1 Samuel 26:16 - Li Santil hu

¹⁶ Incꞌaꞌ us li xaba̱nu. Saꞌ xcꞌabaꞌ li Dios ninye e̱re nak e̱cꞌulub ca̱mc, la̱at joꞌqueb ajcuiꞌ la̱ soldados xban nak incꞌaꞌ yo̱quex chixcolbal rix li rey li sicꞌbil ru xban li Dios. Qꞌuehomak retal. ¿Bar cuan lix la̱ns li rey ut lix naꞌaj lix haꞌ li cuan saꞌ xjolom li rey? Sicꞌomak ut te̱ril ma te̱tau, chan.

Q'eqchi Bible

¹⁶ Moko us ta li xab'aanu. Sa' xk'ab'a' li yo'yookil Yos ninye eere naq teneb'anb'il li kamk sa' eeb'een xb'aan naq ink'a' xek'aak'ale laj eechal eere, a' li awab'ej sik'b'il ru xb'aan li Qaawa'. K'e reetal, b'ar wank anaqwan li xjutz' che' li awab'ej ut li xna'aj li xha' li xwank chi xjolom?”.

1 Samuel 26:16 ပူးပေါင်းရင်းမြစ်များ

Efesios 2:3

Joꞌcan ajcuiꞌ la̱o aj judío. Junxil xkaba̱nu chak li ma̱usilal li naxrahi ru li kachꞌo̱l xba̱nunquil. Xkaba̱nu li incꞌaꞌ us li xkaj xba̱nunquil kajunes. Joꞌcan nak tento raj takacꞌul xtojbal li kama̱c joꞌ eb chixjunileb li incꞌaꞌ nequeꞌraj pa̱ba̱nc.

Salmos 102:20

Quirabi nak nequeꞌayaynac xban li raylal li yo̱queb chixcꞌulbal nak chapcho̱queb xbaneb li jalaneb xtenamit. Ut quixcoleb li tenebanbil ca̱mc saꞌ xbe̱neb.

Salmos 79:11

Chacuabi taxak nak yo̱queb chi ya̱bac xban li raylal yo̱queb chixcꞌulbal li chapcho̱queb xbaneb li xicꞌ nequeꞌiloc ke. Ut riqꞌuin taxak xnimal la̱ cuanquilal ta̱coleb chiru li ca̱mc li ac tenebanbil ca̱mc saꞌ xbe̱neb.

2 Samuel 19:28

Chixjunileb lix comon lin yucuaꞌ xcꞌulubeb raj nak catakla xcamsinquileb chixjunileb, at rey. Abanan la̱at xina̱qꞌue chi cuaꞌac a̱cuochben. Ma̱cuaꞌ incꞌulub nak tintzꞌa̱ma usilal cha̱cuu, at rey, chan.

2 Samuel 12:5

Nak quirabi li cꞌaꞌru quixye laj Natán, cꞌajoꞌ nak quijoskꞌoꞌ laj David xban li cꞌaꞌru quixba̱nu li biom. Quixye: —Saꞌ xcꞌabaꞌ li yoꞌyo̱quil Dios, la̱in ninye nak xcꞌulub ca̱mc li cui̱nk aꞌan.

1 Samuel 26:11

Li Ka̱cuaꞌ Dios taxak chitenkꞌa̱nk cue re nak incꞌaꞌ tinba̱nu raylal re li sicꞌbil ru xban li Dios. Anakcuan takacꞌam chikix lix la̱ns li cuan saꞌ xjolom ut takacꞌam ajcuiꞌ lix su li cuan haꞌ chi saꞌ, chan laj David.

1 Samuel 26:9

Abanan laj David quixye re: —Ma̱camsi aꞌan. ¿Cꞌaꞌut nak ta̱camsi li rey li quisiqꞌueꞌ ru xban li Ka̱cuaꞌ? Cuan a̱ma̱c cui ta̱camsi aꞌan, chan.

1 Samuel 20:31

¿Ma incꞌaꞌ nacaqꞌue retal nak cui li ralal laj Isaí yoꞌyo̱k, incꞌaꞌ naru tat-oc chokꞌ rey la̱at, chi moco eb la̱ cualal a̱cꞌajol? Joꞌcan nak ayu. Sicꞌ chak ut ta̱cꞌam chak cuiqꞌuin. Aꞌan tento nak ta̱ca̱mk, chan laj Saúl.

1 Samuel 24:6

Joꞌcan nak quixye reheb lix soldado: —Li Ka̱cuaꞌ taxak ta̱tenkꞌa̱nk cue re nak incꞌaꞌ tinba̱nu raylal re lin rey. Aꞌan cuan chokꞌ rey xban nak li Ka̱cuaꞌ quisicꞌoc ru, chan.

1 Samuel 26:15

Laj David quixye re: —At Abner, ¿ma ma̱cuaꞌ ta biꞌ la̱at li kꞌaxal cau a̱cuib chi pletic saꞌ xya̱nkeb chixjunileb li cui̱nk aj Israel? ¿Cꞌaꞌut nak incꞌaꞌ yo̱cat chixcolbal rix li rey? Cuanqueb li xeꞌoc saꞌ lix muheba̱l re raj teꞌxcamsi li rey.

1 Reyes 2:26

Ut li rey Salomón quixye re laj Abiatar laj tij: —Ayu Anatot saꞌ la̱ tenamit. A̱cꞌulub raj li ca̱mc, abanan incꞌaꞌ tatincamsi xban nak la̱at catcꞌamoc re li Lokꞌlaj Ca̱x nak laj David lin yucuaꞌ quicuan chokꞌ rey. Ut xattzꞌakon ajcuiꞌ riqꞌuin li raylal li quixcꞌul lin yucuaꞌ, chan.