1 Samuel 25:31 - Li Santil hu

³¹ la̱at incꞌaꞌ ta̱rahokꞌ a̱chꞌo̱l xban nak ma̱ ani xacamsi chi ma̱cꞌaꞌ rajbal. Incꞌaꞌ ta̱yotꞌekꞌ a̱chꞌo̱l xban nak incꞌaꞌ xaqꞌue re̱kaj li ma̱usilal joꞌ xacuaj la̱at. Joꞌcan ut ma̱ba̱nu junak ma̱usilal. Ut nak acak xatxqꞌue li Ka̱cuaꞌ saꞌ la̱ cuanquilal, chinjulticokꞌ taxak a̱cue, chan lix Abigail.

Q'eqchi Bible

³¹ ink'a' taaraho'q chi moko taayot'e'q aach'ool rik'in naq xakamsiheb' li maak'a'eb' xmaak malaj xatraqok ta aatin aajunes aawib'. Ut naq akaq xrusila aawu li Qaawa', chinjultiko'q taxaq aawe, laa'in aj k'anjel chawu”.

1 Samuel 25:31 ပူးပေါင်းရင်းမြစ်များ

Génesis 40:14

Nak cua̱nkat cuiꞌchic saꞌ rochoch laj faraón saꞌ la̱ cꞌanjel, ba̱nu usilal, chijulticokꞌ a̱cue li usilal xinba̱nu a̱cue. Chat-a̱tinak chicuix riqꞌuin laj faraón re nak naru tineꞌrisi ajcuiꞌ la̱in.

Romanos 12:19

Ex herma̱n, ma̱cuaꞌ la̱ex texqꞌuehok re̱kaj li raylal na-ux e̱re. Checanabak ban chixjunil saꞌ rukꞌ li Dios. Caꞌaj cuiꞌ aꞌan laj rakol a̱tin xban nak joꞌcaꞌin tzꞌi̱banbil saꞌ li Santil Hu: Caꞌaj cuiꞌ la̱in naru tinqꞌuehok re̱kaj. Ut la̱in tinrahobtesiheb riqꞌuin li cꞌaꞌru quilajeꞌxba̱nu, chan li Dios. (Deut. 32:35)

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

Romanos 14:21

Li us xba̱nunquil, aꞌan aꞌin: cui nachꞌinan xchꞌo̱l la̱ herma̱n xban nak nacattiꞌoc tib ut nacat-ucꞌac vino, mattiꞌoc tib ut mat-ucꞌac vino. Incꞌaꞌ ta̱ba̱nu li cꞌaꞌak re ru ta̱chꞌina̱nk cuiꞌ xchꞌo̱l la̱ herma̱n re nak incꞌaꞌ ta̱ma̱cobk a̱ban.

San Lucas 23:42

Ut li cui̱nk aꞌan quixye ajcuiꞌ re li Jesús: —At Ka̱cuaꞌ, chinjulticokꞌ taxak a̱cue nak tat-oc saꞌ la̱ nimajcual cuanquilal, chan.

Salmos 94:1

At nimajcual Dios, la̱at li nacatqꞌuehoc re̱kaj li ma̱usilal li nequeꞌxba̱nu li incꞌaꞌ useb xnaꞌleb. Cꞌutbesi la̱ joskꞌil chiruheb.

2 Samuel 22:48

Li Dios xtenkꞌan cue chi numta̱c saꞌ xbe̱neb li xicꞌ nequeꞌiloc cue. Ut xqꞌueheb li tenamit rubel incuanquil.

1 Samuel 26:23

Li Ka̱cuaꞌ naxkꞌajca̱mu li junju̱nk riqꞌuin li ti̱quilal ut li usilal li naxba̱nu. Anakcuan li Ka̱cuaꞌ xatxkꞌaxtesi saꞌ cuukꞌ, abanan la̱in incꞌaꞌ xcuaj a̱camsinquil xban nak la̱at li sicꞌbil a̱cuu xban li Dios.

1 Samuel 25:40

Eb lix mo̱s laj David queꞌco̱eb Carmel riqꞌuin lix Abigail ut queꞌxye re: —Laj David xoxtakla chak a̱cuiqꞌuin. Aꞌan ta̱raj nak tatxic chikix. Ta̱raj a̱cꞌambal chokꞌ rixakil, chanqueb.

1 Samuel 25:33

Ut osobtesinbilat taxak xban li Dios xban nak xanau xcꞌoxlanquil chanru ta̱ba̱nu. Xaram chicuu re nak incꞌaꞌ tincamsiheb li cristian chi ma̱cꞌaꞌ rajbal ut re ajcuiꞌ nak incꞌaꞌ tinqꞌue re̱kaj li ma̱usilal joꞌ xcuaj la̱in.

1 Samuel 24:15

Li Ka̱cuaꞌ, aꞌan li ta̱rakok a̱tin saꞌ kabe̱n saꞌ cuibal. Li Ka̱cuaꞌ naril xtokꞌoba̱l cuu. Aꞌan li natenkꞌan cue ut aꞌan ajcuiꞌ li ta̱colok cue cha̱cuu la̱at, chan laj David.

1 Samuel 25:30

Nak acak xacꞌul li quixye chak cha̱cuix li Ka̱cuaꞌ ut nak acak xat-oc chokꞌ xreyeb laj Israel,