1 Samuel 29:3 - Li Santil hu

³ Eb li nequeꞌtaklan saꞌ xbe̱neb laj filisteo queꞌxye re laj Aquis: —¿Cꞌaꞌru yo̱queb laj hebreo saꞌ kaya̱nk la̱o? chanqueb. Laj Aquis quixye reheb: —Aꞌin laj David, jun li xtaklan saꞌ xya̱nkeb lix soldados laj Saúl. Junxil na-oc cuiqꞌuin. Ma̱cꞌaꞌ xpaltil chicuu chalen xchalic cuiqꞌuin toj chalen anakcuan, chan.

Q'eqchi Bible

³ Toja' naq eb' li xjolomileb' laj Filistea ke'xye: “K'aru yookeb' arin eb' laj Hebreo a'in?”. Laj Akis kixsumeheb': “A'an laj David, laj k'anjel chiru laj Saúl, awab'ej re Israel. Jun malaj wiib' chihab' rokik wik'in, ut maak'a' k'aru ink'a' us xintaw rik'in chalen sa' rokik wik'in toj anaqwan”, chan.

1 Samuel 29:3 ပူးပေါင်းရင်းမြစ်များ

Daniel 6:5

Tojoꞌnak eb li cui̱nk aꞌan queꞌxye: —Ma̱cꞌaꞌ ta̱ru̱k tojitok cuiꞌ chirix laj Daniel cui incꞌaꞌ takaba̱nu saꞌ xcꞌabaꞌ lix pa̱banquil xchakꞌrab lix Dios, chanqueb.

1 Samuel 27:7

Jun chihab riqꞌuin ca̱hib po quicuan laj David saꞌ lix tenamiteb laj filisteo.

1 Pedro 3:16

Chexcua̱nk saꞌ xya̱lal ut me̱ba̱nu chic li ma̱usilal re nak ma̱cꞌaꞌ ta̱chꞌiꞌchꞌiꞌi̱nk e̱re saꞌ le̱ cꞌaꞌux. Usta cha̱bil nequeba̱nu xban nak nequepa̱b li Cristo, abanan cuan li nequeꞌa̱tinac che̱rix. Eb aꞌan xuta̱nal teꞌe̱lk xban nak nequeꞌkꞌaban.

Romanos 12:17

Cui na-ux raylal e̱re, me̱qꞌue re̱kaj riqꞌuin raylal. Cheqꞌuehak ban e̱chꞌo̱l chixba̱nunquil li cꞌaꞌru us, li nanauman nak aꞌan li tzꞌakal cha̱bil.

San Juan 19:6

Eb li nequeꞌcꞌacꞌalen saꞌ li templo ut eb li xbe̱nil aj tij queꞌril li Jesús ut queꞌxjap reheb ut queꞌxye: —¡Qꞌue chiru cruz! ¡Qꞌue chiru cruz! chanqueb. Ut laj Pilato quixye reheb: —Cꞌamomak la̱ex ut qꞌuehomak chiru cruz cui te̱raj. La̱in ma̱ jun lix ma̱c xintau, chan.

1 Samuel 25:28

Chacuy taxak inma̱c cui xinpaltoꞌ cha̱cuu. Li Ka̱cuaꞌ Dios tatxxakab chokꞌ rey, joꞌ eb ajcuiꞌ la̱ cualal a̱cꞌajol xban nak la̱at yo̱cat chi pletic saꞌ xcꞌabaꞌ li Ka̱cuaꞌ. Toj chalen anakcuan ma̱ jun li ma̱usilal nacaba̱nu.

1 Samuel 27:1

Laj David quixye saꞌ xchꞌo̱l: —Ta̱cuulak xkꞌehil nak laj Saúl tinixcamsi. Kꞌaxal us cui tine̱lk saꞌ xya̱nkeb laj Israel ut tinxic chi cua̱nc saꞌ xya̱nkeb laj filisteo re nak laj Saúl tixcanab insicꞌbal, chan.

1 Samuel 29:6

Ut laj Aquis quixbok laj David riqꞌuin ut quixye re: —Saꞌ xcꞌabaꞌ li yoꞌyo̱quil Dios, la̱in ninye a̱cue nak la̱at ti̱c a̱chꞌo̱l. Ma̱cꞌaꞌ a̱paltil chicuu chalen nak xatcꞌulun cuiqꞌuin. Nacuaj raj nak tatxic chicuix saꞌ li ple̱t aꞌin. Abanan eb li nequeꞌtaklan saꞌ xbe̱neb li soldados incꞌaꞌ nequeꞌraj nak tatxic kochben.

1 Crónicas 12:19

Cuanqueb ajcuiꞌ xcomoneb li ralal xcꞌajol laj Manasés queꞌco̱eb riqꞌuin laj David nak yo̱ chi xic rochbeneb laj filisteo chi pletic riqꞌuineb lix soldado laj Saúl. Abanan laj David incꞌaꞌ quixtenkꞌaheb xban nak eb li nequeꞌtaklan saꞌ xbe̱neb lix soldado laj filisteo incꞌaꞌ queꞌraj nak ta̱xic chirixeb chi pletic. Queꞌxcꞌoxla nak ma̱re tixjunaji rib riqꞌuin lix soldado laj Saúl.

1 Crónicas 12:20

Nak yo̱ chi xic laj David Siclag, eb li ralal xcꞌajol laj Manasés queꞌoc saꞌ xya̱nkeb. Aꞌaneb aꞌin li queꞌoc saꞌ xya̱nkeb: laj Adnas, laj Jozabad, laj Jediaiel, laj Micael, laj Jozabad, laj Eliú ut laj Ziletai. Li junju̱nk nequeꞌtaklan saꞌ xbe̱neb ju̱nk mil chi soldado xcomoneb li ralal xcꞌajol laj Manasés.

Génesis 14:13

Abanan quie̱lelic jun li cui̱nk chiruheb aꞌan. Li cui̱nk aꞌan quicuulac riqꞌuin laj Abram laj hebreo ut quixye re li cꞌaꞌru quicꞌulman. Laj Abram cuan saꞌ li naꞌajej li ji ru. Eb li cheꞌ ji, aꞌan re laj Mamre. Laj Mamre, aꞌan xcomoneb laj amorreo. Aꞌan ras laj Escol joꞌ ajcuiꞌ laj Aner. Eb aꞌan rami̱gueb rib riqꞌuin laj Abram.

1 Samuel 4:6

Eb laj filisteo queꞌrabi nak yo̱queb chixjapbal reheb ut queꞌxye: —¿Cꞌaꞌut nak yo̱queb chixjapbal reheb laj Israel? chanqueb. Ut queꞌrabi resil nak ac xeꞌxcꞌam chak li Lokꞌlaj Ca̱x saꞌ lix naꞌajeb laj Israel.

1 Samuel 14:11

Joꞌcan nak queꞌco̱eb ut queꞌxcꞌut ribeb chiruheb laj filisteo. Ut eb laj filisteo queꞌxye: —¡Ilomakeb! Eb laj Israel yo̱queb chi e̱lc saꞌ li ochoch pec li queꞌxmuk cuiꞌ ribeb, chanqueb.