1 Samuel 28:15 - Li Santil hu

¹⁵ Laj Samuel quixye re laj Saúl: —¿Cꞌaꞌut nak yo̱cat chinchꞌiꞌchꞌiꞌinquil? ¿Cꞌaꞌut nak xina̱bok arin? chan. Laj Saúl quixye: —Cꞌajoꞌ li raylal yo̱quin chixcꞌulbal. Eb laj filisteo yo̱queb chi pletic cuiqꞌuin. Ut li Dios xinixtzꞌekta̱na. Incꞌaꞌ chic naxsume lin tij, chi moco saꞌ inmatcꞌ, chi moco xbaneb li profetas. Joꞌcan nak xatinbok re nak ta̱ye cue cꞌaꞌru tinba̱nu, chan laj Saúl.

Q'eqchi Bible

¹⁵ Toja' naq laj Samuel kixye re laj Saúl: “K'a' naq nikinaach'i'ch'i'i ut nikinaapatz'?”. Kichaq'ok laj Saúl: “Wankin sa' jun nimla ch'a'ajkilal: eb' laj Filistea yookeb' chi yalok wik'in ut li Yos xinxkanab'. Ink'a' chik nikinxsume chi moko rik'ineb' propeet, chi moko sa' inmatk'. Jo'kan naq xatinb'oq chaq re naq taaye we k'aru tinb'aanu”.

1 Samuel 28:15 ပူးပေါင်းရင်းမြစ်များ

1 Samuel 28:6

Laj Saúl quixpatzꞌ re li Dios cꞌaꞌru tixba̱nu. Abanan li Dios incꞌaꞌ chic quixsume chi moco saꞌ xmatcꞌ, chi moco riqꞌuin li Urim, chi moco xbaneb li profetas.

1 Samuel 18:12

Laj Saúl qui-oc xxiu xban laj David xban nak li Dios cuan riqꞌuin laj David ut incꞌaꞌ chic nacuan riqꞌuin laj Saúl.

Oseas 9:12

Ut cui ta teꞌni̱nka̱nk li ralal xcꞌajol, la̱in tebinmakꞌ chiruheb. Tokꞌobak ruheb nak tebincanab la̱in, chan li Ka̱cuaꞌ.

Proverbios 14:14

Li ma̱cꞌaꞌeb xnaꞌleb cꞌojcꞌo̱queb xchꞌo̱l riqꞌuin li incꞌaꞌ us nequeꞌxba̱nu. Ut li cha̱bileb saheb saꞌ xchꞌo̱l riqꞌuin li us nequeꞌxba̱nu.

San Mateo 25:41

Tojoꞌnak la̱in li Rey tinye reheb li cuanqueb saꞌ lin tzꞌe: “Elenkex chicuu. Tzꞌekta̱nanbilex saꞌ li xam li ma̱ jokꞌe ta̱chupk cꞌu̱banbil chak chokꞌ re laj tza ut reheb ajcuiꞌ lix ángel.

Salmos 51:11

Mina̱tzꞌekta̱na taxak ut incꞌaꞌ taxak ta̱cuisi li Santil Musikꞌej cuiqꞌuin.

1 Samuel 28:11

Li ixk quixye re: —¿Ani ta̱cuaj tinbok xmusikꞌ? chan. Laj Saúl quixye re: —Nacuaj nak ta̱bok xmusikꞌ laj Samuel, chan.

1 Samuel 28:8

Laj Saúl jalan li rakꞌ li quixqꞌue chirix. Aꞌan quiraj nak incꞌaꞌ ta̱naꞌekꞌ ru. Ut quixcꞌam chirix cuib li cui̱nk nak co̱ chi kꞌek chirilbal li ixk. Quixye re: —Nacuaj nak tat-a̱tinak riqꞌuineb li musikꞌej re nak ta̱ye cue cꞌaꞌru ta̱cꞌulma̱nk. Ta̱bok lix musikꞌ li cui̱nk li tinye a̱cue, chan.

1 Samuel 23:2

Laj David quitijoc ut quixye re li Dios: —¿Ma tinxic chi pletic riqꞌuineb laj filisteo malaj ut incꞌaꞌ? chan. Ut li Ka̱cuaꞌ quixye re: —Ayu. Pletin chak riqꞌuineb laj filisteo ut ta̱coleb li cuanqueb aran Keila, chan.

Jueces 16:20

Ut quixye re: —At Sansón, xeꞌchal laj filisteo cha̱chapbal, chan. Nak qui-aj ru laj Sansón quixye: —Tine̱lelik chiruheb joꞌ ninba̱nu rajlal, chan. Abanan incꞌaꞌ quixqꞌue retal nak ac xcanaba̱c xban li Ka̱cuaꞌ.

1 Samuel 23:4

Joꞌcan nak laj David co̱ cuiꞌchic chi tijoc chiru li Ka̱cuaꞌ re xnaubal ma ta̱xic Keila chi pletic riqꞌuineb laj filisteo, malaj ut incꞌaꞌ. Ut li Ka̱cuaꞌ quixye re: —Ayu chi pletic riqꞌuineb laj filisteo xban nak la̱in tinkꞌaxtesiheb saꞌ a̱cuukꞌ, chan.

1 Samuel 28:16

Laj Samuel quixye re: —¿Cꞌaꞌut nak nacapatzꞌ cue cꞌaꞌru ta̱ba̱nu? Li Ka̱cuaꞌ ac xatxcanab a̱junes ut xicꞌ chic nacatril.

1 Samuel 30:6

Cꞌajoꞌ lix cꞌaꞌux laj David xban nak eb li cuanqueb rochben queꞌxye nak teꞌxcut chi pec laj David xban xrahil xchꞌo̱leb. Abanan li Ka̱cuaꞌ quixqꞌue xcacuilal xchꞌo̱l laj David.