1 Samuel 24:15 - Li Santil hu

¹⁵ Li Ka̱cuaꞌ, aꞌan li ta̱rakok a̱tin saꞌ kabe̱n saꞌ cuibal. Li Ka̱cuaꞌ naril xtokꞌoba̱l cuu. Aꞌan li natenkꞌan cue ut aꞌan ajcuiꞌ li ta̱colok cue cha̱cuu la̱at, chan laj David.

Q'eqchi Bible

¹⁵ A' taxaq li Qaawa' chiraqoq aatin sa' qayanq. A'an chi'iloq ut chitenq'anq we rik'in inkolb'al sa' laawuq'”.

1 Samuel 24:15 ပူးပေါင်းရင်းမြစ်များ

Salmos 43:1

At inDios, chaye taxak nak ma̱cꞌaꞌ inma̱c. China̱col chiruheb li incꞌaꞌ useb xnaꞌleb. China̱col chiruheb li nequeꞌticꞌtiꞌic ut li nequeꞌba̱nun ma̱usilal.

Salmos 119:154

Chat-oque̱nk taxak chicuix ut china̱col. China̱col taxak joꞌ cayechiꞌi cue.

Salmos 35:1

At Ka̱cuaꞌ, sumeheb la̱at li teꞌraj pletic cuiqꞌuin. Ut la̱at taxak tatsume̱nk reheb.

1 Samuel 24:12

Aꞌ taxak li Ka̱cuaꞌ chiyehok re ani cuan xma̱c, ma la̱in malaj ut la̱at. Aꞌan taxak ta̱qꞌuehok a̱cue chixtojbal a̱ma̱c xban nak yo̱cat xba̱nunquil raylal cue. Abanan la̱in ma̱cꞌaꞌ tinba̱nu a̱cue.

Miqueas 7:9

Xban nak xoma̱cob chiru li Ka̱cuaꞌ tento takacuy lix joskꞌil toj tixtzꞌil a̱tin chikix ut toj ta̱rakok a̱tin saꞌ xbe̱neb li xicꞌ nequeꞌiloc ke. Torisi saꞌ kꞌojyi̱n ut toxqꞌue saꞌ cutan ut riqꞌuin aꞌin takaqꞌue retal nak li Dios ti̱c xchꞌo̱l.

Miqueas 1:2

Ut nak qui-oc chixyebal li cꞌaꞌru quiyeheꞌ re xban li Dios laj Miqueas quixye chi joꞌcaꞌin: —Cherabihak che̱junilex la̱ex li cuanquex saꞌ ruchichꞌochꞌ. Cheqꞌuehak retal li naxye li Ka̱cuaꞌ. Li nimajcual Dios ta̱a̱tinak chak saꞌ lix santil naꞌaj ut aꞌan ta̱yehok re nak cuan e̱ma̱c.

2 Crónicas 24:22

Quisach saꞌ xchꞌo̱l li rey Joás li usilal li qui-ux re xban laj Joiada lix yucuaꞌ laj Zacarías. Quixqꞌue ban chi camsi̱c laj Zacarías. Nak yo̱ chi ca̱mc, laj Zacarías quixye re: —Aꞌ taxak li Dios chi-ilok re li cꞌaꞌru xaba̱nu ut aꞌan taxak chiqꞌuehok re̱kaj a̱cue, chan.

1 Samuel 26:4

Laj David quixtaklaheb aj qꞌuehol etal ut queꞌril nak relic chi ya̱l laj Saúl cuan aran.

Jueces 11:27

La̱o incꞌaꞌ xoma̱cob che̱ru la̱ex. La̱o incꞌaꞌ yo̱co chi pletic e̱riqꞌuin. Abanan la̱ex incꞌaꞌ us yo̱quex nak xexchal chi pletic kiqꞌuin. Li Ka̱cuaꞌ Dios, aꞌan laj rakol a̱tin. Aꞌan li ta̱rakok a̱tin saꞌ kabe̱n la̱o aj Israel ut saꞌ e̱be̱n ajcuiꞌ la̱ex aj Amón, chan laj Jefté.

1 Samuel 25:39

Nak laj David quirabi resil nak quicam laj Nabal, quixye: —Lokꞌoninbil taxak li Ka̱cuaꞌ xban nak aꞌan xqꞌuehoc re̱kaj re laj Nabal li incꞌaꞌ us xba̱nu cue. Quinixtenkꞌa re nak incꞌaꞌ quinba̱nu li incꞌaꞌ us. Li Ka̱cuaꞌ xqꞌue chixtojbal xma̱c laj Nabal, chan. Ut laj David quixtakla resil riqꞌuin lix Abigail nak ta̱raj sumla̱c riqꞌuin.

1 Samuel 17:43

Quixye re laj David: —¿Ma la̱in ta biꞌ tzꞌiꞌ nak tatcha̱lk chi pletic cuiqꞌuin riqꞌuin cheꞌ? chan. Ut quixmajecua laj David saꞌ xcꞌabaꞌ lix dioseb laj filisteo.

1 Samuel 26:20

La̱in incꞌaꞌ nacuaj ca̱mc saꞌ jalan naꞌajej bar incꞌaꞌ nequeꞌxlokꞌoni cuiꞌ li tzꞌakal Dios. At rey, ¿cꞌaꞌut nak yo̱cat chinsicꞌbal joꞌ nak nasiqꞌueꞌ junak li cꞌak? Ut, ¿cꞌaꞌut nak yo̱cat chinsicꞌbal joꞌ nak nequeꞌxsicꞌ li xul li nequeꞌrupupic saꞌ qꞌuicheꞌ?—