1 Samuel 30:6 - Li Santil hu

⁶ Cꞌajoꞌ lix cꞌaꞌux laj David xban nak eb li cuanqueb rochben queꞌxye nak teꞌxcut chi pec laj David xban xrahil xchꞌo̱leb. Abanan li Ka̱cuaꞌ quixqꞌue xcacuilal xchꞌo̱l laj David.

Q'eqchi Bible

⁶ K'ajo' li xk'a'uxl laj David xb'aan naq eb' li wankeb' rochb'een yookeb' chi xk'oxlankil xteninkil chi pek: jwal raheb' sa' xch'ool li tenamit, li junjunq chirixeb' li xkok'al. Ab'an laj David kixtaw xkawub' li xch'ool rik'in li Qaawa' li xYos

1 Samuel 30:6 ပူးပေါင်းရင်းမြစ်များ

Salmos 56:11

La̱in cau inchꞌo̱l riqꞌuin li Dios. Incꞌaꞌ ninxucuac. ¿Cꞌaꞌ ta cuiꞌ ru ta̱ru̱k tixba̱nu cue li cui̱nk?

Salmos 62:5

Caꞌaj cuiꞌ riqꞌuin li Dios cau inchꞌo̱l. Ut riqꞌuin aꞌan ninyoꞌonin.

Salmos 18:6

Nak cuanquin saꞌ raylal xinya̱ba xcꞌabaꞌ li Ka̱cuaꞌ. Quintzꞌa̱ma re nak tinixtenkꞌa. Ut aꞌan toj saꞌ choxa, quirabi li cꞌaꞌru quintzꞌa̱ma chiru.

Salmos 25:17

Cꞌajoꞌ incꞌaꞌux xban nak kꞌaxal ra cuanquin. China̱col ut chacuisi taxak lix rahil inchꞌo̱l.

Hebreos 13:6

Joꞌcan nak naru takaye chi anchal kachꞌo̱l: Li Ka̱cuaꞌ Dios natenkꞌan cue. Incꞌaꞌ ninxucua li cꞌaꞌru teꞌxba̱nu li xicꞌ nequeꞌiloc cue. (Sal. 118:6)

Romanos 4:18

Laj Abraham quixpa̱b li quixye li Dios ut quiroybeni li quiyechiꞌi̱c re usta incꞌaꞌ naxnau chanru nak ta̱qꞌuehekꞌ re li ralal xcꞌajol. Joꞌcan nak aꞌan xyucuaꞌeb li qꞌuila tenamit joꞌ quiyeheꞌ re xban li Dios, Teꞌqꞌuia̱nk la̱ cualal a̱cꞌajol, chuꞌux re xban li Dios. (Gén. 15:5)

Salmos 116:10

Usta kꞌaxal nim li raylal li cuanquin cuiꞌ, la̱in quinpa̱b nak li Ka̱cuaꞌ ta̱tenkꞌa̱nk cue.

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

Éxodo 17:4

Laj Moisés quitijoc chiru li Ka̱cuaꞌ Dios ut quixye: —¿Cꞌaꞌru tinba̱nu riqꞌuineb li tenamit? Oqueb re chincamsinquil chi pec, chan.

Salmos 42:11

¿Cꞌaꞌut nak ta̱rahok saꞌ inchꞌo̱l? Ut, ¿cꞌaꞌut nak yo̱k incꞌaꞌux? ¿Ma incꞌaꞌ ta biꞌ a̱cuiqꞌuin ninyoꞌonin? ¿Ma incꞌaꞌ ta biꞌ ta̱ru̱k tatinlokꞌoni cuiꞌchic, at Ka̱cuaꞌ? Naru tatinlokꞌoni cuiꞌchic, xban nak la̱at lin Dios ut la̱at aj Colol cue.—

Salmos 27:14

Chexyoꞌoni̱nk riqꞌuin li Ka̱cuaꞌ. Michꞌinan e̱chꞌo̱l. Cauhak ban e̱chꞌo̱l riqꞌuin. Caꞌaj cuiꞌ riqꞌuin aꞌan chexyoꞌoni̱nk.

2 Corintios 4:8

Qꞌuila pa̱y chi raylal nachal saꞌ kabe̱n, abanan nakacuy xnumsinquil. Cuan nak incꞌaꞌ nakatau ru li yo̱co chixcꞌulbal abanan incꞌaꞌ nachꞌinan kachꞌo̱l.

1 Samuel 1:10

Lix Ana qui-oc chi tijoc chiru li Ka̱cuaꞌ chi ra saꞌ xchꞌo̱l ut cꞌajoꞌ nak quiya̱bac.

San Juan 8:59

Cꞌajoꞌ nak queꞌjoskꞌoꞌ ut queꞌoc raj chixcutinquil chi pec. Abanan li Jesús quixmuk rib chiruheb. Qui-el saꞌ li templo ut co̱.

Números 14:10

Abanan eb laj Israel queꞌoc raj chixcutbaleb chi pec. Aꞌut li nimajcual Dios quixcꞌutbesi lix lokꞌal chiruheb saꞌ li tabernáculo.

2 Corintios 7:5

Chalen kacꞌulunic arin Macedonia ma̱ bar naru nocohilan. Yalak bar nocorahobtesi̱c ut nequeꞌraj pletic kiqꞌuin. Ut yo̱ ajcuiꞌ kacꞌaꞌux che̱rix la̱ex.

Proverbios 18:10

Kꞌaxal lokꞌ xcꞌabaꞌ li Ka̱cuaꞌ ut kꞌaxal nim xcuanquil. Caꞌaj cuiꞌ riqꞌuin aꞌan nequeꞌxic chixsicꞌbal lix colbaleb li ti̱queb xchꞌo̱l.

Jeremías 16:19

Laj Jeremías quixye: —At Ka̱cuaꞌ la̱at nacatqꞌuehoc incacuilal ut la̱at nacatqꞌuehoc inmetzꞌe̱u. A̱cuiqꞌuin nincol cuib nak cuanquin saꞌ raylal. Eb li najtil tenamit teꞌcha̱lk a̱cuiqꞌuin ut teꞌxye, “Relic chi ya̱l nak li yi̱banbil dios li xeꞌxlokꞌoni chak li kaxeꞌto̱nil yucuaꞌ moco ya̱l ta. Ma̱cꞌaꞌ nequeꞌoc cuiꞌ.

Li xHu LAJ JOB 13:15

Usta tinixcamsi, abanan cauhak inchꞌo̱l riqꞌuin. Tina̱tinak riqꞌuin re xcolbal cuib.

2 Corintios 1:6

La̱o nocorahobtesi̱c re nak la̱ex texcolekꞌ ut ta̱cꞌojoba̱k e̱chꞌo̱l. Naxcꞌojob kachꞌo̱l li Dios re nak la̱o takacꞌojob e̱chꞌo̱l la̱ex nak yo̱quex chixcuybal xnumsinquil li raylal joꞌ li nakacuy la̱o.

Romanos 4:20

Incꞌaꞌ quixcuiba xchꞌo̱l chi moco quixcanab roybeninquil lix ma̱tan li quiyechiꞌi̱c re xban li Dios. Cacuu̱c ban chic quixba̱nu saꞌ lix pa̱ba̱l ut quixlokꞌoni li Dios.

San Mateo 27:22

Quixye laj Pilato reheb: —Ut, ¿cꞌaꞌ put ru ta̱ru̱k tinba̱nu la̱in riqꞌuin li Jesús, li Cristo nequeꞌxye re?— Ut chixjunileb queꞌxye: —¡Chiqꞌuehekꞌ chiru cruz!—

San Mateo 21:9

Nak yo̱ chi xic li Jesús cuan yo̱queb chi xic chiru ut cuan yo̱queb chi xic chirix. Japjo̱queb re chixyebal: —Lokꞌoninbil taxak laj Colol ke, li ralal xcꞌajol li rey David. Osobtesinbil taxak li yo̱ chak chi cha̱lc saꞌ xcꞌabaꞌ li Ka̱cuaꞌ Dios. Aj Colol ke taxak li xchal chak riqꞌuin li Dios, chanqueb.

Isaías 25:4

La̱at xatenkꞌaheb li nebaꞌ. Xatenkꞌaheb li tenkꞌa̱c nequeꞌraj. Xacoleb chiruheb li joskꞌ aj cristian li nequeꞌrahobtesin reheb. Chanchan nak xacoleb chiru li ca̱k-sut-ikꞌ ut chiru xtikcual li sakꞌe.

Salmos 62:1

Caꞌaj cuiꞌ riqꞌuin li Dios cꞌojcꞌo inchꞌo̱l ut riqꞌuin aꞌan nintau li tuktu̱quilal.

Salmos 42:7

Nak nacuabi lix cau ok li haꞌ nak nocoxnumekꞌ saꞌ lix ni̱nkal ru takꞌa, chanchan aꞌan li raylal yo̱quin chixcꞌulbal. Chanchan nak li rok haꞌ qꞌuebil a̱ban yo̱ chi numecꞌ saꞌ inbe̱n nak nacuecꞌa.

Jueces 18:25

Eb li ralal xcꞌajol laj Dan queꞌxye re: —Matchokin chic. Cuanqueb cui̱nk arin kꞌaxal joskꞌeb. Ma̱chikꞌ xjoskꞌileb. Naru teꞌxtiquib pletic e̱riqꞌuin. Naru tatcamsi̱k la̱at ut teꞌcamsi̱k ajcuiꞌ chixjunileb la̱ cuechꞌalal, chanqueb.

Génesis 32:7

Nak laj Jacob quirabi li cꞌaꞌru queꞌxye, ma̱ caꞌchꞌin nak quixucuac ut cꞌajoꞌ nak qui-oc xcꞌaꞌux. Quixjachiheb ru li cristian li cuanqueb rochben joꞌ eb ajcuiꞌ lix cuacax ut lix bu̱r, joꞌ ajcuiꞌ eb lix camello. Chi joꞌcan quicana chi cuib chꞌu̱t li cꞌaꞌru re.

Salmos 42:5

¿Cꞌaꞌut nak ta̱rahokꞌ saꞌ inchꞌo̱l? Ut, ¿cꞌaꞌut nak yo̱k incꞌaꞌux? ¿Ma incꞌaꞌ ta biꞌ a̱cuiqꞌuin ninyoꞌonin? ¿Ma incꞌaꞌ ta biꞌ ta̱ru̱k tatinlokꞌoni cuiꞌchic, at Ka̱cuaꞌ? Naru tatinlokꞌoni cuiꞌchic xban nak la̱at lin Dios, ut la̱at aj Colol cue.

2 Samuel 17:8

La̱at nacanau nak la̱ yucuaꞌ ut eb lix soldados cauheb rib chi pletic. Yo̱queb xjoskꞌil anakcuan. Chanchaneb li oso li namakꞌeꞌ li ral chiru. La̱ yucuaꞌ naxnau pletic chi us. Aꞌan incꞌaꞌ tixnumsi li kꞌojyi̱n saꞌ xya̱nkeb li tenamit.

2 Reyes 4:27

Nak li ixk quicuulac saꞌ li tzu̱l cuan cuiꞌ li profeta Eliseo, quixcuikꞌib rib chiru, ut quixchap li rok. Laj Giezi quirisi raj, abanan li profeta quixye re: —Canab cuan. ¿Ma incꞌaꞌ nacacuil nak kꞌaxal ra saꞌ xchꞌo̱l? Ut li Ka̱cuaꞌ toj ma̱jiꞌ naxye cue cꞌaꞌru xcꞌul, chan li profeta.

1 Samuel 23:16

Saꞌ jun li cutan laj Jonatán, li ralal laj Saúl, co̱ chirilbal laj David aran Zif saꞌ li naꞌajej Hores. Quixqꞌue xcacuil xchꞌo̱l saꞌ xcꞌabaꞌ li Ka̱cuaꞌ.

Salmos 18:2

La̱at nacatcoloc cue. Caꞌaj cuiꞌ a̱cuiqꞌuin naru nincol cuib chiruheb li xicꞌ nequeꞌiloc cue. La̱at nacat-iloc cue, at inDios, re nak ma̱cꞌaꞌ tincꞌul. Chanchanat jun li sako̱nac bar ta̱ru̱k tincol cuiꞌ cuib. La̱at nacatcoloc cue joꞌ jun li ramleb chꞌi̱chꞌ li naxcol cuiꞌ rib li soldado. La̱at niquina̱col riqꞌuin lix nimal la̱ cuanquilal.

Salmos 31:24

Michꞌinan e̱chꞌo̱l. Cauhak ban e̱chꞌo̱l che̱junilex la̱ex li nequexyoꞌonin riqꞌuin li Ka̱cuaꞌ.

Salmos 71:4

At inDios, china̱col taxak saꞌ rukꞌeb li incꞌaꞌ useb xnaꞌleb. China̱col chiruheb li nequeꞌba̱nun ma̱usilal ut li kꞌaxal joskꞌeb.

Salmos 71:5

At Ka̱cuaꞌ Dios, caꞌaj cuiꞌ a̱cuiqꞌuin cꞌojcꞌo inchꞌo̱l chalen chak saꞌ insa̱jilal.

Jonás 2:2

Ut quixye: —Nak cuanquin saꞌ raylal quinya̱ba la̱ cꞌabaꞌ, at inDios, ut la̱at xina̱cuabi. Nak cuanquin chak saꞌ xnaꞌajeb li camenak, quintzꞌa̱ma intenkꞌanquil cha̱cuu ut la̱at xina̱sume.

Jueces 20:22

Eb li ralal xcꞌajol laj Israel queꞌxcacuubresi cuiꞌchic xchꞌo̱leb re nak teꞌxic cuiꞌchic chi pletic saꞌ li naꞌajej li queꞌco̱eb cuiꞌ saꞌ li xbe̱n cutan.

1 Samuel 28:15

Laj Samuel quixye re laj Saúl: —¿Cꞌaꞌut nak yo̱cat chinchꞌiꞌchꞌiꞌinquil? ¿Cꞌaꞌut nak xina̱bok arin? chan. Laj Saúl quixye: —Cꞌajoꞌ li raylal yo̱quin chixcꞌulbal. Eb laj filisteo yo̱queb chi pletic cuiqꞌuin. Ut li Dios xinixtzꞌekta̱na. Incꞌaꞌ chic naxsume lin tij, chi moco saꞌ inmatcꞌ, chi moco xbaneb li profetas. Joꞌcan nak xatinbok re nak ta̱ye cue cꞌaꞌru tinba̱nu, chan laj Saúl.

Salmos 138:3

Nak quintzꞌa̱ma intenkꞌanquil cha̱cuu, la̱at casume li cꞌaꞌru quintzꞌa̱ma cha̱cuu. Caqꞌue incacuilal ut caqꞌue inmetzꞌe̱u.