1 Samuel 27:1 - Li Santil hu

¹ Laj David quixye saꞌ xchꞌo̱l: —Ta̱cuulak xkꞌehil nak laj Saúl tinixcamsi. Kꞌaxal us cui tine̱lk saꞌ xya̱nkeb laj Israel ut tinxic chi cua̱nc saꞌ xya̱nkeb laj filisteo re nak laj Saúl tixcanab insicꞌbal, chan.

Q'eqchi Bible

¹ Laj David kixye sa' xch'ool: “Taawulaq xq'ehil naq laj Saúl tinxkamsi. Jwal us naq tinxik sa' xteepal Filistea re naq laj Saúl tixkanab' insik'b'al sa' chixjunil Israel ut tinkole'q chiru”.

1 Samuel 27:1 ပူးပေါင်းရင်းမြစ်များ

Isaías 51:12

Li Ka̱cuaꞌ quixye: —La̱in li Ka̱cuaꞌ ninqꞌuehoc xcacuilal a̱chꞌo̱l. ¿Cꞌaꞌut nak nacaxucua ruheb li cui̱nk li nequeꞌcam? Eb aꞌan teꞌosokꞌ joꞌ li pim.

1 Samuel 23:17

Quixye re: —Matxucuac, at David. Lin yucuaꞌ, laj Saúl, incꞌaꞌ tatxtau. La̱at tat-oc chokꞌ xreyeb laj Israel. Ut la̱inak li xcabil chi takla̱nc. Laj Saúl lin yucuaꞌ ac naxnau aꞌan, chan.

Proverbios 13:12

Li ani incꞌaꞌ naxcꞌul li cꞌaꞌru naroybeni narahoꞌ xchꞌo̱l. Abanan eb li nequeꞌxcꞌul li cꞌaꞌru nequeꞌroybeni nasahoꞌ saꞌ xchꞌo̱leb.

Salmos 116:11

Xban nak incꞌaꞌ chic nintau cꞌaꞌru tinba̱nu, joꞌcan nak quinye nak chixjunileb li cui̱nk aj ticꞌtiꞌeb.

1 Samuel 29:2

Yo̱queb chi numecꞌ chi ubej eb li nequeꞌcꞌamoc be saꞌ xbe̱neb laj filisteo. Queꞌco̱eb chi pletic chi chꞌu̱tal. Cuanqueb chꞌu̱tal jun mil lix solda̱deb. Ut cuanqueb ajcuiꞌ jun ciento lix solda̱deb. Laj David rochbeneb lix soldados yo̱queb chi xic chirixeb rochben laj Aquis.

1 Samuel 25:30

Nak acak xacꞌul li quixye chak cha̱cuix li Ka̱cuaꞌ ut nak acak xat-oc chokꞌ xreyeb laj Israel,

1 Samuel 22:5

Li profeta Gad quixye re laj David: —Incꞌaꞌ naru tatcana̱k saꞌ li naꞌajej aꞌin. Ayu ban chi junpa̱t saꞌ lix naꞌajeb li ralal xcꞌajol laj Judá, chan. Joꞌcan nak laj David qui-el aran ut co̱ saꞌ li qꞌuicheꞌ re Haret.

1 Samuel 16:13

Ut laj Samuel quixchap li xucub ut quixqꞌue li aceite saꞌ xjolom chiruheb chixjunileb li ras. Li al aꞌan aj David xcꞌabaꞌ. Chalen saꞌ li ho̱nal aꞌan lix musikꞌ li Ka̱cuaꞌ quicuan riqꞌuin laj David. Ut chirix aꞌan laj Samuel quisukꞌi cuiꞌchic saꞌ li tenamit Ramá.

1 Samuel 16:1

Li Ka̱cuaꞌ quixye re laj Samuel: —¿Joꞌ najtil chic rahak a̱chꞌo̱l chirix laj Saúl? La̱in incꞌaꞌ chic nacuaj ta̱cua̱nk chokꞌ rey. Ta̱qꞌue li aceite saꞌ li xucub ut tatxic aran Belén riqꞌuin laj Isaí xban nak la̱in xinsicꞌ ru jun reheb li ralal re ta̱oc chokꞌ rey, chan li Ka̱cuaꞌ.

Éxodo 14:12

Nak toj cuanco aran xkaye a̱cue nak toa̱canab chi trabajic riqꞌuineb laj Egipto. Us raj chokꞌ ke li trabajic riqꞌuineb chiru nak toeꞌxcamsi arin saꞌ li chaki chꞌochꞌ, chanqueb.

2 Corintios 7:5

Chalen kacꞌulunic arin Macedonia ma̱ bar naru nocohilan. Yalak bar nocorahobtesi̱c ut nequeꞌraj pletic kiqꞌuin. Ut yo̱ ajcuiꞌ kacꞌaꞌux che̱rix la̱ex.

San Marcos 4:40

Ut li Jesús quixye reheb lix tzolom: —¿Cꞌaꞌut nak cꞌajoꞌ nak nequexxucuac? ¿Ma incꞌaꞌ nequepa̱b nak li Dios ta̱tenkꞌa̱nk e̱re? chan.

San Mateo 14:31

Ut li Jesús saꞌ junpa̱t quixyeꞌ li rukꞌ, quixchap ut quixye re: —At cui̱nk, incꞌaꞌ nacatpa̱ban chi tzꞌakal. ¿Cꞌaꞌut nak xacuiba a̱chꞌo̱l?—

Números 14:3

¿Cꞌaꞌut nak xoxcꞌam chak li Ka̱cuaꞌ saꞌ li naꞌajej aꞌin yal re nak tocamsi̱k? Ut, ¿cꞌaꞌut nak tixcanabeb chi chapecꞌ li kixakil ut eb li kacocꞌal? ¿Ma incꞌaꞌ raj us nak tosukꞌi̱k cuiꞌchic Egipto? chanqueb.

1 Samuel 26:19

At rey, chacuabi taxak li cꞌaꞌru tinye, la̱in aj cꞌanjel cha̱cuu. Cui li Ka̱cuaꞌ quixye a̱cue nak xicꞌ chic tina̱cuil, us raj tixcꞌu̱luban ta junak mayej re nak tixjal xcꞌaꞌux. Abanan, cui ut yal cui̱nk li yo̱queb chi yehoc a̱cue nak ta̱ba̱nu raylal cue, aꞌ taxak li Ka̱cuaꞌ chimajecua̱nk reheb xban nak xineꞌrisi saꞌ lin tenamit bar nequeꞌxlokꞌoni cuiꞌ li Ka̱cuaꞌ. Ut yo̱queb chintaklanquil re nak tinlokꞌoni li jalanil dios.

1 Samuel 29:3

Eb li nequeꞌtaklan saꞌ xbe̱neb laj filisteo queꞌxye re laj Aquis: —¿Cꞌaꞌru yo̱queb laj hebreo saꞌ kaya̱nk la̱o? chanqueb. Laj Aquis quixye reheb: —Aꞌin laj David, jun li xtaklan saꞌ xya̱nkeb lix soldados laj Saúl. Junxil na-oc cuiqꞌuin. Ma̱cꞌaꞌ xpaltil chicuu chalen xchalic cuiqꞌuin toj chalen anakcuan, chan.

1 Samuel 20:3

Laj David quixye re: —La̱ yucuaꞌ naxnau nak raro̱quin a̱ban. Incꞌaꞌ naraj xqꞌuebal xrahil a̱chꞌo̱l. Joꞌcan nak incꞌaꞌ naxye a̱cue. Saꞌ xcꞌabaꞌ li nimajcual Dios ut saꞌ a̱cꞌabaꞌ ajcuiꞌ la̱at, la̱in ninye a̱cue nak ta̱raj incamsinquil, chan.

1 Reyes 12:26

Quixye saꞌ xchꞌo̱l laj Jeroboam: —Anakcuan ma̱re li tenamit teꞌraj sukꞌi̱c rubel xcuanquil li ralal xcꞌajol laj David.

1 Reyes 12:28

Joꞌcan nak laj Jeroboam quixpatzꞌ xnaꞌleb riqꞌuin laj qꞌuehol naꞌleb ut quixba̱nu joꞌ queꞌxye. Quixqꞌue chi yi̱ba̱c cuib li cuacax oro ut quixye reheb li tenamit: —La̱ex aj Israel, nabal sut ac xexcuulac chak Jerusalén chi lokꞌoni̱nc. Joꞌcan nak anakcuan arin chic texlokꞌoni̱nk. Arin cuan le̱ dios. Aꞌaneb aꞌin li xeꞌisin chak e̱re saꞌ li naꞌajej Egipto, chan laj Jeroboam reheb.

1 Reyes 19:3

Laj Elías quixqꞌue retal li chꞌaꞌajquilal cuan cuiꞌ. Qui-oc xcꞌaꞌux ut qui-el saꞌ li naꞌajej aꞌan re xcolbal rib. Co̱ toj Beerseba li cuan xcue̱nt Judá ut aran quixcanab lix mo̱s.

2 Crónicas 25:17

Ut li rey Amasías quia̱tinac riqꞌuineb li nequeꞌqꞌuehoc xnaꞌleb ut queꞌxcꞌu̱b ru cꞌaꞌru tixba̱nu. Chirix aꞌan quixtakla xyebal re laj Joás lix reyeb laj Israel nak ta̱cha̱lk chi pletic riqꞌuin. Laj Joás, aꞌan li ralal laj Joacaz ut ri laj Jehú.

Salmos 55:7

Tinxic raj chi najt nak tine̱lelik chiruheb ut tincua̱nk raj saꞌ junak naꞌajej bar ma̱cꞌaꞌ cuiꞌ cristian.