1 Samuel 27:8 - Li Santil hu

⁸ Saꞌ eb li cutan aꞌan laj David ut eb li soldado li cuanqueb rochben, rajlal nequeꞌxic chi pletic riqꞌuineb laj Gesur, eb laj Gezer ut eb laj Amalec re teꞌxcꞌam li cꞌaꞌru reheb. Eb li naꞌajej li queꞌcuan cuiꞌ li cristian aꞌan naticla chak Telaim li nacana saꞌ xjayal li naꞌajej Shur ut nacuulac toj Egipto.

Q'eqchi Bible

⁸ ut rochb'eeneb' laj puub' naxikje'k chi yalok rik'ineb' laj Jesur, eb' laj Késer ut rik'ineb' laj Amalek (a'ineb' li wankeb' sa' li na'ajej a'an, chalen chaq Telán toj Sur ut sa' xnub'ajlil Ejiipt).

1 Samuel 27:8 ပူးပေါင်းရင်းမြစ်များ

Josué 13:2

Li naꞌajej li ma̱jiꞌ nequere̱chani, aꞌan lix naꞌajeb laj filisteo ut lix naꞌajeb laj gesureo.

Josué 13:13

Caꞌaj cuiꞌ eb li ralal xcꞌajol laj Gesur ut eb li ralal xcꞌajol laj Maaca incꞌaꞌ queꞌisi̱c saꞌ lix naꞌajeb xbaneb laj Israel. Queꞌcana ban chi cua̱nc saꞌ xya̱nkeb toj chalen anakcuan.

Jueces 1:29

Joꞌcan ajcuiꞌ eb li ralal xcꞌajol laj Efraín incꞌaꞌ queꞌrisiheb laj cananeo saꞌ li naꞌajej Gezer. Queꞌcana ban chi cua̱nc saꞌ xya̱nkeb li ralal xcꞌajol laj Efraín.

Josué 16:10

Eb li ralal xcꞌajol laj Efraín incꞌaꞌ queꞌrisiheb laj cananeo li cuanqueb saꞌ li tenamit Gezer. Toj cuanqueb ajcuiꞌ saꞌ li tenamit aꞌan rochbeneb li ralal xcꞌajol laj Efraín. Abanan tento nak teꞌtojok.

1 Crónicas 2:23

Abanan laj Gesur ut laj Aram quixchap chokꞌ reheb li roxcꞌa̱l (60) chi xtenamit laj Jair. Quixchap li tenamit Kenat rochben lix cocꞌ cꞌaleba̱l. Chixjunileb aꞌin, aꞌaneb li ralal xcꞌajol laj Maquir, lix yucuaꞌ laj Galaad.

2 Samuel 15:8

Nak toj cuanquin aran Siria saꞌ li tenamit Gesur, la̱in quinye re li Ka̱cuaꞌ nak la̱in tinlokꞌoni ru cui tinixcꞌam cuiꞌchic Jerusalén, chan.

2 Samuel 14:32

Laj Absalón quixye re: —Xeꞌxcꞌat xban nak xintakla a̱bokbal ut incꞌaꞌ xatcꞌulun chicuilbal. Xcuaj raj nak tatxic chi a̱tinac riqꞌuin li rey saꞌ incꞌabaꞌ la̱in. Xatintakla raj chixyebal re, “¿Cꞌaꞌru aj e nak xatakla incꞌambal arin? Us raj chokꞌ cue cui ta xincana aran Gesur”. La̱in tincuaj rilbal ru li rey. Cui cuan inma̱c chiru, chinixcamsihak, chan laj Absalón.

2 Samuel 14:23

Laj Joab quicuacli ut co̱ Gesur. Ut quixcꞌam cuiꞌchic chak laj Absalón saꞌ li tenamit Jerusalén.

1 Samuel 30:1

Saꞌ rox li cutan laj David ut eb li cuanqueb rochben queꞌcuulac saꞌ lix tenamit Siclag. Queꞌxqꞌue retal nak eb laj Amalec ac xeꞌoc saꞌ eb li naꞌajej Neguev ut Siclag. Queꞌxcꞌam li cꞌaꞌru cuan aran ut queꞌxcꞌat li tenamit.

Éxodo 17:8

Nak cuanqueb laj Israel saꞌ li naꞌajej Refidim queꞌchal eb laj Amalec chi pletic riqꞌuineb.

Éxodo 15:22

Laj Moisés quicꞌamoc be chiruheb laj Israel nak queꞌel chire li Mar Rojo. Queꞌco̱eb saꞌ li chaki chꞌochꞌ Shur xcꞌabaꞌ. Oxib cutan queꞌbe̱c saꞌ li chaki chꞌochꞌ ut ma̱ bar queꞌxtau li haꞌ.

Josué 12:5

Aꞌan quitaklan saꞌ xbe̱neb li naꞌajej aꞌin. Quiticla chak cuan cuiꞌ li tzu̱l Hermón. Nacuulac cuan cuiꞌ li naꞌajej Salca, ut chixjunil li naꞌajej Basán. Ut nacuulac saꞌ li nuba̱l re li naꞌajej Gesur ut Maaca ut yijach re li naꞌajej Galaad li nataklan cuiꞌ laj Sehón li rey re Hesbón.

1 Samuel 29:6

Ut laj Aquis quixbok laj David riqꞌuin ut quixye re: —Saꞌ xcꞌabaꞌ li yoꞌyo̱quil Dios, la̱in ninye a̱cue nak la̱at ti̱c a̱chꞌo̱l. Ma̱cꞌaꞌ a̱paltil chicuu chalen nak xatcꞌulun cuiqꞌuin. Nacuaj raj nak tatxic chicuix saꞌ li ple̱t aꞌin. Abanan eb li nequeꞌtaklan saꞌ xbe̱neb li soldados incꞌaꞌ nequeꞌraj nak tatxic kochben.

2 Samuel 3:3

Li xcab, aꞌan laj Quileab. Lix naꞌ, aꞌan lix Abigail li quicuan chokꞌ rixakil laj Nabal aran Carmel. Li rox, aꞌan laj Absalón. Lix naꞌ, aꞌan lix Maaca lix rabin laj Talmai li quicuan chokꞌ rey aran Gesur.

2 Samuel 3:22

Chirix chic aꞌan laj Joab rochbeneb lix soldados laj David queꞌsukꞌi chi pletic. Queꞌxcꞌam chak nabal li cꞌaꞌak re ru queꞌre̱chani saꞌ li ple̱t. Laj Abner ma̱ ani chic riqꞌuin laj David aran Hebrón. Ac quichakꞌrabi̱c xban laj David ut co̱ chi sa saꞌ xchꞌo̱l.

2 Samuel 8:12

nak quipletic riqꞌuineb laj Siria, eb laj Moab, eb laj Amón, eb laj filisteo, eb laj Amalec, joꞌ ajcuiꞌ nak quipletic riqꞌuin laj Hadad-ezer li ralal laj Rehob, li quicuan chokꞌ rey aran Soba.

Números 13:29

Saꞌ li naꞌajej Neguev cuan laj Amalec. Ut eb laj heteo, eb laj jebuseo ut eb laj amorreo cuanqueb saꞌ li naꞌajej li tzu̱l ru. Eb laj cananeo cuanqueb chire li palau ut chire li nimaꞌ Jordán, chanqueb.

Números 14:45

Ut eb laj Amalec ut eb laj Canaán li cuanqueb saꞌ li naꞌajej li tzu̱l ru, queꞌcube chi pletic riqꞌuineb ut queꞌnumta saꞌ xbe̱neb. Queꞌra̱linaheb toj saꞌ li naꞌajej Horma.