1 Samuel 27:12 - Li Santil hu

¹² Laj Aquis cꞌojcꞌo xchꞌo̱l riqꞌuin laj David. Quixye saꞌ xchꞌo̱l: —Laj David ta̱cꞌanjelak chicuu joꞌ najtil yoꞌyo̱k xban nak kꞌaxal xicꞌ chic ta̱ilekꞌ xbaneb laj Israel, li rech tenamitil, riqꞌuin li cꞌaꞌru yo̱ chixba̱nunquil, chan.

Q'eqchi Bible

¹² K'ojk'o xch'ool laj Akis rik'in laj David; naxk'oxla: “Ch'olch'o naq laj David xik' chik na'ile'k xb'aaneb' laj Israel li rech tenamitul, ut a'anaq aj k'anjel chiwu chi junelik”, chan sa' xch'ool.

1 Samuel 27:12 ပူးပေါင်းရင်းမြစ်များ

1 Samuel 13:4

Joꞌcan nak chixjunileb laj Israel queꞌrabi resil nak laj Saúl ac xeꞌxcamsi li jun chꞌu̱tal chi soldado li yo̱queb chi cꞌacꞌale̱nc aran Gabaa. Queꞌxnau nak xicꞌ nequeꞌileꞌ xbaneb laj filisteo. Ut chixjunileb queꞌco̱eb Gilgal re teꞌxchꞌutub ribeb riqꞌuin laj Saúl.

Génesis 34:30

Laj Jacob quixye re laj Simeón joꞌ ajcuiꞌ re laj Leví: —La̱ex xeqꞌue jun li nimla raylal saꞌ inbe̱n la̱in. Anakcuan chixjunileb li cristian saꞌ li naꞌajej aꞌin xicꞌ chic tineꞌril, eb laj cananeo ut eb laj ferezeo. Ma̱re teꞌxchꞌutub ribeb re teꞌpletik kiqꞌuin. Ut la̱o coꞌxibo ajcuiꞌ. ¿Cꞌaꞌru takaba̱nu? To-osokꞌ chikajunilo, chan laj Jacob.

Éxodo 5:21

Ut queꞌxye reheb, —Li Ka̱cuaꞌ Dios taxak chiqꞌuehok re̱kaj li cꞌaꞌru yo̱quex la̱ex. E̱ma̱c la̱ex nak laj faraón joꞌ ajcuiꞌ li nequeꞌtaklan kꞌaxal cuiꞌchic yo̱queb xjoskꞌil saꞌ kabe̱n. Teꞌraj ajcuiꞌ kacamsinquil, chanqueb re laj Moisés.

1 Samuel 27:11

Ma̱ jun chic reheb li cristian naxcanabeb chi yoꞌyo xban nak incꞌaꞌ quiraj nak teꞌxic aran Gat chixyebal resil li cꞌaꞌru yo̱ chixba̱nunquil laj David. Joꞌcan quixba̱nu laj David joꞌ najtil quicuan aran saꞌ xya̱nkeb laj filisteo.

1 Samuel 28:1

Saꞌ jun li cutan eb lix solda̱deb laj filisteo queꞌxchꞌutub ribeb re teꞌxic chi pletic riqꞌuineb laj Israel. Laj Aquis quixye re laj David: —Tento nak la̱at ut eb la̱ soldados texxic chikix chi pletic, chan.

2 Samuel 10:6

Eb li ralal xcꞌajol laj Amón queꞌxqꞌue retal nak xicꞌ chic teꞌilekꞌ xban laj David. Joꞌcan nak queꞌxtoj junmay mil chi soldados re Siria li queꞌcuan saꞌ li cuib chi tenamit Bet-rehob ut Soba. Queꞌxtoj ajcuiꞌ lix reyeb laj Maaca rochben jun mil chi soldados. Joꞌcan ajcuiꞌ cablaju mil chi soldados re Is-tob.