1 Samuel 26:10 - Li Santil hu

¹⁰ Ut quixye ajcuiꞌ laj David: —Saꞌ xcꞌabaꞌ li yoꞌyo̱quil Dios la̱in ninye nak li Ka̱cuaꞌ ta̱qꞌuehok re chi ca̱mc. Nak ta̱cuulak xkꞌehil, laj Saúl ta̱ca̱mk. Ma̱re xban yajel malaj ut ta̱camsi̱k saꞌ ple̱t.

Q'eqchi Bible

¹⁰ Ut kixye wi' chik: “Sa' xk'ab'a' li yo'yookil Yos ninye aawe naq a' li Qaawa' taak'ehoq re chi kamk. Naq taawulaq xkutankil li xkamik malaj naq yooq li yalok, laj Saúl taakamq.

1 Samuel 26:10 ပူးပေါင်းရင်းမြစ်များ

Deuteronomio 31:14

Li Ka̱cuaꞌ quixye re laj Moisés: —Cuulac re xkꞌehil nak tatca̱mk. Ta̱bok chak laj Josué ut saꞌ cuibal texxic saꞌ li tabernáculo re nak tinxakab laj Josué saꞌ xcꞌanjel, chan. Ut laj Moisés ut laj Josué queꞌco̱eb saꞌ li tabernáculo ut queꞌxakli chiru li Ka̱cuaꞌ.

Génesis 47:29

Nak yo̱ chi cuulac xkꞌehil lix camic, laj Israel quixbok laj José riqꞌuin ut quixye re: —Anakcuan la̱in tincuaj ta̱ba̱nu junak usilal cue. Qꞌue la̱ cuukꞌ rubel cuaꞌ joꞌ cꞌaynakeb chixba̱nunquil li katenamit nak nequeꞌxba̱nu li juramento. Tintzꞌa̱ma cha̱cuu nak incꞌaꞌ tina̱muk arin Egipto.

Romanos 12:19

Ex herma̱n, ma̱cuaꞌ la̱ex texqꞌuehok re̱kaj li raylal na-ux e̱re. Checanabak ban chixjunil saꞌ rukꞌ li Dios. Caꞌaj cuiꞌ aꞌan laj rakol a̱tin xban nak joꞌcaꞌin tzꞌi̱banbil saꞌ li Santil Hu: Caꞌaj cuiꞌ la̱in naru tinqꞌuehok re̱kaj. Ut la̱in tinrahobtesiheb riqꞌuin li cꞌaꞌru quilajeꞌxba̱nu, chan li Dios. (Deut. 32:35)

Salmos 37:13

Abanan li Ka̱cuaꞌ naseꞌec xban li nequeꞌxba̱nu xban nak aꞌan naxnau nak cuulac re xkꞌehil nak teꞌsachekꞌ.

1 Samuel 31:6

Joꞌcaꞌin nak quicam laj Saúl saꞌ li cutan aꞌan rochbeneb li oxib chi ralal, ut li cui̱nk li nacꞌamoc re lix chꞌi̱chꞌ re pletic ut rochbeneb ajcuiꞌ lix soldados.

1 Samuel 25:38

Nak ac xnumeꞌ laje̱b cutan chic, li Ka̱cuaꞌ quixrak xyuꞌam laj Nabal ut quicam.

1 Samuel 25:26

Li Ka̱cuaꞌ xtenkꞌan a̱cue. Joꞌcan nak incꞌaꞌ xacamsiheb chixjunileb li cristian aꞌin. Incꞌaꞌ xaqꞌue re̱kaj li incꞌaꞌ us xba̱nu cue joꞌ xacꞌoxla xba̱nunquil. Cheꞌxcꞌulak taxak joꞌ li tixcꞌul laj Nabal chixjunileb li xicꞌ nequeꞌiloc a̱cue ut li teꞌraj xba̱nunquil raylal a̱cue.

Deuteronomio 32:35

Cuulac re xkꞌehil nak li Ka̱cuaꞌ tixqꞌue re̱kaj reheb li incꞌaꞌ us queꞌxba̱nu ut telajeꞌtꞌanekꞌ. Cuulac re xkꞌehil nak teꞌsachekꞌ ruheb ut teꞌosokꞌ.

Apocalipsis 18:8

Joꞌcan nak chiru jun cutan talajeꞌcha̱lk li raylal saꞌ xbe̱n li tenamit aꞌan. Ta̱cha̱lk ca̱mc, ut ya̱bac ut cueꞌej saꞌ xbe̱neb. Li tenamit ta̱sachekꞌ ru riqꞌuin xam xban nak kꞌaxal nim xcuanquil li Ka̱cuaꞌ li ta̱rakok a̱tin saꞌ xbe̱neb, chan.

Hebreos 9:27

Chixjunil li tenamit jun sut ajcuiꞌ teꞌca̱mk ut li Ka̱cuaꞌ Dios ta̱rakok a̱tin saꞌ xbe̱neb.

San Lucas 18:7

¿Ma tojaꞌ ta chic li Dios incꞌaꞌ tixcoleb li sicꞌbileb ru xban? ¿Ma ta̱ba̱yk ta biꞌ chixsumenquil li cꞌaꞌru teꞌxtzꞌa̱ma li nequeꞌya̱ban re lix cꞌabaꞌ chi kꞌek chi cutan?

Eclesiastés 3:2

Cuan li ho̱nal re li yoꞌla̱c ut cuan li ho̱nal re li ca̱mc. Cuan xkꞌehil li a̱uc, ut cuan ajcuiꞌ xcutanquil lix michꞌbal li aubil.

Salmos 94:23

Li Ka̱cuaꞌ tixqꞌueheb chi sachecꞌ ruheb li incꞌaꞌ useb xnaꞌleb xban lix ma̱usilaleb. Li Ka̱cuaꞌ li kaDios tixsukꞌisi saꞌ xbe̱neb lix ma̱usilaleb ut tixsacheb ru.

Salmos 37:10

Chi se̱b ma̱cꞌaꞌakeb chic li incꞌaꞌ useb xnaꞌleb. Usta tatxic chixsicꞌbaleb saꞌ lix naꞌajeb, incꞌaꞌ chic ta̱tauheb.

Li xHu LAJ JOB 14:14

Nak nacam li cui̱nk, ¿ma ta̱yoꞌla̱k cuiꞌchic? La̱in yo̱quin chiroybeninquil joꞌ najtil chic tincꞌul li raylal toj ta̱cuulak xkꞌehil nak tincolekꞌ chiru li raylal.

Li xHu LAJ JOB 14:5

Ac chꞌolchꞌo cha̱cuu joꞌ najtil teꞌcua̱nk xyuꞌam li cristian saꞌ ruchichꞌochꞌ. Ut li cꞌaꞌru nacaye la̱at, ma̱ ani naru ta̱jalok re.

Li xHu LAJ JOB 7:1

Lix yuꞌam li cui̱nk arin saꞌ ruchichꞌochꞌ kꞌaxal chꞌaꞌaj joꞌ junak li cui̱nk naxnumsi cutan chi trabajic.

1 Samuel 24:15

Li Ka̱cuaꞌ, aꞌan li ta̱rakok a̱tin saꞌ kabe̱n saꞌ cuibal. Li Ka̱cuaꞌ naril xtokꞌoba̱l cuu. Aꞌan li natenkꞌan cue ut aꞌan ajcuiꞌ li ta̱colok cue cha̱cuu la̱at, chan laj David.

Hebreos 10:30

La̱o nakanau nak li Dios quixye chi joꞌcaꞌin: Caꞌaj cuiꞌ la̱in naru tinqꞌuehok xtojbal rix lix ma̱queb ut la̱in tinrahobtesiheb riqꞌuin li cꞌaꞌru quilajeꞌxba̱nu. Ut quixye cuiꞌchic li Ka̱cuaꞌ: La̱in tinrakok a̱tin saꞌ xbe̱n lin tenamit. (Deut. 32:35-36)

1 Samuel 24:12

Aꞌ taxak li Ka̱cuaꞌ chiyehok re ani cuan xma̱c, ma la̱in malaj ut la̱at. Aꞌan taxak ta̱qꞌuehok a̱cue chixtojbal a̱ma̱c xban nak yo̱cat xba̱nunquil raylal cue. Abanan la̱in ma̱cꞌaꞌ tinba̱nu a̱cue.

1 Samuel 25:39

Nak laj David quirabi resil nak quicam laj Nabal, quixye: —Lokꞌoninbil taxak li Ka̱cuaꞌ xban nak aꞌan xqꞌuehoc re̱kaj re laj Nabal li incꞌaꞌ us xba̱nu cue. Quinixtenkꞌa re nak incꞌaꞌ quinba̱nu li incꞌaꞌ us. Li Ka̱cuaꞌ xqꞌue chixtojbal xma̱c laj Nabal, chan. Ut laj David quixtakla resil riqꞌuin lix Abigail nak ta̱raj sumla̱c riqꞌuin.

1 Samuel 31:4

Laj Saúl quixye re li cui̱nk li nacꞌamoc re lix chꞌi̱chꞌ re pletic: —Chap chak la̱ chꞌi̱chꞌ ut tina̱camsi. Incꞌaꞌ nacuaj nak eb laj filisteo tineꞌxseꞌe nak tineꞌxcamsi. Eb li cristian aꞌan incꞌaꞌ nequeꞌxpa̱b li Dios, chan. Abanan li cui̱nk incꞌaꞌ quiraj xban nak ta̱xucuak. Joꞌcan nak laj Saúl quixchap lix chꞌi̱chꞌ ut quixcut rib saꞌ xbe̱n.