1 Samuel 27:9 - Li Santil hu

⁹ Naxcamsiheb li cui̱nk ut eb li ixk. Ma̱ jun chic naxcanabeb chi yoꞌyo. Ut naxcꞌameb li queto̱mk, eb li carner, eb li bu̱r, ut eb li camello, joꞌ ajcuiꞌ li akꞌej. Ut nequeꞌsukꞌi cuiꞌchic riqꞌuin laj Aquis.

Q'eqchi Bible

⁹ Laj David nasachok sa' li tenamit nawulak wi', ut maak'a' winq chi moko ixq naxkanab' chi yo'yo. Nareechaniheb' li karneer ut eb' li b'ooyx, eb' li b'uur, li kameey ut eb' li aq'ej, ut chirix a'an nasutq'iik wi' chik rik'in laj Akis.

1 Samuel 27:9 ပူးပေါင်းရင်းမြစ်များ

1 Samuel 15:3

Texxic anakcuan chi pletic riqꞌuineb laj Amalec. Te̱sach ruheb chixjunil li cꞌaꞌruheb re. Me̱ril xtokꞌoba̱l ruheb. Te̱camsiheb chixjunileb joꞌ cui̱nk, joꞌ ixk, joꞌqueb ajcuiꞌ li cocꞌal ut eb li toj cꞌulaꞌaleb. Te̱camsiheb ajcuiꞌ lix cuacax, ut eb lix carner, eb lix camelleb joꞌ eb ajcuiꞌ lix bu̱reb”, chan li Ka̱cuaꞌ.

1 Samuel 15:7

Ut laj Saúl quipletic riqꞌuineb laj Amalec ut queꞌra̱linaheb saꞌ li tenamit Havila toj saꞌ li tenamit Shur li cuan saꞌ xnuba̱l li naꞌajej Egipto. Laj Saúl quinumta saꞌ xbe̱neb.

Josué 6:21

Queꞌxcamsi chi chꞌi̱chꞌ chixjunileb li cristian, joꞌ cui̱nk, joꞌ ixk, joꞌ ti̱x, joꞌ toj sa̱jeb. Ut queꞌxcamsi ajcuiꞌ chixjunileb li bo̱yx, li carner ut li bu̱r. Joꞌcaꞌin nak queꞌxsach ru chixjunil li cuan saꞌ li tenamit aꞌan.

Éxodo 15:22

Laj Moisés quicꞌamoc be chiruheb laj Israel nak queꞌel chire li Mar Rojo. Queꞌco̱eb saꞌ li chaki chꞌochꞌ Shur xcꞌabaꞌ. Oxib cutan queꞌbe̱c saꞌ li chaki chꞌochꞌ ut ma̱ bar queꞌxtau li haꞌ.

Génesis 25:18

Eb li ralal laj Ismael queꞌcuan saꞌ li chꞌochꞌ li naticla saꞌ li tenamit Havila ut naxic toj saꞌ li tenamit Shur ut nacuulac toj saꞌ li nuba̱l re li tenamit Asiria. Li naꞌajej aꞌin cuan saꞌ xcaꞌyaba̱l Egipto. Ut aran queꞌxyi̱b lix naꞌajeb laj Ismael usta incꞌaꞌ queꞌraj lix comoneb.

Génesis 16:7

Lix Agar yo̱ chi be̱c saꞌ li chaki chꞌochꞌ. Quicuulac cuan cuiꞌ li yuꞌam haꞌ saꞌ li be naxic saꞌ li tenamit Shur. Ut aran quitaꞌeꞌ xban lix ángel li Ka̱cuaꞌ Dios.

1 Samuel 15:8

Queꞌxchap chi yoꞌyo laj Agag lix reyeb laj Amalec. Abanan chixjunileb li tenamit queꞌxcamsi chi chꞌi̱chꞌ.

Li xHu LAJ JOB 1:3

Laj Job kꞌaxal nabal cꞌaꞌru re cuan. Cuukub mil lix carner ut oxib mil lix camello, o̱b ciento sumal lix bo̱yx ut o̱b ciento lix bu̱r. Kꞌaxal nabaleb lix mo̱s. Laj Job, aꞌan li kꞌaxal biom saꞌ chixjunil li naꞌajej li cuan saꞌ li oriente.