1 Samuel 31:4 - Li Santil hu

⁴ Laj Saúl quixye re li cui̱nk li nacꞌamoc re lix chꞌi̱chꞌ re pletic: —Chap chak la̱ chꞌi̱chꞌ ut tina̱camsi. Incꞌaꞌ nacuaj nak eb laj filisteo tineꞌxseꞌe nak tineꞌxcamsi. Eb li cristian aꞌan incꞌaꞌ nequeꞌxpa̱b li Dios, chan. Abanan li cui̱nk incꞌaꞌ quiraj xban nak ta̱xucuak. Joꞌcan nak laj Saúl quixchap lix chꞌi̱chꞌ ut quixcut rib saꞌ xbe̱n.

Q'eqchi Bible

⁴ Toja' naq a'in kixye re laj tenq' re: “Isi laach'iich' ut kamsin. Mare anchal te'k'ulunq li ink'a' xk'ulumeb' sirkunsisyon ut te'ok chinse'enkil ut chinkamsinkil”, chan. Ab'an laj tenq' re ink'a' kiraj xb'aan naq k'ajo' xxiw. Tikto laj Saúl kixchap li xch'iich' ut kixkut rib' sa' xb'een.

1 Samuel 31:4 ပူးပေါင်းရင်းမြစ်များ

2 Samuel 1:20

Me̱ye resil aran Gat, chi moco te̱ye resil saꞌ eb li be aran Ascalón, re nak incꞌaꞌ teꞌsahokꞌ saꞌ xchꞌo̱leb lix rabineb laj filisteo. Me̱ye resil re nak incꞌaꞌ teꞌpiscꞌok xban xsahileb xchꞌo̱l li ixk li incꞌaꞌ nequeꞌxpa̱b li Dios.

2 Samuel 1:6

Li cui̱nk quixye re: —La̱in yo̱quin chi numecꞌ aran saꞌ li tzu̱l Gilboa nak xcuil nak laj Saúl xakxo aran. Yo̱ chixcu̱tunquil rib riqꞌuin lix la̱ns. Ut eb li soldados li xicꞌ nequeꞌiloc re yo̱queb chi cha̱lc saꞌ xcarruaje ut yo̱queb ajcuiꞌ chi cha̱lc chirix cacua̱y.

Jueces 9:54

Laj Abimelec quixbok saꞌ junpa̱t li cui̱nk li nacꞌamoc re lix chꞌi̱chꞌ ut quixye re: —Isi chak la̱ chꞌi̱chꞌ ut tina̱camsi re nak ma̱ ani ta̱yehok re nak ixk xcamsin cue, chan. Ut li cui̱nk quixnumsi lix chꞌi̱chꞌ saꞌ xsaꞌ. Joꞌcaꞌin nak quicam laj Abimelec.

1 Reyes 16:27

Chixjunil li quixba̱nu li rey Omri, joꞌ ajcuiꞌ li quixba̱nu riqꞌuin xcacuilal xchꞌo̱l, tzꞌi̱banbil retalil saꞌ li hu Crónicas, li tzꞌi̱banbil cuiꞌ li quilajeꞌxba̱nu lix reyeb laj Israel.

2 Samuel 17:23

Laj Ahitofel quixqꞌue retal nak incꞌaꞌ queꞌxba̱nu li cꞌaꞌru quixye reheb. Joꞌcan nak quixyi̱b rix lix bu̱r ut quitakeꞌ chirix ut quisukꞌi saꞌ xtenamit. Quixyi̱b ru li cꞌaꞌru re saꞌ li rochoch. Ut chirix aꞌan quixyatzꞌ rib. Joꞌcaꞌin nak quicam laj Ahitofel. Quimukeꞌ saꞌ li mukleba̱l li quimukeꞌ cuiꞌ lix yucuaꞌ.

2 Samuel 1:14

Laj David quixye ajcuiꞌ re: —¿Ma incꞌaꞌ xatxucuac chixcamsinquil li rey? ¿Cꞌaꞌut nak xacamsi li rey li sicꞌbil ru xban li Dios? chan.

1 Samuel 17:36

Usta cakcoj, usta oso, la̱in quincamsiheb. Ut li cui̱nk aꞌin li incꞌaꞌ naxpa̱b li Dios, joꞌcan ajcuiꞌ tixcꞌul xban nak yo̱ chixhobbal lix soldados li yoꞌyo̱quil Dios, chan.

1 Samuel 17:26

Laj David quia̱tinac riqꞌuineb li cuanqueb chixcꞌatk. Quixye reheb: —¿Cꞌaꞌru ta̱qꞌuehekꞌ re li ani ta̱camsi̱nk re li cui̱nk li incꞌaꞌ naxpa̱b li Dios? ¿Ani ta̱isi̱nk re li xuta̱n li xqꞌue saꞌ xbe̱neb laj Israel? ¿Cꞌaꞌru xcuanquil nak naxhobeb lix soldados li yoꞌyo̱quil Dios? chan.

1 Samuel 14:6

Laj Jonatán quixye re li natenkꞌan re: —Numeko jun pacꞌal bar cuanqueb cuiꞌ laj filisteo li incꞌaꞌ nequeꞌxpa̱b li Dios. Ma̱re chan nak li Ka̱cuaꞌ toxtenkꞌa xban nak chiru aꞌan ma̱cꞌaꞌ chꞌaꞌaj. Li Dios toxtenkꞌa chi numta̱c saꞌ xbe̱neb, usta nabalo, usta cuibo ajcuiꞌ, chan.

Jueces 14:3

Ut lix naꞌ xyucuaꞌ queꞌxye re: —¿Cꞌaꞌut nak tatxic xsicꞌbal la̱ cuixakil saꞌ xya̱nkeb li incꞌaꞌ nequeꞌxpa̱b li Dios? ¿Ma ma̱cꞌaꞌ ta biꞌ ixk saꞌ kaya̱nk la̱o? ¿Ma ma̱cꞌaꞌ ta biꞌ ixk saꞌ li katenamit? chanqueb. Abanan laj Sansón quixye cuiꞌchic reheb: —Aꞌ li ixk aꞌan, aꞌan li nacuulac chicuu. Te̱tzꞌa̱ma aꞌan chokꞌ cuixakil, chan.

1 Crónicas 10:4

Laj Saúl quixye re li cui̱nk li nacꞌamoc re lix chꞌi̱chꞌ re pletic: —Chap chak la̱ chꞌi̱chꞌ, ut tina̱camsi. Incꞌaꞌ nacuaj nak eb li incꞌaꞌ nequeꞌxnau ru li Dios tineꞌxseꞌe nak tineꞌxcamsi, chan. Abanan li cui̱nk incꞌaꞌ quiraj xban nak ta̱xucuak. Joꞌcan nak laj Saúl quixchap lix chꞌi̱chꞌ ut quixcut rib saꞌ xbe̱n.

1 Samuel 31:5

Li cui̱nk quiril nak camenak chic laj Saúl. Quixchap lix chꞌi̱chꞌ ut quixcamsi rib. Rochben laj Saúl nak quicam.

2 Samuel 21:12

Joꞌcan nak co̱ riqꞌuineb li cui̱nk li cuanqueb Jabes, li cuan saꞌ xcue̱nt Galaad, re tixcꞌam lix bakeleb laj Saúl ut laj Jonatán. (Eb li cui̱nk aꞌan queꞌrelkꞌa li camenak aran Bet-sán saꞌ li naꞌajej li queꞌtꞌuyuba̱c cuiꞌ xbaneb laj filisteo saꞌ li cutan nak queꞌcamsi̱c saꞌ li tzu̱l Gilboa.)

1 Reyes 16:18

Laj Zimri quixqꞌue retal nak queꞌoc chi pletic saꞌ li tenamit. Joꞌcan nak co̱ saꞌ li palacio ut quixloch xxamlel. Ut aran quicꞌat laj Zimri saꞌ li palacio.

1 Samuel 26:10

Ut quixye ajcuiꞌ laj David: —Saꞌ xcꞌabaꞌ li yoꞌyo̱quil Dios la̱in ninye nak li Ka̱cuaꞌ ta̱qꞌuehok re chi ca̱mc. Nak ta̱cuulak xkꞌehil, laj Saúl ta̱ca̱mk. Ma̱re xban yajel malaj ut ta̱camsi̱k saꞌ ple̱t.

2 Samuel 1:1

Chirix lix camic laj Saúl, laj David quisukꞌi Siclag nak ac xnumta saꞌ xbe̱neb laj Amalec ut aran quicuan cuib cutan.