1 Samuel 24:16 - Li Santil hu

¹⁶ Nak quirakeꞌ chi a̱tinac laj David, laj Saúl quixye: —At David, at cualal, ¿ma la̱at li yo̱cat chi a̱tinac? chan. Ut qui-oc chi ya̱bac laj Saúl nak quirabi xya̱b xcux laj David.

Q'eqchi Bible

¹⁶ Naq laj David kiraqe'k chi xyeeb'al a'in, laj Saúl kixye: “At David, at walal, ma laa'at li yookat chi aatinak?”, chan. Ut chi kaw xyaab' xkux kixchaj re chi yaab'ak

1 Samuel 24:16 ပူးပေါင်းရင်းမြစ်များ

1 Samuel 26:17

Laj Saúl quirabi nak yo̱ chi a̱tinac laj David ut quixnau nak aꞌan xya̱b xcux. Quixye: —¿Ma ma̱cuaꞌat ta biꞌ la̱at, at David, li yo̱cat chi a̱tinac? chan. Laj David quixye re: —At rey, ya̱l li xaye. La̱in laj David, chan.

Hechos 6:10

Abanan nak quia̱tinac laj Esteban, eb aꞌan incꞌaꞌ chic queꞌru xsumenquil xban nak aꞌan qꞌuebil xnaꞌleb xban li Santil Musikꞌej.

San Lucas 21:15

xban nak la̱in tinqꞌue e̱naꞌleb ut tincꞌut che̱ru cꞌaꞌru te̱ye. Ut eb li xicꞌ nequeꞌiloc e̱re incꞌaꞌ teꞌru̱k chixcuechꞌbal rix li cꞌaꞌru te̱ye, chi moco teꞌxnau xsumenquil.

Proverbios 15:1

Li ani nasumen riqꞌuin kꞌunil a̱tin naxcubsi xjoskꞌil li ani yo̱ chi a̱tinac saꞌ joskꞌil. Aꞌut li ani nasumen saꞌ joskꞌil, kꞌaxal cuiꞌchic naxnimobresi ru li chꞌaꞌajquilal.

Li xHu LAJ JOB 6:25

La̱in incꞌaꞌ naru nintzꞌekta̱na li naꞌleb te̱qꞌue cui cha̱bil. Abanan la̱ex yo̱quex chinkꞌabanquil chi ma̱cꞌaꞌ rajbal.

Génesis 33:4

Laj Esaú quia̱linac chixcꞌulbal li ri̱tzꞌin. Quixkꞌalu chi xcux laj Jacob ut quirutzꞌ ru ut queꞌoc chi ya̱bac xcabichaleb xban xsahileb saꞌ xchꞌo̱l.

Proverbios 25:11

Junak cha̱bil a̱tin saꞌ xkꞌehil, aꞌan chanchan jun li cha̱bil manzana yi̱banbil riqꞌuin oro ut qꞌuebil lix sahob ru riqꞌuin plata.

Génesis 2:2

Nak ac xba̱nu chixjunil li cꞌanjel aꞌin, li Dios quihilan saꞌ xcuuk li cutan.

Génesis 16:5

Lix Sarai quixye re laj Abram: —Saꞌ a̱ma̱c la̱at nak yo̱quin chixcꞌulbal li raylal aꞌin. La̱in xinqꞌue lin mo̱s a̱cue ut anakcuan xicꞌ chic ninril. Nak xnau nak ta̱cua̱nk jun lix cꞌulaꞌal yo̱ chixnimobresinquil rib chicuu. Li Ka̱cuaꞌ Dios taxak tixye ke ani cuan xma̱c, ma la̱at malaj la̱in, chan lix Sarai.

Jueces 11:27

La̱o incꞌaꞌ xoma̱cob che̱ru la̱ex. La̱o incꞌaꞌ yo̱co chi pletic e̱riqꞌuin. Abanan la̱ex incꞌaꞌ us yo̱quex nak xexchal chi pletic kiqꞌuin. Li Ka̱cuaꞌ Dios, aꞌan laj rakol a̱tin. Aꞌan li ta̱rakok a̱tin saꞌ kabe̱n la̱o aj Israel ut saꞌ e̱be̱n ajcuiꞌ la̱ex aj Amón, chan laj Jefté.

1 Samuel 26:24

Joꞌ nak la̱in xcuil xtokꞌoba̱l a̱cuu la̱at ut incꞌaꞌ xatincamsi anakcuan, joꞌcan ajcuiꞌ nak li Ka̱cuaꞌ taxak ta̱ril xtokꞌoba̱l cuu la̱in ut tinixcol taxak ajcuiꞌ chiru li raylal li nachal saꞌ inbe̱n, chan.

1 Crónicas 12:18

Quichal lix musikꞌ li Dios riqꞌuin laj Amasai li nataklan saꞌ xbe̱neb li laje̱b xcaꞌcꞌa̱l chi cui̱nk. Ut laj Amasai quixye: —Chicua̱nk taxak li tuktu̱quil usilal a̱cuiqꞌuin, at David. La̱at li ralal laj Isaí. Chicua̱nk taxak li tuktu̱quilal a̱cuiqꞌuin la̱at joꞌ ajcuiꞌ riqꞌuineb li yo̱queb chi tenkꞌa̱nc a̱cue xban nak li Ka̱cuaꞌ cuan a̱cuiqꞌuin, chan re. Chirix aꞌan laj David quixcꞌuleb ut quixqꞌueheb saꞌ xya̱nkeb li nequeꞌtaklan saꞌ xbe̱neb lix soldado.

Salmos 119:154

Chat-oque̱nk taxak chicuix ut china̱col. China̱col taxak joꞌ cayechiꞌi cue.