo̱ chi ya̱bac nak co̱.

Jeremías 26:6

la̱in tinba̱nu re li templo aꞌin joꞌ quinba̱nu re li tenamit Silo. Ut chixjunileb li xni̱nkal ru tenamit li cuanqueb saꞌ ruchichꞌochꞌ teꞌxmajecua li tenamit aꞌin, chan.

Ezequiel 24:26

Saꞌ li cutan nak tinba̱nu aꞌan ta̱cua̱nk junak li ta̱e̱lelik. Li jun aꞌan ta̱cuulak a̱cuiqꞌuin ut tixserakꞌi a̱cue li cꞌaꞌru quicꞌulman.

Ezequiel 27:30

Teꞌxjap reheb chi ya̱bac che̱rix chi kꞌaxal ra saꞌ xchꞌo̱leb. Teꞌxqꞌue li poks saꞌ xjolomeb ut teꞌxtolcꞌosi ribeb saꞌ cha.