1 Samuel 25:9 - Li Santil hu

⁹ Queꞌco̱eb li sa̱j cui̱nk li queꞌtakla̱c xban laj David ut queꞌxye re laj Nabal chixjunil li quiyeheꞌ reheb xban laj David ut queꞌroybeni cꞌaꞌru teꞌsume̱k cuiꞌ.

Q'eqchi Bible

⁹ Naq eb' li xtaql laj David ke'wulak rik'in laj Nabal, ke'xye chixjunil li kiyehe'k reheb' xb'aan laj David, ut ke'oyb'enink.

1 Samuel 25:9 ပူးပေါင်းရင်းမြစ်များ

2 Crónicas 14:7

Laj Asa quixye reheb laj Judá: —Takayi̱beb chi us li tenamit aꞌin. Takasut saꞌ tzꞌac ut takayi̱beb li cab li najt xteram re cꞌacꞌale̱nc. Ut takaqꞌue li puertas joꞌ ajcuiꞌ lix natꞌbaleb. Li naꞌajej aꞌin ke la̱o xban nak xkasicꞌ li Ka̱cuaꞌ li kaDios. Ut aꞌan xoxqꞌue chi cua̱nc saꞌ xya̱lal riqꞌuineb chixjunileb li cuanqueb chi xjun sutam li katenamit, chan. Joꞌcan nak queꞌxyi̱beb chi us li tenamit ut us queꞌel riqꞌuin li cꞌaꞌru queꞌxba̱nu.

2 Reyes 2:15

Nak qui-ileꞌ xbaneb li profeta li cuanqueb jun pacꞌal li nimaꞌ saꞌ li tenamit Jericó, eb aꞌan queꞌxye: —Li cuanquilal li quiqꞌueheꞌ re laj Elías xqꞌueheꞌ re laj Eliseo, chanqueb. Queꞌco̱eb chixcꞌulbal laj Eliseo ut queꞌxcuikꞌib ribeb chiru.

Génesis 8:4

Saꞌ li cuuklaju xbe li xcuuk li po re li chihab aꞌan, li jucub cab coxhila̱nk saꞌ xbe̱n li tzu̱l Ararat xcꞌabaꞌ.

1 Samuel 25:8

Naru ta̱patzꞌ reheb la̱ mo̱s ut teꞌxye a̱cue nak ya̱l li yo̱quin chixyebal. Xintakla lin takl a̱cuiqꞌuin anakcuan saꞌ li cutan nak sa saꞌ a̱chꞌo̱l ut nintzꞌa̱ma cha̱cuu nak ta̱cꞌuleb saꞌ xya̱lal. Nintzꞌa̱ma cha̱cuu nak ta̱qꞌue li joꞌ qꞌuial cuan cha̱cuu reheb lin takl ut cue ajcuiꞌ la̱in, la̱ cuami̱g”, chan laj David.

1 Samuel 25:10

Laj Nabal quichakꞌoc ut quixye reheb: —¿Ani li cui̱nk aꞌan? ¿Ani laj David li ralal laj Isaí? Anakcuan cꞌajoꞌeb li lokꞌbil mo̱s yo̱queb chi e̱lelic chiru lix patrón.