1 Samuel 28:8 - Li Santil hu

⁸ Laj Saúl jalan li rakꞌ li quixqꞌue chirix. Aꞌan quiraj nak incꞌaꞌ ta̱naꞌekꞌ ru. Ut quixcꞌam chirix cuib li cui̱nk nak co̱ chi kꞌek chirilbal li ixk. Quixye re: —Nacuaj nak tat-a̱tinak riqꞌuineb li musikꞌej re nak ta̱ye cue cꞌaꞌru ta̱cꞌulma̱nk. Ta̱bok lix musikꞌ li cui̱nk li tinye a̱cue, chan.

Q'eqchi Bible

⁸ Laj Saúl jalan li raq' kixk'e chirix, re naq ink'a' taanawe'q ru, ut koho rochb'een wiib' aj k'anjel chiru. Chi q'eq kiwulak rik'in li ixq ut kixye re: “Patz'on re junaq kamenaq ut b'oq chaq li xmusiq' li winq tinye aawe”, chan.

1 Samuel 28:8 ပူးပေါင်းရင်းမြစ်များ

Isaías 8:19

Cui eb li tenamit teꞌxye e̱re nak te̱patzꞌ e̱naꞌleb riqꞌuineb laj kꞌe ut eb laj tu̱l li nequeꞌhasbac ut nequeꞌa̱tinac yal chi joꞌcan, la̱ex texchakꞌok ut te̱ye: —¿Ma incꞌaꞌ ta biꞌ ta̱ru̱k tixpatzꞌ xnaꞌleb junak tenamit riqꞌuin lix Dios? ¿Ma ta̱ru̱k ta biꞌ teꞌxpatzꞌ xnaꞌleb li yoꞌyo̱queb riqꞌuineb li camenak?—

1 Crónicas 10:13

Joꞌcaꞌin nak quicam laj Saúl xban nak quixtzꞌekta̱na li Ka̱cuaꞌ. Quixkꞌet li ra̱tin li Ka̱cuaꞌ ut quixpatzꞌ xnaꞌleb riqꞌuin jun li ixk aj kꞌe.

2 Crónicas 35:22

Abanan laj Josías incꞌaꞌ quiraj rabinquil li cꞌaꞌru quixye laj Necao ut incꞌaꞌ quixqꞌue retal nak li Dios yo̱ chi tenkꞌa̱nc re. Joꞌcan nak quixqꞌue li rakꞌ re pletic ut co̱ chi pletic riqꞌuin laj Necao saꞌ li ru takꞌa re Meguido.

2 Crónicas 18:29

Ut lix reyeb laj Israel quixye re laj Josafat: —La̱in tinjal li cuakꞌ nak tintiquib pletic re nak incꞌaꞌ teꞌxnau cuu. Ut la̱at ta̱qꞌue la̱ cuakꞌ li nacacuocsi junelic, chan. Ut li rey Acab quixjal li rakꞌ ut co̱ chi pletic.

1 Reyes 22:30

Ut lix reyeb laj Israel quixye re laj Josafat: —La̱in tinjal li cuakꞌ re nak incꞌaꞌ teꞌxnau cuu. Ut la̱at ta̱qꞌue la̱ cuakꞌ li nacacuocsi junelic, chan. Ut li rey Acab quixjal li rakꞌ ut co̱ chi pletic.

San Juan 3:19

Xban nak incꞌaꞌ nequeꞌpa̱ban, cuan li tojba ma̱c saꞌ xbe̱neb. Li Cꞌajolbej quicꞌulun saꞌ ruchichꞌochꞌ chixcꞌutbal lix ya̱lal chiruheb li cuanqueb saꞌ ruchichꞌochꞌ. Aꞌan chanchan li cutan. Abanan eb li cuanqueb saꞌ ruchichꞌochꞌ kꞌaxal queꞌraj cua̱nc saꞌ xkꞌojyi̱nal ru li ma̱c ut incꞌaꞌ queꞌraj cua̱nc saꞌ li cutan xban nak incꞌaꞌ us lix naꞌlebeb.

Jeremías 23:24

¿Ma naru ta biꞌ nequeꞌxmuk rib li cristian chicuu? ¿Ma cuan ta biꞌ junak naꞌajej li incꞌaꞌ nacuil la̱in? La̱in cuanquin yalak bar, joꞌ saꞌ choxa joꞌ saꞌ ruchichꞌochꞌ.

1 Reyes 22:34

Abanan jun li soldado laj Siria quixcut lix tzimaj chi incꞌaꞌ quixcꞌoxla nak toxixtau li rey. Ut li tzimaj aꞌan quixtau li rey Acab ut qui-oc saꞌ xcꞌulbal rib lix chꞌi̱chꞌ li naxcol cuiꞌ rib. Laj Acab quixjap re ut quixye: —Ca̱mc cue. Sukꞌisi li carruaje aꞌin. Tina̱cuisi saꞌ li ple̱t, chan.

Ezequiel 12:6

Yo̱keb cha̱cuilbal nak ta̱pako li cꞌaꞌru a̱cue saꞌ xbe̱n a̱tel nak tatxic. Tat-e̱lk nak oc re li kꞌojyi̱n. Ta̱tzꞌap la̱ cuu re nak incꞌaꞌ ta̱cuil li naꞌajej xban nak la̱in xatinxakab chokꞌ retalil chiruheb laj Israel.—