1 Samuel 30:14 - Li Santil hu

¹⁴ La̱o xocuulac aran Neguev bar cuanqueb cuiꞌ eb laj cereteo. Ut xocuulac ajcuiꞌ aran Judá ut aran Neguev saꞌ lix naꞌaj laj Caleb. Ut xkacꞌat ajcuiꞌ li tenamit Siclag, chan.

Q'eqchi Bible

¹⁴ Xoowulak aran Nejeb, sa' xteepaleb' laj Keret ut eb' laj Judá, jo'wi' Nejeb, sa' xteepaleb' laj Kaleb, ut xqak'at ajwi' li tenamit Siklak”, chan.

1 Samuel 30:14 ပူးပေါင်းရင်းမြစ်များ

Sofonías 2:5

Ra cha̱lc re saꞌ e̱be̱n la̱ex aj Creta li cuanquex chire li palau. Li Ka̱cuaꞌ xqꞌue ajcuiꞌ jun li raylal saꞌ e̱be̱n la̱ex aj filisteo nak quixye: —La̱ex aj filisteo li cuanquex saꞌ li naꞌajej Canaán, tinsach e̱ru chi junaj cua. Ma̱ jun chi cristian ta̱cana̱k saꞌ le̱ tenamit.

Ezequiel 25:16

Joꞌcan nak la̱in ninye nak tinpletik riqꞌuineb laj filisteo ut tinsach ruheb. Tinsach ruheb laj cereteo joꞌ eb ajcuiꞌ li joꞌ qꞌuial queꞌcana chire li palau.

1 Reyes 1:44

Ut quixtakla laj Sadoc laj tij ut li profeta Natán chirochbeninquil joꞌ eb ajcuiꞌ laj Benaía li ralal laj Joiada ut eb laj cereteo ut eb laj peleteo. Ut queꞌxqꞌue laj Salomón chirix lix mu̱l li rey David.

1 Reyes 1:38

Queꞌco̱eb laj Sadoc laj tij rochbeneb li profeta Natán ut laj Benaía li ralal laj Joiada, joꞌqueb ajcuiꞌ laj cereteo ut eb laj peleteo. Queꞌxqꞌue laj Salomón chirix li mu̱l li nabe̱c cuiꞌ li rey David. Queꞌxcꞌam saꞌ li naꞌajej cuan cuiꞌ li yuꞌam haꞌ Gihón.

2 Samuel 8:18

Laj Benaía, li ralal laj Joiada, aꞌan li quitaklan saꞌ xbe̱neb laj cereteo ut eb laj peleteo. Eb li ralal laj David, aꞌaneb li ni̱nkeb xcuanquil saꞌ xya̱nkeb.

1 Samuel 30:16

Ut li cui̱nk aꞌan quixcꞌameb laj David bar cuanqueb cuiꞌ laj e̱lkꞌ. Eb laj Amalec cuanqueb yalak bar saꞌ li naꞌajej aꞌan. Yo̱queb chi ninkꞌei̱c. Yo̱queb chi cuaꞌac ut yo̱queb chi ucꞌac xban xsahil xchꞌo̱leb xban nak nabal li cꞌaꞌak re ru queꞌrelkꞌa.

1 Samuel 30:1

Saꞌ rox li cutan laj David ut eb li cuanqueb rochben queꞌcuulac saꞌ lix tenamit Siclag. Queꞌxqꞌue retal nak eb laj Amalec ac xeꞌoc saꞌ eb li naꞌajej Neguev ut Siclag. Queꞌxcꞌam li cꞌaꞌru cuan aran ut queꞌxcꞌat li tenamit.

Josué 15:13

Laj Josué quixqꞌue xnaꞌaj laj Caleb saꞌ xya̱nkeb li ralal xcꞌajol laj Judá. Laj Caleb aꞌan li ralal laj Jefone. Quiqꞌueheꞌ lix naꞌaj joꞌ quiyeheꞌ re laj Josué xban li Dios. Li naꞌajej li quiqꞌueheꞌ re, aꞌan Quiriat-arba li nequeꞌxye ajcuiꞌ Hebrón re. Li tenamit aꞌan, aꞌan lix tenamiteb li ralal xcꞌajol li nimla cui̱nk aj Anac xcꞌabaꞌ.

Josué 14:13

Ut laj Josué quixye re laj Caleb li ralal laj Jefone: —Aꞌ taxak li Dios chi-osobtesi̱nk a̱cue, chan. Ut quixqꞌue li tenamit Hebrón re aꞌan ut reheb ajcuiꞌ li ralal xcꞌajol.

1 Crónicas 18:17

Laj Benaía, li ralal laj Joiada, aꞌan li quitaklan saꞌ xbe̱neb laj cereteo ut eb laj peleteo. Eb li ralal laj David, aꞌaneb li ni̱nkeb xcuanquil saꞌ xya̱nkeb.

Josué 21:12

Abanan li cꞌaleba̱l re li tenamit aꞌan, joꞌ ajcuiꞌ li cocꞌ cꞌaleba̱l, aꞌan quiqꞌueheꞌ chokꞌ xnaꞌaj laj Caleb, li ralal laj Jefone.

1 Samuel 25:3

Laj Nabal, aꞌan xcomoneb li ralal xcꞌajol laj Caleb. Laj Nabal cau xchꞌo̱l ut joskꞌ. Li rixakil xAbigail xcꞌabaꞌ. Li ixk aꞌan, chꞌinaꞌus na-iloc ut cuan xnaꞌleb.

1 Samuel 30:13

Laj David quixye re: —¿Ani a̱patrón? ¿Bar xatchal chak? chan. Li cui̱nk quixye re: —La̱in aj Egipto. La̱in xmo̱s jun li cui̱nk xcomoneb laj Amalec. Oxib cutan incanabanquil arin xban lin patrón xban nak yajin.

1 Samuel 30:15

Laj David quixye re: —¿Ma ta̱ru̱k tina̱cꞌam cuanqueb cuiꞌ li jun chꞌu̱tal chi aj e̱lkꞌ aꞌan? chan. Ut li cui̱nk quixye re: —Cui la̱at ta̱ye cue saꞌ xcꞌabaꞌ li Dios nak incꞌaꞌ tina̱camsi, chi moco tina̱kꞌaxtesi saꞌ rukꞌ lin patrón, la̱in tatincꞌam bar cuanqueb cuiꞌ, chan.