1 Samuel 28:9 - Li Santil hu

⁹ Li ixk quixye re: —La̱at nacanau nak li rey Saúl quirisiheb chixjunileb laj kꞌe saꞌ li naꞌajej aꞌin. ¿Cꞌaꞌru yo̱cat chixba̱nunquil? ¿Cꞌaꞌut nak yo̱cat chinqꞌuebal saꞌ chꞌaꞌajquilal? ¿Ma ta̱cuaj nak tineꞌxcamsi? chan.

Q'eqchi Bible

⁹ Kichaq'ok li ixq: “Laa'at nakanaw k'aru kixb'aanu laj Saúl sa' li tenamit a'in, chanru naq kirisiheb' laj q'e ut eb' laj aatinanel rik'in kamenaq. K'a' naq taawaj inra'lenkil re inkamsinkil?”, chan.

1 Samuel 28:9 ပူးပေါင်းရင်းမြစ်များ

1 Samuel 28:3

Laj Samuel ac quicam ut eb laj Israel queꞌrahoꞌ xchꞌo̱leb ut queꞌya̱bac chirix. Aran Ramá queꞌxmuk saꞌ lix tenamit. Ut laj Saúl ac xrisiheb aran Judá eb laj kꞌe ut eb laj ilonel.

2 Reyes 5:7

Nak lix reyeb laj Israel quiril xsaꞌ li hu, quisach xchꞌo̱l ut quixpej li rakꞌ xban xcꞌaꞌux ut quixye: —¿Ma la̱in ta biꞌ Dios nak tinqꞌuirtesi li cui̱nk aꞌin? ¿Cꞌaꞌut nak xtakla chak li cui̱nk aꞌin cuiqꞌuin re tinqꞌuirtesi? ¿Ma ta̱ru̱k ta biꞌ tincuisi xyuꞌam junak ut tinqꞌue cuiꞌchic? Qꞌuehomak retal. Li cui̱nk aꞌan yo̱ chixsicꞌbal xya̱lal chanru nak ta̱pletik cuiqꞌuin, chan.

2 Samuel 18:13

Cui ta la̱in xincamsi laj Absalón, la̱in ajcuiꞌ raj xinqꞌue cuib saꞌ chꞌaꞌajquilal xban nak ma̱cꞌaꞌ naru xmukbal chiru li rey. Ut la̱at xatpoꞌ raj saꞌ inbe̱n, chan.

Levítico 19:31

Me̱sicꞌ le̱ naꞌleb riqꞌuineb li nequeꞌa̱tinan musikꞌej chi moco te̱sicꞌ riqꞌuineb laj kꞌe. Cui te̱ba̱nu aꞌan, te̱mux e̱rib. La̱in li Ka̱cuaꞌ le̱ Dios xinyehoc re aꞌin.

1 Samuel 28:10

Laj Saúl quixye re: —Saꞌ xcꞌabaꞌ li nimajcual Dios, la̱in ninye a̱cue nak ma̱ jun raylal ta̱cha̱lk saꞌ a̱be̱n cui ta̱ba̱nu li cꞌaꞌru nintzꞌa̱ma cha̱cuu, chan.