1 Samuel 24:17 - Li Santil hu

¹⁷ Ut quixye ajcuiꞌ re: —Ya̱l ajcuiꞌ li nacaye. La̱in cuan inma̱c. Saꞌ xya̱lal cuancat cuiqꞌuin. Ut la̱in incꞌaꞌ us li ninba̱nu a̱cue.

Q'eqchi Bible

¹⁷ ut kixye re laj David: “Yaal ajwi' li nakaye; laa'in wank inmaak. Laa'at usilal nakab'aanu we, a'ut laa'in ink'a' us nink'e cho'q reeqaj.

1 Samuel 24:17 ပူးပေါင်းရင်းမြစ်များ

1 Samuel 26:21

Ut laj Saúl quixye re: —At David, at cualal, sukꞌin chak cuiqꞌuin. Ma̱cꞌaꞌ tinba̱nu a̱cue xban nak incꞌaꞌ xina̱camsi anakcuan. Ma̱cꞌaꞌ innaꞌleb. Incꞌaꞌ us li xinba̱nu, chan laj Saúl.

San Mateo 5:44

Abanan la̱in tinye e̱re, cherahak li xicꞌ na-iloc e̱re. Chetzꞌa̱ma usilal saꞌ xbe̱neb li nequeꞌhoboc e̱re. Cheba̱nuhak li us reheb li xicꞌ nequeꞌiloc e̱re ut chextijok chirix li nequeꞌba̱nun ma̱usilal e̱re ut nequeꞌrahobtesin e̱re.

Génesis 38:26

Nak queꞌcuulac li takl riqꞌuin laj Judá, queꞌxcꞌut chiru li cꞌaꞌak re ru li quixtakla lix Tamar. Ut laj Judá ticto quixqꞌue retal nak aꞌan laj e̱chal re li cꞌaꞌak re ru aꞌan. Ut quixye: —Li ixk aꞌin ti̱c xchꞌo̱l chicuu la̱in. Xinma̱cob xban nak incꞌaꞌ xinqꞌue li cualal laj Sela chokꞌ xbe̱lom joꞌ xinyechiꞌi chak junxil, chan. Ut laj Judá incꞌaꞌ chic quicuan riqꞌuin li ixk.

San Mateo 27:4

Quixye reheb: —Xinma̱cob nak xinkꞌaxtesi e̱re li cui̱nk aꞌin xban nak ma̱cꞌaꞌ xma̱c, chan. Aꞌut eb aꞌan queꞌxye re: —¿Cꞌaꞌ takaj re la̱o? Il cꞌaꞌru ta̱ba̱nu.—

Salmos 37:6

Li Dios tixcꞌutbesi lix ti̱quilal e̱chꞌo̱l chiruheb chixjunileb joꞌ nak nalemtzꞌun li sakꞌe cuaꞌleb re li cutan.

Éxodo 9:27

Tojoꞌnak laj faraón quixtakla xbokbaleb laj Moisés ut laj Aarón. Quixye reheb: —Anakcuan xinnau nak xinma̱cob. Moco li Ka̱cuaꞌ Dios ta cuan re. La̱in cuan cue ut joꞌ ajcuiꞌ lin tenamit cuanqueb re.

1 Samuel 26:17

Laj Saúl quirabi nak yo̱ chi a̱tinac laj David ut quixnau nak aꞌan xya̱b xcux. Quixye: —¿Ma ma̱cuaꞌat ta biꞌ la̱at, at David, li yo̱cat chi a̱tinac? chan. Laj David quixye re: —At rey, ya̱l li xaye. La̱in laj David, chan.