1 Samuel 31:8 - Li Santil hu

⁸ Saꞌ li cutan jun chic eb laj filisteo queꞌco̱eb chixxocbal li cꞌaꞌru reheb li camenak. Queꞌxtau laj Saúl ut eb li oxib chi ralal jiljo̱queb chi camenak saꞌ li tzu̱l Gilboa.

Q'eqchi Bible

⁸ Sa' li kutan jun chik ke'chalk eb' laj Filistea chi xxokb'al li k'aru reheb' li kamenaq, ut ke'xtaw laj Saúl ut roxichaleb' li ralal jiljookeb' sa' li tzuul Jelbohé.

1 Samuel 31:8 ပူးပေါင်းရင်းမြစ်များ

2 Crónicas 20:25

Laj Josafat ut eb lix soldado queꞌco̱eb chixxocbal li cꞌaꞌru queꞌre̱chani saꞌ li ple̱t. Nabal li cꞌanjeleba̱l ut li cha̱bil tꞌicr ut li cꞌaꞌak re ru li queꞌre̱chani. Oxib cutan queꞌbay xxocbal chixjunil.

1 Crónicas 10:8

Saꞌ li cutan jun chic eb laj filisteo queꞌco̱eb chixxocbal li cꞌaꞌru reheb li camenak. Queꞌxtau laj Saúl ut eb li oxib chi ralal jiljo̱queb chi camenak saꞌ li tzu̱l Gilboa.

1 Samuel 31:7

Eb laj Israel li cuanqueb jun pacꞌal li ru takꞌa ut eb li cuanqueb jun pacꞌal li nimaꞌ Jordán queꞌril nak queꞌe̱lelic lix solda̱deb laj Israel. Queꞌrabi nak quicamsi̱c laj Saúl rochbeneb li ralal. Queꞌxcanab lix tenamiteb ut queꞌe̱lelic. Ut eb laj filisteo queꞌoc saꞌ lix tenamiteb ut aran queꞌcana chi cua̱nc.

1 Samuel 31:9

Queꞌxset xcux laj Saúl ut queꞌxcꞌam lix jolom rochben lix chꞌi̱chꞌ re pletic ut queꞌxtaklaheb laj takl saꞌ chixjunil lix tenamiteb laj filisteo re nak teꞌrabi resil nak camenak chic laj Saúl. Queꞌxye ajcuiꞌ resil saꞌ rochocheb lix dioseb.

2 Samuel 1:20

Me̱ye resil aran Gat, chi moco te̱ye resil saꞌ eb li be aran Ascalón, re nak incꞌaꞌ teꞌsahokꞌ saꞌ xchꞌo̱leb lix rabineb laj filisteo. Me̱ye resil re nak incꞌaꞌ teꞌpiscꞌok xban xsahileb xchꞌo̱l li ixk li incꞌaꞌ nequeꞌxpa̱b li Dios.

1 Samuel 28:4

Nak queꞌxchꞌutub ribeb laj filisteo, queꞌco̱eb ut queꞌxyi̱b lix muheba̱leb aran Sunem. Ut laj Saúl quixchꞌutubeb laj Israel ut queꞌxyi̱b lix muheba̱leb aran Gilboa.

2 Samuel 1:21

La̱ex li tzu̱l li cuanquex Gilboa, incꞌaꞌ ta chic chitꞌanekꞌ li hab saꞌ e̱be̱n, chi moco li xchuꞌque. Ut incꞌaꞌ ta chic chie̱lk li acui̱mk chiru li chꞌochꞌ xban nak saꞌ e̱be̱n la̱ex xeꞌsacheꞌ xcuanquileb lix chꞌi̱chꞌeb li cauheb rib chi pletic. Ut saꞌ e̱be̱n ajcuiꞌ la̱ex quisacheꞌ xcuanquil lix chꞌi̱chꞌ laj Saúl. Chanchan ta li incꞌaꞌ sicꞌbil ru xban li Dios.