1 Samuel 30:20 - Li Santil hu

²⁰ Ut queꞌxcꞌam chixjunil li carner ut li cuacax. Queꞌxberesiheb chiruheb nak queꞌsukꞌi cuiꞌchic saꞌ xtenamiteb. Ut eb li cuanqueb rochben yo̱queb chixyebal: —Chixjunil aꞌin xre̱chani chak laj David, chanqueb.

Q'eqchi Bible

²⁰ Kixmaq'eb' ajwi' chixjunil li xkarneereb' ut xwakaxeb'. Ut eb' li neke'b'eresink li ketomq a'an, neke'xye: “A'in li reechanihom laj David”, chankeb'.

1 Samuel 30:20 ပူးပေါင်းရင်းမြစ်များ

1 Samuel 30:26

Nak laj David quicuulac aran Siclag, quixtakla xma̱taneb li rami̱g li nequeꞌcꞌamoc be aran Judá. Quixye reheb: —Li ma̱tan aꞌin xcomon li xkamakꞌ chiruheb li xicꞌ nequeꞌiloc re li Ka̱cuaꞌ Dios, chan.

Romanos 8:37

Aban li Jesucristo nocoxra ut nocoxtenkꞌa chixcuybal ut chixnumsinquil chixjunil li raylal nakacꞌul.

Isaías 53:12

Joꞌcan ut nak saꞌ xya̱nkeb li xni̱nkaleb ru li Dios tixqꞌue lix naꞌaj ut tixqꞌue lix lokꞌal xban nak aꞌan incꞌaꞌ quixra lix yuꞌam. Quixtoj rix lix ma̱queb laj ma̱c nak quixqꞌue rib chi ca̱mc saꞌ xcꞌabaꞌ laj ma̱c. Ut quicam joꞌ nak nequeꞌcam laj ma̱c. Ut quitijoc ut quixtzꞌa̱ma chiru li Dios nak tixcuyeb xma̱c.

2 Crónicas 20:25

Laj Josafat ut eb lix soldado queꞌco̱eb chixxocbal li cꞌaꞌru queꞌre̱chani saꞌ li ple̱t. Nabal li cꞌanjeleba̱l ut li cha̱bil tꞌicr ut li cꞌaꞌak re ru li queꞌre̱chani. Oxib cutan queꞌbay xxocbal chixjunil.

1 Samuel 30:21

Queꞌsukꞌi cuiꞌchic saꞌ li nimaꞌ Besor li queꞌcana cuiꞌ li cuib ciento chi cui̱nk li incꞌaꞌ queꞌru chi xic chirix laj David xban xlubiqueb. Chi saheb saꞌ xchꞌo̱l queꞌco̱eb chixcꞌulbal laj David ut li cuanqueb rochben. Ut laj David quixqꞌue xsahileb xchꞌo̱l.

2 Crónicas 14:15

Ut eb laj Judá queꞌpletic ajcuiꞌ riqꞌuineb li cuanqueb xqueto̱mk ut queꞌxchap chokꞌ reheb nabaleb li carner ut eb li camello. Ut chirix aꞌan queꞌsukꞌi cuiꞌchic Jerusalén.