1 Samuel 24:14 - Li Santil hu

¹⁴ At rey, ¿cꞌaꞌut nak yo̱cat chinsicꞌbal? ¿Cꞌaꞌut nak ta̱cuaj incamsinquil? La̱in ma̱cꞌaꞌ nin-oc cuiꞌ. La̱in chanchanin jun li tzꞌiꞌ ca̱mc re. Malaj ut chanchanin jun li cꞌak.

Q'eqchi Bible

¹⁴ Jun chik. Ani sa' aj b'een xchalk li awab'ej re Israel? Sa' inb'een laa'in. Ani taawaj xkamsinkil? Laa'in li chanchanin junaq kamenaq tz'i' ut junaq k'aq.

1 Samuel 24:14 ပူးပေါင်းရင်းမြစ်များ

1 Samuel 26:20

La̱in incꞌaꞌ nacuaj ca̱mc saꞌ jalan naꞌajej bar incꞌaꞌ nequeꞌxlokꞌoni cuiꞌ li tzꞌakal Dios. At rey, ¿cꞌaꞌut nak yo̱cat chinsicꞌbal joꞌ nak nasiqꞌueꞌ junak li cꞌak? Ut, ¿cꞌaꞌut nak yo̱cat chinsicꞌbal joꞌ nak nequeꞌxsicꞌ li xul li nequeꞌrupupic saꞌ qꞌuicheꞌ?—

2 Samuel 9:8

Ut laj Mefi-boset quixcuikꞌib cuiꞌchic rib ut quixye re: —¿Anihin ta biꞌ la̱in nak ta̱cuil xtokꞌoba̱l cuu? La̱in chanchanin jun li tzꞌiꞌ ca̱mc re, chan.

1 Samuel 17:43

Quixye re laj David: —¿Ma la̱in ta biꞌ tzꞌiꞌ nak tatcha̱lk chi pletic cuiqꞌuin riqꞌuin cheꞌ? chan. Ut quixmajecua laj David saꞌ xcꞌabaꞌ lix dioseb laj filisteo.

1 Reyes 21:7

Ut lix Jezabel li rixakil quixye re: —La̱at li rey. La̱at nacattaklan arin Israel. Cuaclin ut cuaꞌin. Cꞌojob a̱chꞌo̱l. La̱in tinsicꞌ xya̱lal chanru tinba̱nu re nak aꞌan tixqꞌue a̱cue lix naꞌaj li racui̱mk, chan.

2 Samuel 16:9

Ut laj Abisai, lix yum lix Sarvia, quixye re laj David: —At rey, ¿cꞌaꞌut nak yo̱ cha̱majecuanquil li cui̱nk aꞌin, li chanchan tzꞌiꞌ ca̱mc re? Nintzꞌa̱ma cha̱cuu nak ta̱qꞌue inlese̱ns re tinxic chixsetbal lix cux, chan.

2 Samuel 3:8

Cꞌajoꞌ nak quijoskꞌoꞌ laj Abner nak quirabi li quixye. Ut quixye re laj Is-boset: —¿Ma la̱in ta biꞌ tzꞌiꞌ? ¿Ma yo̱quin ta biꞌ chi cꞌanjelac chiruheb li ralal xcꞌajol laj Judá? La̱in ti̱c inchꞌo̱l chi cꞌanjelac chiru laj Saúl la̱ yucuaꞌ ut eb li rechꞌalal ut eb li rami̱g. Incꞌaꞌ xatinkꞌaxtesi saꞌ rukꞌ laj David. ¿Cꞌaꞌut nak nacaye nak yo̱quin chi ma̱cobc riqꞌuin li ixk aꞌin?

2 Samuel 6:20

Ut laj David co̱ saꞌ rochoch chixtzꞌa̱manquil chiru li Dios nak ta̱rosobtesiheb li cuanqueb saꞌ li rochoch. Lix Mical qui-el chixcꞌulbal ut quixhob ut quixye re: —Anakcuan qꞌuebil chic a̱lokꞌal, at rey, riqꞌuin li cꞌaꞌru xaba̱nu chiruheb li ixk, lix mo̱seb li nequeꞌcꞌanjelac cha̱cuu. Riqꞌuin li cꞌaꞌru xaba̱nu, xacꞌutbesi a̱cuib joꞌ nequeꞌxba̱nu li incꞌaꞌ nequeꞌxnau xuta̱nac, chan.

Oseas 10:13

Abanan la̱ex incꞌaꞌ xexcuan saꞌ ti̱quilal. Xeba̱nu li ma̱usilal ut kꞌaxal ra te̱cꞌul xban li ticꞌtiꞌic. Li cꞌaꞌru xerau, aꞌan ajcuiꞌ li xekꞌol. Incꞌaꞌ cꞌojcꞌo e̱chꞌo̱l cuiqꞌuin. Cꞌojcꞌo ban e̱chꞌo̱l xban nak kꞌaxal nabaleb le̱ soldado.