1 Samuel 28:10 - Li Santil hu

¹⁰ Laj Saúl quixye re: —Saꞌ xcꞌabaꞌ li nimajcual Dios, la̱in ninye a̱cue nak ma̱ jun raylal ta̱cha̱lk saꞌ a̱be̱n cui ta̱ba̱nu li cꞌaꞌru nintzꞌa̱ma cha̱cuu, chan.

Q'eqchi Bible

¹⁰ Ab'an laj Saúl kixye li raatin sa' xk'ab'a' li Qaawa': “Sa' xk'ab'a' li yo'yookil Yos -chan- ninye aawe naq maak'a' rahilal taachalq sa' aab'een wi taab'aanu a'an”.

1 Samuel 28:10 ပူးပေါင်းရင်းမြစ်များ

San Marcos 6:23

Ut quixye ajcuiꞌ re li xkaꞌal: —Saꞌ xcꞌabaꞌ li Dios, tinqꞌue a̱cue li cꞌaꞌru ta̱patzꞌ cue. Usta yijach lin jun cablal ta̱patzꞌ cue, tinqꞌue a̱cue, chan.

San Mateo 26:72

Ut laj Pedro quiticꞌtiꞌic cuiꞌchic xcaꞌ cua. Quixpatzꞌ xcꞌabaꞌ li Dios ut quixye: —Incꞌaꞌ ninnau ru li cui̱nk aꞌan, chan.

2 Samuel 14:11

Li ixk quixye cuiꞌchic re laj David: —At rey, ba̱nu usilal, ta̱tzꞌa̱ma chiru li Ka̱cuaꞌ la̱ Dios nak li cuechꞌalal li ta̱raj tixqꞌue re̱kaj xcamic li jun, incꞌaꞌ tixcamsi re nak incꞌaꞌ tixnimobresi ru li raylal, chan. Li rey David quixye re: —Saꞌ xcꞌabaꞌ li Ka̱cuaꞌ Dios, la̱in ninye a̱cue nak la̱ yum ma̱cꞌaꞌ tixcꞌul. Ma̱ ani ta̱chꞌeꞌok re, chan.

1 Samuel 19:6

Quixcꞌul xchꞌo̱l li cꞌaꞌru quixye laj Jonatán ut quixba̱nu li juramento ut quixye: —Saꞌ xcꞌabaꞌ li yoꞌyo̱quil Dios, incꞌaꞌ ta̱camsi̱k laj David, chan.

1 Samuel 14:39

Saꞌ xcꞌabaꞌ li yoꞌyo̱quil Dios li nacoloc ke la̱o aj Israel, la̱in ninye e̱re nak ta̱camsi̱k li ani cuan xma̱c, usta aꞌan laj Jonatán li cualal, chan laj Saúl. Abanan ma̱ jun saꞌ xya̱nkeb quichakꞌoc.

Éxodo 20:7

Me̱patzꞌ xcꞌabaꞌ li Ka̱cuaꞌ le̱ Dios saꞌ yoꞌobanbil a̱tin. Li Ka̱cuaꞌ Dios moco tixcanab ta chi incꞌaꞌ tixtoj xma̱c li ani tixpatzꞌ xcꞌabaꞌ chi ma̱cꞌaꞌ rajbal.

Génesis 3:5

Li Dios naxnau nak jokꞌe te̱lou ru li cheꞌ, te̱nau chic chixjunil. Chanchanakex chic li Dios. Te̱nau chic cꞌaꞌru li us ut cꞌaꞌru li incꞌaꞌ us, chan.

1 Samuel 28:9

Li ixk quixye re: —La̱at nacanau nak li rey Saúl quirisiheb chixjunileb laj kꞌe saꞌ li naꞌajej aꞌin. ¿Cꞌaꞌru yo̱cat chixba̱nunquil? ¿Cꞌaꞌut nak yo̱cat chinqꞌuebal saꞌ chꞌaꞌajquilal? ¿Ma ta̱cuaj nak tineꞌxcamsi? chan.

1 Samuel 28:11

Li ixk quixye re: —¿Ani ta̱cuaj tinbok xmusikꞌ? chan. Laj Saúl quixye re: —Nacuaj nak ta̱bok xmusikꞌ laj Samuel, chan.