1 Samuel 24:19 - Li Santil hu

¹⁹ Cui junak cui̱nk naxchap li xicꞌ na-iloc re, ¿ma tixcanab ta biꞌ chi yoꞌyo chi incꞌaꞌ tixcamsi? Li Ka̱cuaꞌ Dios taxak chi qꞌuehoc re̱kaj li usilal xaba̱nu cue anakcuan.

Q'eqchi Bible

¹⁹ Wi junaq winq naxtaw li xik' na'ilok re, maajoq'e tixkanab' chi xik sa' tuqtuukilal. Li Qaawa' chiq'ajkamunq aawe sa' xk'ab'a' li usilal xab'aanu we sa' li kutan a'in.

1 Samuel 24:19 ပူးပေါင်းရင်းမြစ်များ

Salmos 18:20

Li Dios quixqꞌue inkꞌajca̱munquil xban nak ti̱c inchꞌo̱l. Li Dios na-osobtesin cue xban nak ninba̱nu li us.

1 Samuel 26:25

Laj Saúl quixye re: —At David, osobtesinbilat taxak xban li Dios. La̱in ninnau nak us tat-e̱lk riqꞌuin li cꞌaꞌru ta̱ba̱nu, chan. Chirix aꞌan laj Saúl quisukꞌi saꞌ rochoch ut laj David co̱ cuiꞌchic.

1 Samuel 23:21

Laj Saúl quixye reheb: —Aꞌ taxak li Ka̱cuaꞌ chi-osobtesi̱nk e̱re xban nak xeril xtokꞌoba̱l cuu nak xeye cue.

Jueces 17:2

Laj Micaía quixye re lix naꞌ: —Nak qui-elkꞌa̱c cha̱cuu li jun mil riqꞌuin jun ciento chi tumin plata, la̱at xatzꞌa̱ma ma̱usilal saꞌ xbe̱n li ani qui-elkꞌan re. La̱in xin-elkꞌan re la̱ tumin. Cueꞌ li tumin cuan cuiqꞌuin. Anakcuan tinkꞌaxtesi a̱cue, chan. Ut li naꞌbej quixye: —Li Ka̱cuaꞌ Dios taxak chi-osobtesi̱nk a̱cue, chan.

Li xHu LIX RUT 2:12

Aꞌ taxak li Ka̱cuaꞌ chi-osobtesi̱nk a̱cue. Aꞌ taxak li Ka̱cuaꞌ, lix Dioseb laj Israel, chikꞌajca̱mu̱nk a̱cue riqꞌuin li yo̱cat chixba̱nunquil. Rubel rok rukꞌ aꞌan xakꞌaxtesi a̱cuib ut xacꞌojob a̱chꞌo̱l riqꞌuin, chan.

1 Samuel 23:17

Quixye re: —Matxucuac, at David. Lin yucuaꞌ, laj Saúl, incꞌaꞌ tatxtau. La̱at tat-oc chokꞌ xreyeb laj Israel. Ut la̱inak li xcabil chi takla̱nc. Laj Saúl lin yucuaꞌ ac naxnau aꞌan, chan.

1 Samuel 26:23

Li Ka̱cuaꞌ naxkꞌajca̱mu li junju̱nk riqꞌuin li ti̱quilal ut li usilal li naxba̱nu. Anakcuan li Ka̱cuaꞌ xatxkꞌaxtesi saꞌ cuukꞌ, abanan la̱in incꞌaꞌ xcuaj a̱camsinquil xban nak la̱at li sicꞌbil a̱cuu xban li Dios.