1 Samuel 26:23 - Li Santil hu

²³ Li Ka̱cuaꞌ naxkꞌajca̱mu li junju̱nk riqꞌuin li ti̱quilal ut li usilal li naxba̱nu. Anakcuan li Ka̱cuaꞌ xatxkꞌaxtesi saꞌ cuukꞌ, abanan la̱in incꞌaꞌ xcuaj a̱camsinquil xban nak la̱at li sicꞌbil a̱cuu xban li Dios.

Q'eqchi Bible

²³ Li Qaawa' taaq'ajkamunq re li junjunq jo' chanru li xtiikilal ut xchaab'ilal li xch'ool. Anaqwan li Qaawa' xatxq'axtesi sa' wuq', ab'an laa'in ink'a' xwaj aakamsinkil, xb'aan naq laa'at sik'b'il aawu xb'aan li Qaawa'.

1 Samuel 26:23 ပူးပေါင်းရင်းမြစ်များ

Salmos 62:12

At Ka̱cuaꞌ, la̱at li nacat-uxta̱nan u. La̱at li nacatqꞌuehoc xkꞌajca̱munquil li junju̱nk aꞌ yal chanru lix yehom xba̱nuhom.

Nehemías 13:14

—At inDios, chijulticokꞌ taxak a̱cue li joꞌ qꞌuial li us ninba̱nu. Ut misach taxak saꞌ a̱chꞌo̱l chixjunil li us ninba̱nu chokꞌ re la̱ templo ut re la̱ cꞌanjel.—

1 Reyes 8:32

la̱at ta̱cuabi toj saꞌ choxa li cꞌaꞌru teꞌxtzꞌa̱ma cha̱cuu. Tatrakok a̱tin saꞌ xbe̱neb ut ta̱qꞌueheb chixtojbal xma̱c li cuanqueb xma̱queb. Ta̱coleb rix li ma̱cꞌaꞌeb xma̱c saꞌ xcꞌabaꞌ la̱ ti̱quilal.

1 Samuel 26:11

Li Ka̱cuaꞌ Dios taxak chitenkꞌa̱nk cue re nak incꞌaꞌ tinba̱nu raylal re li sicꞌbil ru xban li Dios. Anakcuan takacꞌam chikix lix la̱ns li cuan saꞌ xjolom ut takacꞌam ajcuiꞌ lix su li cuan haꞌ chi saꞌ, chan laj David.

1 Samuel 26:9

Abanan laj David quixye re: —Ma̱camsi aꞌan. ¿Cꞌaꞌut nak ta̱camsi li rey li quisiqꞌueꞌ ru xban li Ka̱cuaꞌ? Cuan a̱ma̱c cui ta̱camsi aꞌan, chan.

1 Samuel 24:12

Aꞌ taxak li Ka̱cuaꞌ chiyehok re ani cuan xma̱c, ma la̱in malaj ut la̱at. Aꞌan taxak ta̱qꞌuehok a̱cue chixtojbal a̱ma̱c xban nak yo̱cat xba̱nunquil raylal cue. Abanan la̱in ma̱cꞌaꞌ tinba̱nu a̱cue.

1 Samuel 24:18

Anakcuan xacꞌut chicuu nak cuancat saꞌ usilal cuiqꞌuin. Li Ka̱cuaꞌ xinixkꞌaxtesi saꞌ a̱cuukꞌ, abanan incꞌaꞌ xina̱camsi.

1 Samuel 24:19

Cui junak cui̱nk naxchap li xicꞌ na-iloc re, ¿ma tixcanab ta biꞌ chi yoꞌyo chi incꞌaꞌ tixcamsi? Li Ka̱cuaꞌ Dios taxak chi qꞌuehoc re̱kaj li usilal xaba̱nu cue anakcuan.

1 Samuel 26:22

Laj David quixye re: —At rey, cueꞌ la̱ la̱ns. Naru nacatakla chak junak la̱ soldado re tixxoc.

2 Samuel 22:21

Li Ka̱cuaꞌ xqꞌue inkꞌajca̱munquil xban nak ti̱c inchꞌo̱l chiru. Li Ka̱cuaꞌ x-osobtesin cue xban nak ma̱cꞌaꞌ inma̱c.

1 Samuel 24:11

At inrey, il li tꞌicr li cuan saꞌ cuukꞌ. Aꞌan jun peda̱s la̱ cuakꞌ li xinset nak cuancat saꞌ li ochoch pec re xcꞌutbal cha̱cuu nak xru raj xatincamsi. Joꞌcan nak ta̱qꞌue retal nak la̱in incꞌaꞌ tinba̱nu raylal a̱cue. Chi moco tatintzꞌekta̱na. La̱at ban ta̱cuaj incamsinquil.

2 Samuel 22:25

Joꞌcan nak li Ka̱cuaꞌ naxqꞌue inkꞌajca̱munquil aꞌ yal chanru xti̱quilal inchꞌo̱l. Naxqꞌue inkꞌajca̱munquil xban nak naxnau nak ma̱cꞌaꞌ inma̱c chiru.

Li xHu LAJ JOB 34:11

Li Dios naxqꞌue xkꞌajca̱munquil li junju̱nk aꞌ yal chanru lix yehom xba̱nuhom. Naxqꞌue xkꞌajca̱munquil joꞌ xcꞌulubeb.