1 Samuel 29:4 - Li Santil hu

⁴ Eb laj filisteo queꞌjoskꞌoꞌ riqꞌuin laj Aquis ut queꞌxye re: —Taklaheb cuiꞌchic saꞌ li naꞌajej li xaqꞌue reheb. Incꞌaꞌ teꞌxic chi pletic kochben. Ma̱re anchal aꞌan chic teꞌsukꞌi̱k chak saꞌ kabe̱n nak yo̱ko chi pletic. ¿Ma incꞌaꞌ ta biꞌ ta̱sahokꞌ cuiꞌchic xchꞌo̱l laj Saúl riqꞌuin cui toxcamsi la̱o? chanqueb.

Q'eqchi Bible

⁴ Ab'anan eb' li xjolomileb' laj Filistea ke'josq'o'k rik'in laj Akis ut ke'xye re: “Taqla chi sutq'iik li winq a'an sa' li na'ajej li xak'e re. Mixik chiqix chi yalok. Mare anchal xik' tooril naq yooqo chi yalok. Xb'aan naq li jwal us re naq taa'ok wi' chik sa' rusilal laj Saúl, a'an li xk'utb'al li xjolomeb' laj puub' a'in.

1 Samuel 29:4 ပူးပေါင်းရင်းမြစ်များ

1 Samuel 14:21

Cuanqueb xcomoneb laj Israel queꞌco̱eb saꞌ xya̱nkeb laj filisteo junxil. Queꞌxjal xcꞌaꞌuxeb ut queꞌoquen cuiꞌchic chirixeb laj Israel li cuanqueb rochben laj Saúl ut laj Jonatán.

1 Crónicas 12:19

Cuanqueb ajcuiꞌ xcomoneb li ralal xcꞌajol laj Manasés queꞌco̱eb riqꞌuin laj David nak yo̱ chi xic rochbeneb laj filisteo chi pletic riqꞌuineb lix soldado laj Saúl. Abanan laj David incꞌaꞌ quixtenkꞌaheb xban nak eb li nequeꞌtaklan saꞌ xbe̱neb lix soldado laj filisteo incꞌaꞌ queꞌraj nak ta̱xic chirixeb chi pletic. Queꞌxcꞌoxla nak ma̱re tixjunaji rib riqꞌuin lix soldado laj Saúl.

San Lucas 16:8

Ut li patrón quisach xchꞌo̱l chirilbal nak kꞌaxal cuan xnaꞌleb li merto̱m li incꞌaꞌ us xnaꞌleb. Eb li incꞌaꞌ nequeꞌxnau lix ya̱lal kꞌaxal se̱beb xchꞌo̱l chixcꞌoxlanquil chanru tixtenkꞌa rib, usta incꞌaꞌ us tixba̱nu reheb li ras ri̱tzꞌin. Kꞌaxal se̱beb xchꞌo̱l chiruheb li ralal xcꞌajol li Dios.

1 Samuel 27:6

Joꞌcan nak laj Aquis quixqꞌue re li tenamit Siclag. Ut chalen toj anakcuan li tenamit Siclag quicana chokꞌ reheb lix reyeb laj Judá.

1 Samuel 29:9

Laj Aquis quixye re: —La̱in ninnau nak la̱at cha̱bilat. Chanchanat jun x-ángel li Dios. Abanan eb li nequeꞌtaklan xeꞌxye nak incꞌaꞌ naru texxic chikix saꞌ li ple̱t.

1 Samuel 30:1

Saꞌ rox li cutan laj David ut eb li cuanqueb rochben queꞌcuulac saꞌ lix tenamit Siclag. Queꞌxqꞌue retal nak eb laj Amalec ac xeꞌoc saꞌ eb li naꞌajej Neguev ut Siclag. Queꞌxcꞌam li cꞌaꞌru cuan aran ut queꞌxcꞌat li tenamit.

Éxodo 1:10

Anakcuan chicua̱nk taxak kanaꞌleb. Tocꞌoxlak chirix li cꞌaꞌru takaba̱nu re nak incꞌaꞌ chic teꞌqꞌuia̱nk. Cui ta̱cua̱nk li ple̱t ma̱re teꞌxjunaji rib riqꞌuin li xicꞌ nequeꞌiloc ke ut teꞌe̱lelik chiku, chan.

1 Crónicas 12:20

Nak yo̱ chi xic laj David Siclag, eb li ralal xcꞌajol laj Manasés queꞌoc saꞌ xya̱nkeb. Aꞌaneb aꞌin li queꞌoc saꞌ xya̱nkeb: laj Adnas, laj Jozabad, laj Jediaiel, laj Micael, laj Jozabad, laj Eliú ut laj Ziletai. Li junju̱nk nequeꞌtaklan saꞌ xbe̱neb ju̱nk mil chi soldado xcomoneb li ralal xcꞌajol laj Manasés.