1 Samuel 25:24 - Li Santil hu

²⁴ Quixcut rib chi rok laj David ut quixye re: —At ka̱cuaꞌ, chicana̱k ta saꞌ inbe̱n li ma̱c li xba̱nu laj Nabal. Caꞌaj cuiꞌ nintzꞌa̱ma cha̱cuu nak tina̱canab chi a̱tinac a̱cuiqꞌuin ut ta̱cuabi taxak li cꞌaꞌru tinye a̱cue.

Q'eqchi Bible

²⁴ kixk'utzub' rib' chiru ch'och' ut kixye re: “Wa'chin, chikanaaq ta sa' inb'een li xmaak linb'eelom. Ab'anan tinaakanab' chi aatinak aawik'in ut ab'i taxaq li k'aru tinye aawe.

1 Samuel 25:24 ပူးပေါင်းရင်းမြစ်များ

Ester 8:3

Lix Ester quia̱tinac cuiꞌchic riqꞌuin li rey. Ta̱ya̱bak nak quixcut rib chi rok li rey ut quixye: —Ta̱sach taxak xcuanquil li chakꞌrab li quixqꞌue laj Amán xban xma̱usilal. Incꞌaꞌ taxak ta̱uxma̱nk li raylal li quixcꞌoxla xba̱nunquil reheb laj judío, chan lix Ester.

2 Samuel 14:9

Li ixk quixye re: —At rey, li ma̱c aꞌin chicana̱k saꞌ inbe̱n la̱in ut saꞌ xbe̱neb li ralal xcꞌajol lin yucuaꞌ. Incꞌaꞌ chicana̱k saꞌ a̱be̱n la̱at, at rey, chi moco saꞌ xbe̱n la̱ cuanquilal, chan.

1 Samuel 25:28

Chacuy taxak inma̱c cui xinpaltoꞌ cha̱cuu. Li Ka̱cuaꞌ Dios tatxxakab chokꞌ rey, joꞌ eb ajcuiꞌ la̱ cualal a̱cꞌajol xban nak la̱at yo̱cat chi pletic saꞌ xcꞌabaꞌ li Ka̱cuaꞌ. Toj chalen anakcuan ma̱ jun li ma̱usilal nacaba̱nu.

2 Reyes 4:37

Li naꞌbej quixcut rib chi rok laj Eliseo. Chirix aꞌan quixcꞌam lix chꞌina yum ut qui-el aran.

San Mateo 18:29

Ut li rech aj cꞌanjelil quixcuikꞌib rib chiru, quixpatzꞌ xcuybal ut quixye re: —China̱cuy cuan chic caꞌchꞌinak ut la̱in tintoj ajcuiꞌ chixjunil lin cꞌas, chan re.

2 Samuel 14:12

Ut li ixk quixye re: —At rey, china̱canab chi a̱tinac junpa̱tak chic a̱cuiqꞌuin, chan. Ut li rey David quixye re: —Us. A̱tinan, chan.

Génesis 44:18

Ut laj Judá quinachꞌoc chiru laj José ut quixye re: —Chacuy inma̱c. La̱in tincuaj xyebal cuib oxibak a̱tin a̱cue. Usan cui incꞌaꞌ ta̱cha̱lk a̱joskꞌil saꞌ kabe̱n xban nak la̱at kꞌaxal nim a̱cuanquil. La̱at joꞌ laj faraón, chan.

1 Samuel 24:8

Laj David qui-el chak saꞌ li ochoch pec ut quixjap re chixyebal re laj Saúl: —At rey, chan. Ut laj Saúl qui-iloc chirix ut laj David quixcuikꞌib rib chiru re xcꞌutbal nak naxqꞌue xlokꞌal.

1 Samuel 25:23

Nak lix Abigail quiril laj David, quicube chirix lix bu̱r saꞌ junpa̱t ut quixcuikꞌib rib saꞌ chꞌochꞌ chiru laj David re xqꞌuebal xlokꞌal.

1 Samuel 25:25

Nintzꞌa̱ma cha̱cuu nak incꞌaꞌ ta̱qꞌue saꞌ a̱chꞌo̱l li cꞌaꞌru xye a̱cue li cui̱nk aꞌan, li incꞌaꞌ us xnaꞌleb. Joꞌcan nak aj Nabal queꞌxqꞌue chokꞌ xcꞌabaꞌ xban nak ma̱cꞌaꞌ xnaꞌleb. La̱in laj cꞌanjel cha̱cuu, incꞌaꞌ xcuileb ru li sa̱j cui̱nk li xataklaheb kiqꞌuin.

Proverbios 25:15

Li ani nim xcuyum naxcubsi xjoskꞌil li cuan xcuanquil. Li kꞌunil a̱tin naxtenkꞌa xjalbal xcꞌaꞌux junak li kꞌaxal cau xchꞌo̱l.

Eclesiastés 10:4

Cui li cuan xcuanquil ta̱joskꞌokꞌ cha̱cuu, incꞌaꞌ ta̱sume ru, xban nak naru nequeyi̱b ru li chꞌaꞌajquilal saꞌ xya̱lal.

2 Samuel 20:17

Laj Joab quinachꞌoc riqꞌuin ut li ixk quixye re: —¿Ma la̱at laj Joab?— Ut aꞌan quixye re: —La̱in laj Joab.— Li ixk quixye re: —La̱in aj cꞌanjel cha̱cuu. Ba̱nu usilal, chacuabi li cꞌaꞌru tinye, chan. Ut laj Joab quixye re: —La̱in tincuabi. Ye cue cꞌaꞌru ta̱cuaj.—