1 Samuel 25:34 - Li Santil hu

³⁴ Li Ka̱cuaꞌ Dios xinixtenkꞌa anakcuan. Joꞌcan nak incꞌaꞌ xinba̱nu raylal a̱cue. Cui ta incꞌaꞌ xatchal chi junpa̱t cuiqꞌuin, ninye a̱cue saꞌ xcꞌabaꞌ li Ka̱cuaꞌ nak cuulaj ma̱ jun raj chic li nequeꞌtenkꞌan re laj Nabal quicana chi yoꞌyo. Xincamsiheb raj chixjunileb, chan.

Q'eqchi Bible

³⁴ Relik chi yaal, sa' xk'ab'a' li yo'yookil Yos, xYos laj Israel, li xramok chiwu xb'aanunkil rahilal aawe, ninye aawe naq, wi ink'a' ta xatseeb'ank chaq chi chalk, wulaj eq'la maajun raj chik teelom xkanaak chi yo'yo sa' li xjunkab'al laj Nabal”, chan.

1 Samuel 25:34 ပူးပေါင်းရင်းမြစ်များ

1 Samuel 25:26

Li Ka̱cuaꞌ xtenkꞌan a̱cue. Joꞌcan nak incꞌaꞌ xacamsiheb chixjunileb li cristian aꞌin. Incꞌaꞌ xaqꞌue re̱kaj li incꞌaꞌ us xba̱nu cue joꞌ xacꞌoxla xba̱nunquil. Cheꞌxcꞌulak taxak joꞌ li tixcꞌul laj Nabal chixjunileb li xicꞌ nequeꞌiloc a̱cue ut li teꞌraj xba̱nunquil raylal a̱cue.

1 Samuel 25:18

Lix Abigail saꞌ junpa̱t quixchꞌutub cuib ciento li caxlan cua, cuib bo̱ls li vino, o̱b li carner ac pombil, cuib ni̱nki chacach li trigo ac qꞌuilinbil, jun ciento jo̱b li uvas, ut cuib ciento li caxlan cua yi̱banbil riqꞌuin chaki higos. Quixqꞌue chixjunil aꞌin chirixeb lix bu̱r.

1 Samuel 11:11

Cuulajak chic nak toj ekꞌela, laj Saúl quixjachi lix soldado saꞌ oxib jachal. Nak quisake̱u, queꞌco̱eb saꞌ junpa̱t saꞌ li naꞌajej li cuanqueb cuiꞌ lix muheba̱leb laj Amón ut queꞌoc chi pletic riqꞌuineb. Nak quicuaꞌleboꞌ ac xeꞌxcamsiheb laj Amón ut li incꞌaꞌ queꞌcamsi̱c queꞌxjeqꞌui ribeb ut queꞌe̱lelic chi xjunju̱nkaleb. Ma̱ jun reheb quicana chi cuan rochben.

Josué 10:9

Laj Josué qui-el Gilgal rochbeneb lix soldado. Chiru kꞌojyi̱n queꞌbe̱c toj retal queꞌcuulac nachꞌ riqꞌuin li tenamit Gabaón. Ma̱cꞌaꞌ saꞌ xchꞌo̱leb laj amorreo nak queꞌcuulac chi pletic riqꞌuineb.

Josué 10:6

Ut eb li cuanqueb saꞌ li tenamit Gabaón queꞌxtakla xyebal re laj Josué toj aran Gilgal bar cuan cuiꞌ lix muheba̱l: —Takaj nak tatcha̱lk chikatenkꞌanquil la̱o aj cꞌanjel cha̱cuu. Moa̱canab kajunes. Tatcha̱lk chi junpa̱t chikacolbal xban nak chixjunileb li rey reheb laj amorreo, li cuanqueb saꞌ li tzu̱l ru, xeꞌchal chi pletic kiqꞌuin.—

Génesis 20:6

Ut li Ka̱cuaꞌ Dios quixye re saꞌ lix matcꞌ: —Ya̱l. La̱in ninnau nak moco la̱at ta cuan a̱cue. Xban nak ninnau aꞌin, joꞌcan nak incꞌaꞌ xatinqꞌue chi cua̱nc riqꞌuin lix Sara. Joꞌcan nak incꞌaꞌ xatma̱cob chicuu.

1 Samuel 25:22

Aꞌ taxak li Ka̱cuaꞌ chiqꞌuehok cue chixtojbal inma̱c cui toj yoꞌyo̱keb li cui̱nk xcomoneb laj Nabal nak ta̱sake̱uk cuulaj, chan laj David.

1 Samuel 25:39

Nak laj David quirabi resil nak quicam laj Nabal, quixye: —Lokꞌoninbil taxak li Ka̱cuaꞌ xban nak aꞌan xqꞌuehoc re̱kaj re laj Nabal li incꞌaꞌ us xba̱nu cue. Quinixtenkꞌa re nak incꞌaꞌ quinba̱nu li incꞌaꞌ us. Li Ka̱cuaꞌ xqꞌue chixtojbal xma̱c laj Nabal, chan. Ut laj David quixtakla resil riqꞌuin lix Abigail nak ta̱raj sumla̱c riqꞌuin.