1 Samuel 3:1 - Li Santil hu

¹ Laj Samuel yo̱ chi cꞌanjelac chiru li Dios saꞌ xsa̱jilal ut laj Elí naxcꞌut chiru chanru tixba̱nu. Saꞌ eb li cutan aꞌan li Ka̱cuaꞌ incꞌaꞌ quira̱tinaheb li tenamit rajlal, ut moco junelic ta quixcꞌut li visión chiruheb.

Q'eqchi Bible

¹ Laj Samuel, li ch'ina'al, nak'anjelak chiru li Qaawa' cho'q aj tenq' re laj Elí. Sa'eb' li kutan a'an li Qaawa' ink'a' naraatinaheb' li tenamit chi junelik, chi moko k'iheb' ta li neke'ilok moy u.

1 Samuel 3:1 ပူးပေါင်းရင်းမြစ်များ

Salmos 74:9

Ma̱cꞌaꞌ chic junak retalil nacꞌutu̱c re chiku xban nak ma̱cꞌaꞌ chic junak profeta. Ut ma̱ ani nayehoc ke joꞌ najtil chic takacꞌul li raylal aꞌin.

1 Samuel 3:21

Ut li Ka̱cuaꞌ quixcꞌutbesi cuiꞌchic rib chiru laj Samuel saꞌ li naꞌajej Silo bar naa̱tinac cuiꞌ li Ka̱cuaꞌ riqꞌuin.

1 Samuel 2:11

Chirix aꞌan, laj Elcana quisukꞌi saꞌ rochoch aran Ramá. Abanan laj Samuel, li chꞌina al, quicana ut yo̱ chi cꞌanjelac chiru li Dios. Ut laj Elí, laj tij, yo̱ chi cꞌamoc be chiru.

1 Samuel 2:18

Laj Samuel, li sa̱j al, yo̱ chi cꞌanjelac chiru li Dios, ut quixqꞌue chirix li efod yi̱banbil riqꞌuin lino joꞌ nequeꞌrocsi laj tij.

Isaías 13:12

Moco qꞌuiheb ta chic li cui̱nk li teꞌcana̱k chi yoꞌyo̱queb. Chanchanakeb li cha̱bil oro li cuan aran Ofir xban nak moco nabalakeb ta chic.

1 Samuel 3:15

Laj Samuel quicana saꞌ xcuarib toj quisake̱u. Tojoꞌnak quicuacli ut quixte li oqueba̱l re li tabernáculo. Abanan quixucuac ut incꞌaꞌ quixye re laj Elí cꞌaꞌru quicꞌutbesi̱c chiru xban li Ka̱cuaꞌ.

1 Samuel 2:35

La̱in tinsicꞌ ru jun chic li ta̱cꞌanjelak chicuu chokꞌ aj tij. Aꞌan tixba̱nu lix cꞌanjel chi cha̱bil joꞌ nacuaj la̱in. La̱in tinqꞌue ralal xcꞌajol re nak junelic teꞌcꞌanjelak chokꞌ aj tij ut re ajcuiꞌ nak teꞌcꞌanjelak chiru li rey li tinsicꞌ ru la̱in.

1 Samuel 2:36

Ut eb la̱ cuechꞌalal li incꞌaꞌ teꞌca̱mk teꞌxic riqꞌuin laj tij li tinsicꞌ ru ut teꞌxtzꞌa̱ma xtzacae̱mkeb ut xtumineb re. Ut teꞌxtzꞌa̱ma chiru nak tixcanabeb chi cꞌanjelac saꞌ xya̱nkeb laj tij re nak teꞌtzaca̱nk,” chan li Ka̱cuaꞌ.—

Proverbios 29:18

Cui incꞌaꞌ nayeheꞌ re li tenamit cꞌaꞌru naraj li Dios, incꞌaꞌ nequeꞌcuan saꞌ tuktu̱quilal. Us xak reheb li tenamit li nequeꞌxba̱nu li cꞌaꞌru naxye saꞌ lix chakꞌrab li Dios.

Ezequiel 7:26

Ta̱numta̱k li raylal saꞌ e̱be̱n. Rajlal yo̱kex chirabinquil resil li raylal li ta̱cha̱lk saꞌ e̱be̱n. Te̱tzꞌa̱ma chiruheb li profeta nak teꞌxye e̱re li cꞌaꞌru ta̱cꞌulma̱nk, abanan incꞌaꞌ teꞌxba̱nu. Eb laj tij ma̱cꞌaꞌ chic cꞌaꞌru teꞌxcꞌut che̱ru, chi moco eb laj qꞌuehol naꞌleb ta̱ru̱k teꞌxchꞌolob xya̱lal che̱ru.