1 Samuel 27:10 - Li Santil hu

¹⁰ Ut laj Aquis naxye reheb: —¿Bar xexcuulac chi pletic anakcuan?— Ut laj David naxye re: —Xocuulac Judá saꞌ li sur.— Malaj ut naxye: —Xocuulac Jerameel saꞌ li sur.— Malaj ut naxye: —Xocuulac saꞌ li sur cuanqueb cuiꞌ eb laj Ceneo, chan.

Q'eqchi Bible

¹⁰ Ut laj Akis naxpatz' reheb': “B'ar xexwulak chi sachok sa' li kutan a'in?”, chan; ut laj David naxsume: “Xoowulak Nejeb re Judá”, malaj: “Xoowulak Nejeb re Jerajmehel”, malaj: “Xoowulak Nejeb reheb' laj Ken”, chan.

1 Samuel 27:10 ပူးပေါင်းရင်းမြစ်များ

Jueces 1:16

Eb li ralal xcꞌajol lix yucuaꞌ li rixakil laj Moisés, aꞌaneb laj Ceneo. Eb aꞌan queꞌrochbeni li ralal xcꞌajol laj Judá nak queꞌel saꞌ li tenamit Jericó bar cuanqueb cuiꞌ nabal chi cheꞌ palmera. Queꞌco̱eb saꞌ li chaki chꞌochꞌ li cuan nachꞌ riqꞌuin li tenamit Arad saꞌ xcue̱nt Neguev. Ut aran queꞌcana chi cua̱nc saꞌ xya̱nkeb li cuanqueb saꞌ li naꞌajej aꞌan.

1 Crónicas 2:25

Eb li ralal laj Jerameel li xbe̱n ralal laj Hezrón, aꞌaneb aꞌin: laj Ram li xbe̱n ralal, laj Buna, laj Orén, laj Ozem ut laj Ahías.

1 Crónicas 2:9

Eb li ralal laj Hezrón, aꞌaneb laj Jerameel, laj Ram ut laj Quelubai.

1 Samuel 30:29

eb li cuanqueb Racal, joꞌ eb ajcuiꞌ li cuanqueb saꞌ eb li tenamit aran Jerameel ut eb lix tenamiteb laj Ceneo.

Jueces 4:11

Quicuan jun li cui̱nk aj Heber xcꞌabaꞌ. Aꞌan xcomoneb li ralal xcꞌajol laj Hobab, lix yucuaꞌ li rixakil laj Moisés. Saꞌ jun li cutan laj Heber quixcanabeb lix comon ut qui-el saꞌ li tenamit Ceneo. Coxyi̱b lix muheba̱l rubel jun to̱n li ji saꞌ li ru takꞌa Zaanaim nachꞌ riqꞌuin li naꞌajej Cedes.

Efesios 4:25

Incꞌaꞌ chic chexticꞌtiꞌik. Saꞌ xya̱lal ban tex-a̱tinak chi ribil e̱rib xban nak junaj chic ku ut kachaꞌal chic kib chi kibil kib.

Proverbios 29:25

Li xxucuanquil ru li cui̱nk, aꞌan chanchan jun li raꞌal. Abanan li ani cꞌojcꞌo xchꞌo̱l riqꞌuin li Dios, aꞌan ta̱colekꞌ.

Salmos 119:163

Cꞌajoꞌ nak ninra la̱ chakꞌrab, abanan xicꞌ nacuil li ticꞌtiꞌ.

Salmos 119:29

China̱tenkꞌa taxak re nak incꞌaꞌ tinbalakꞌik. Riqꞌuin taxak xnimal la̱ cuuxta̱n, ta̱cꞌutbesi chicuu lix ya̱lal la̱ chakꞌrab.

2 Samuel 17:20

Eb li nequeꞌcꞌanjelac chiru laj Absalón queꞌcuulac saꞌ li cab aꞌan ut queꞌxpatzꞌ re li ixk: —¿Bar cuanqueb laj Ahimaas ut laj Jonatán? chanqueb. Li ixk quixye reheb: —Ac xeꞌnumeꞌ arin. Xeꞌco̱eb saꞌ li nimaꞌ, chan. Queꞌxsiqꞌui abanan incꞌaꞌ queꞌxtauheb. Joꞌcan nak queꞌsukꞌi cuiꞌchic Jerusalén.

1 Samuel 23:27

Quicuulac jun li takl saꞌ a̱nil ut quixye re laj Saúl: —Quimkex chi junpa̱t. Eb laj filisteo xeꞌoc saꞌ li kanaꞌaj chi pletic, chan.

1 Samuel 21:2

Laj David quixye re: —Li rey xqꞌue jun intaklanquil. Ut xye cue nak ma̱ ani aj iqꞌuin tinserakꞌi cꞌaꞌru lin taklanquil. La̱in xinye reheb lin soldado bar tineꞌxcꞌul.

1 Samuel 15:6

Quixtakla xyebal reheb laj Ceneo: —Elenkex saꞌ xya̱nkeb laj Amalec re nak incꞌaꞌ texsachekꞌ rochbeneb aꞌan. Incꞌaꞌ texsachekꞌ xban nak la̱ex xeril xtokꞌoba̱l ruheb laj Israel nak queꞌel Egipto, chan. Ut eb laj Ceneo queꞌel saꞌ xya̱nkeb laj Amalec.

Jueces 5:24

Us xak re lix Jael li rixakil laj Heber laj Ceneo. Qꞌuebil taxak xlokꞌal saꞌ xya̱nkeb li ixk li nequeꞌcuan saꞌ eb li muheba̱l yi̱banbil riqꞌuin tꞌicr.

Números 24:21

Ut nak qui-iloc saꞌ xjayal lix tenamiteb laj Ceneo laj Balaam quixye li cꞌaꞌru teꞌxcꞌul eb aꞌan. Quixye: —La̱ex aj Ceneo, quecauresi chi us le̱ naꞌaj ut saꞌ xbe̱n ni̱nki pec cuan.

Génesis 27:24

laj Isaac quixye cuiꞌchic re: —Ye cue, ¿ma relic chi ya̱l nak la̱at laj Esaú, li cualal? chan. Ut laj Jacob quichakꞌoc ut quixye re: —La̱in laj Esaú la̱ cualal, chan.

1 Samuel 27:11

Ma̱ jun chic reheb li cristian naxcanabeb chi yoꞌyo xban nak incꞌaꞌ quiraj nak teꞌxic aran Gat chixyebal resil li cꞌaꞌru yo̱ chixba̱nunquil laj David. Joꞌcan quixba̱nu laj David joꞌ najtil quicuan aran saꞌ xya̱nkeb laj filisteo.

1 Samuel 29:8

Laj David quixye re: —At rey, ¿cꞌaꞌru incꞌaꞌ us xinba̱nu? ¿Cꞌaꞌru inma̱c cha̱cuu nak incꞌaꞌ ta̱ru̱k tinxic cha̱cuix chi pletic? chan.