1 Samuel 25:39 - Li Santil hu

³⁹ Nak laj David quirabi resil nak quicam laj Nabal, quixye: —Lokꞌoninbil taxak li Ka̱cuaꞌ xban nak aꞌan xqꞌuehoc re̱kaj re laj Nabal li incꞌaꞌ us xba̱nu cue. Quinixtenkꞌa re nak incꞌaꞌ quinba̱nu li incꞌaꞌ us. Li Ka̱cuaꞌ xqꞌue chixtojbal xma̱c laj Nabal, chan. Ut laj David quixtakla resil riqꞌuin lix Abigail nak ta̱raj sumla̱c riqꞌuin.

Q'eqchi Bible

³⁹ Naq laj David kirab'i resil li xkamik laj Nabal, kixye: “Usilaatinanb'il taxaq li Qaawa' li xtenq'ank we naq xinhob'e'k xb'aan laj Nabal. Li Yos xkolok we chiru xb'aanunkil li ink'a' us ut xk'e reeqaj li xmaa'usilal laj Nabal”. Moqon chik laj David kixtaqlaheb' aj esil chi xyeeb'al re lix Abigahil ma traj wank cho'q rixaqil.

1 Samuel 25:39 ပူးပေါင်းရင်းမြစ်များ

Proverbios 22:23

Li Ka̱cuaꞌ, aꞌan ta̱colok reheb li nebaꞌ ut tixrahobtesiheb li nequeꞌrahobtesin reheb li nebaꞌ.

1 Samuel 25:34

Li Ka̱cuaꞌ Dios xinixtenkꞌa anakcuan. Joꞌcan nak incꞌaꞌ xinba̱nu raylal a̱cue. Cui ta incꞌaꞌ xatchal chi junpa̱t cuiqꞌuin, ninye a̱cue saꞌ xcꞌabaꞌ li Ka̱cuaꞌ nak cuulaj ma̱ jun raj chic li nequeꞌtenkꞌan re laj Nabal quicana chi yoꞌyo. Xincamsiheb raj chixjunileb, chan.

1 Samuel 25:26

Li Ka̱cuaꞌ xtenkꞌan a̱cue. Joꞌcan nak incꞌaꞌ xacamsiheb chixjunileb li cristian aꞌin. Incꞌaꞌ xaqꞌue re̱kaj li incꞌaꞌ us xba̱nu cue joꞌ xacꞌoxla xba̱nunquil. Cheꞌxcꞌulak taxak joꞌ li tixcꞌul laj Nabal chixjunileb li xicꞌ nequeꞌiloc a̱cue ut li teꞌraj xba̱nunquil raylal a̱cue.

Salmos 7:16

Chixjunil li incꞌaꞌ us ut li raylal nequeꞌxcꞌoxla xba̱nunquil re jalan, aꞌaneb ajcuiꞌ li nequeꞌcꞌuluc re.

1 Reyes 2:44

La̱at nacanau chanru nak xatma̱cob chiru laj David lin yucuaꞌ. Anakcuan li Ka̱cuaꞌ tixqꞌue saꞌ a̱be̱n chixjunil li ma̱usilal li xaba̱nu.

1 Samuel 25:32

Laj David quixye re: —Lokꞌoninbil taxak li Ka̱cuaꞌ, lix Dioseb laj Israel, xban nak xatxtakla chak anakcuan re nak tina̱cꞌul arin.

1 Samuel 24:15

Li Ka̱cuaꞌ, aꞌan li ta̱rakok a̱tin saꞌ kabe̱n saꞌ cuibal. Li Ka̱cuaꞌ naril xtokꞌoba̱l cuu. Aꞌan li natenkꞌan cue ut aꞌan ajcuiꞌ li ta̱colok cue cha̱cuu la̱at, chan laj David.

2 Timoteo 4:18

Ut li Ka̱cuaꞌ ta̱colok cue chiru li ma̱usilal nequeꞌxcꞌoxla xba̱nunquil cue ut tinixcꞌam saꞌ lix nimajcual cuanquilal aran saꞌ choxa. Aꞌan taxak chilokꞌonima̱nk chi junelic kꞌe cutan. Joꞌcan taxak.

1 Ts 5:23

Aꞌ taxak li Dios li naqꞌuehoc tuktu̱quil usilal chisantobresi̱nk e̱re chi tzꞌakal ut aꞌan taxak chi-osobtesi̱nk re le̱ ra̱m, le̱ cꞌaꞌux ut le̱ rok e̱rukꞌ re nak texcua̱nk chi tzꞌakal e̱re e̱ru chi ma̱cꞌaꞌak e̱kꞌusbal saꞌ xcꞌulunic li Ka̱cuaꞌ Jesucristo.

Miqueas 7:9

Xban nak xoma̱cob chiru li Ka̱cuaꞌ tento takacuy lix joskꞌil toj tixtzꞌil a̱tin chikix ut toj ta̱rakok a̱tin saꞌ xbe̱neb li xicꞌ nequeꞌiloc ke. Torisi saꞌ kꞌojyi̱n ut toxqꞌue saꞌ cutan ut riqꞌuin aꞌin takaqꞌue retal nak li Dios ti̱c xchꞌo̱l.

Cantares 8:8

Cuan jun li ki̱tzꞌin ixk. Toj ma̱cꞌaꞌ xtuꞌ. ¿Cꞌaꞌru takaba̱nu riqꞌuin cui junak cui̱nk tixtzꞌa̱ma?

Proverbios 31:30

Eb li ixk li nequeꞌa̱tinac saꞌ kꞌunil a̱tin naru nequeꞌbalakꞌi̱nc ut lix chꞌinaꞌusaleb na-osoꞌ. Abanan li ixk li naxxucua ru li Dios xcꞌulub nak ta̱qꞌuehekꞌ xlokꞌal.

Proverbios 31:10

Junak ixakilbej cha̱bil xnaꞌleb kꞌaxal chꞌaꞌaj xtaubal. Kꞌaxal lokꞌ ut kꞌaxal terto xtzꞌak chiru li cha̱bil pec perla.

Proverbios 19:14

Riqꞌuineb li naꞌbej yucuaꞌbej naru nakacꞌul kajun cablal ut kabiomal. Abanan junak li cha̱bil ixakilbej, caꞌaj cuiꞌ li Dios naru naqꞌuehoc re.

Proverbios 18:22

Li ani naxtau rixakil naxtau li us. Ut naxtau ajcuiꞌ rusilal li Dios.

Ester 7:10

Joꞌcan nak laj Amán quiyatzꞌeꞌ saꞌ li cꞌa̱m li quixqꞌue chi yi̱ba̱c re xyatzꞌbal laj Mardoqueo. Ut nak ac xcam laj Amán, quicube xjoskꞌil li rey.

Jueces 5:2

—Cheqꞌuehak taxak xlokꞌal li Ka̱cuaꞌ che̱junilex la̱ex xban nak saꞌ li tenamit Israel toj cuanqueb cui̱nk cauheb xchꞌo̱l chi pletic ut xban ajcuiꞌ nak toj cuanqueb cui̱nk teꞌraj oque̱nc saꞌ li ple̱t.

2 Corintios 13:7

La̱in junelic nintzꞌa̱ma chiru li Dios nak incꞌaꞌ te̱ba̱nu li incꞌaꞌ us. Incꞌaꞌ nintzꞌa̱ma aꞌan re nak ta̱cꞌutu̱nk nak cha̱bil li cꞌanjel ninba̱nu saꞌ e̱ya̱nk. Re ban nak tzꞌakalak re ru le̱ yuꞌam. Nacuaj nak te̱ba̱nu li us usta incꞌaꞌ naqꞌueheꞌ xcuanquil li cꞌanjel li ninba̱nu saꞌ e̱ya̱nk.

1 Samuel 25:40

Eb lix mo̱s laj David queꞌco̱eb Carmel riqꞌuin lix Abigail ut queꞌxye re: —Laj David xoxtakla chak a̱cuiqꞌuin. Aꞌan ta̱raj nak tatxic chikix. Ta̱raj a̱cꞌambal chokꞌ rixakil, chanqueb.

1 Samuel 26:10

Ut quixye ajcuiꞌ laj David: —Saꞌ xcꞌabaꞌ li yoꞌyo̱quil Dios la̱in ninye nak li Ka̱cuaꞌ ta̱qꞌuehok re chi ca̱mc. Nak ta̱cuulak xkꞌehil, laj Saúl ta̱ca̱mk. Ma̱re xban yajel malaj ut ta̱camsi̱k saꞌ ple̱t.

2 Samuel 1:16

Ut laj David quixye re li cui̱nk aj Amalec: —Xma̱c nak xaye nak xacamsi li rey li sicꞌbil ru xban li Dios, joꞌcan nak xatcamsi̱c la̱at, chan.

Ester 9:25

Abanan lix Ester quia̱tinac riqꞌuin li rey. Ut li rey quixqꞌue li chakꞌrab nak chixjunil li raylal li quixcꞌoxla xba̱nunquil reheb laj judío ta̱tꞌanekꞌ saꞌ xbe̱n laj Amán. Ut quixtakla xyatzꞌbal laj Amán joꞌ ajcuiꞌ li laje̱b chi ralal.

Salmos 9:5

La̱at xatkꞌusuc reheb li incꞌaꞌ nequeꞌpa̱ban cha̱cuu. La̱at ajcuiꞌ xatsachoc reheb aꞌan, xban nak incꞌaꞌ useb xnaꞌleb. Xasacheb chi junaj cua ut incꞌaꞌ chic teꞌabi̱k resileb.