1 Samuel 25:42 - Li Santil hu

⁴² Lix Abigail quixcauresi rib re ta̱xic chirixeb lix mo̱s laj David. Quitakeꞌ chirix lix bu̱r ut quixcꞌameb ajcuiꞌ o̱b lix mo̱s ixk ut queꞌco̱eb chirixeb lix mo̱s laj David. Ut lix Abigail quisumla riqꞌuin laj David.

Q'eqchi Bible

⁴² Tikto kixaqliik, kitaqe'k chirix li xb'uur ut, rochb'een oob' chi xmoos ixq, koho chirixeb' li xtaql laj David, ut kikanaak cho'q rixaqil.

1 Samuel 25:42 ပူးပေါင်းရင်းမြစ်များ

1 Samuel 27:3

Laj David ut eb lix soldados queꞌcuan riqꞌuin laj Aquis aran Gat rochbeneb li rixakileb ut eb lix cocꞌal. Cuib li rixakil laj David cuan rochben. Aꞌaneb lix Ahinoam re Jezreel ut lix Abigail li quicuan chokꞌ rixakil laj Nabal aran Carmel.

1 Samuel 30:5

Queꞌcꞌameꞌ ajcuiꞌ li cuib chi rixakil laj David. Aꞌaneb lix Ahinoam, Jezreel xtenamit, ut lix Abigail, li quicuan chokꞌ rixakil laj Nabal aran Carmel.

2 Samuel 2:2

Ut laj David co̱ saꞌ li tenamit aꞌan rochbeneb xcabichaleb li rixakil. Aꞌaneb lix Ahinoam, Jezreel xtenamit, ut lix Abigail, Carmel xtenamit, li quicuan chokꞌ rixakil laj Nabal.

2 Samuel 3:2

Aꞌaneb aꞌin li ralal laj David li queꞌyoꞌla nak cuan Hebrón: li xbe̱n ralal, aꞌan laj Amnón. Lix naꞌ, aꞌan lix Ahinoam li chalenak Jezreel.

2 Samuel 3:3

Li xcab, aꞌan laj Quileab. Lix naꞌ, aꞌan lix Abigail li quicuan chokꞌ rixakil laj Nabal aran Carmel. Li rox, aꞌan laj Absalón. Lix naꞌ, aꞌan lix Maaca lix rabin laj Talmai li quicuan chokꞌ rey aran Gesur.