1 Samuel 24:11 - Li Santil hu

¹¹ At inrey, il li tꞌicr li cuan saꞌ cuukꞌ. Aꞌan jun peda̱s la̱ cuakꞌ li xinset nak cuancat saꞌ li ochoch pec re xcꞌutbal cha̱cuu nak xru raj xatincamsi. Joꞌcan nak ta̱qꞌue retal nak la̱in incꞌaꞌ tinba̱nu raylal a̱cue. Chi moco tatintzꞌekta̱na. La̱at ban ta̱cuaj incamsinquil.

Q'eqchi Bible

¹¹ K'e reetal, at inyuwa'; il li xmaril laawaq' sa' wuq'. Xinset li xmaril laawaq' ut ink'a' xatinkamsi! Jo'kan naq taak'e reetal naq maak'a' lab'al sa' li waanm ut maak'a' maa'usilal wik'in. Laa'in ink'a' xinmaakob'k chawu, a'ut laa'at yookat xsik'b'al inkamsinkil.

1 Samuel 24:11 ပူးပေါင်းရင်းမြစ်များ

1 Samuel 26:20

La̱in incꞌaꞌ nacuaj ca̱mc saꞌ jalan naꞌajej bar incꞌaꞌ nequeꞌxlokꞌoni cuiꞌ li tzꞌakal Dios. At rey, ¿cꞌaꞌut nak yo̱cat chinsicꞌbal joꞌ nak nasiqꞌueꞌ junak li cꞌak? Ut, ¿cꞌaꞌut nak yo̱cat chinsicꞌbal joꞌ nak nequeꞌxsicꞌ li xul li nequeꞌrupupic saꞌ qꞌuicheꞌ?—

1 Samuel 23:23

Qꞌuehomak retal chi us bar cuanqueb li naꞌajej li naxmuk cuiꞌ rib. Texcha̱lk cuiꞌchic chi junpa̱t ut te̱ye cue cꞌaꞌru xerabi. Ut la̱in tinxic che̱rix cui toj cuan aran ut tinsiqꞌui toj retal tintau usta tinsiqꞌui saꞌ chixjunil li naꞌajej Judá, chan.

1 Samuel 23:14

Laj David quicana chi cua̱nc saꞌ li chaki chꞌochꞌ saꞌ jun li tzu̱l aran Zif. Rajlal cutan laj Saúl quixsicꞌ laj David. Abanan li Dios incꞌaꞌ quixkꞌaxtesi saꞌ rukꞌ.

San Juan 15:25

Joꞌcaꞌin xcꞌulman xban nak tzꞌi̱banbil chak retalil saꞌ li chakꞌrab li quiqꞌueheꞌ reheb: Ma̱cꞌaꞌ raj inma̱c, abanan xicꞌ quineꞌril.

2 Reyes 5:13

Abanan eb li mo̱s queꞌjiloc riqꞌuin laj Naamán ut queꞌxye: —Chacuy li kama̱c, ka̱cuaꞌ. Cui ta li profeta xye a̱cue nak ta̱ba̱nu junak cꞌaꞌru chꞌaꞌaj xba̱nunquil, ¿ma incꞌaꞌ raj xaba̱nu? Aꞌan moco chꞌaꞌaj ta xba̱nunquil. ¿Cꞌaꞌut nak incꞌaꞌ ta̱sub a̱cuib saꞌ li haꞌ re nak tatqꞌuira̱k? chanqueb.

1 Samuel 26:18

Ut quixye ajcuiꞌ re: —At rey, ¿cꞌaꞌut nak toj yo̱cat chinsicꞌbal re tina̱camsi? ¿Cꞌaꞌru inma̱c cha̱cuu? ¿Cꞌaꞌru li incꞌaꞌ us xinba̱nu a̱cue?

Miqueas 7:2

Ma̱ jun chic li cui̱nk ti̱c xchꞌo̱l saꞌ ruchichꞌochꞌ ut ma̱ ani chic junak cha̱bil. Chixjunileb nequeꞌcamsin ut li junju̱nk nequeꞌxsicꞌ chanru nak ta̱ru̱k teꞌxbalakꞌi li ras ri̱tzꞌin.

Ezequiel 13:18

Ye reheb nak joꞌcaꞌin ninye la̱in li nimajcual Dios: Raylal ta̱cha̱lk saꞌ e̱be̱n la̱ex ixk li nequeboj li tꞌicr re kꞌehicꞌ ut re tu̱lac li nequeꞌxqꞌue saꞌ xcux rukꞌeb ut saꞌ xjolomeb. Nequeba̱nu chi joꞌcan xban nak te̱raj nak ta̱cua̱nk e̱cuanquil saꞌ xbe̱neb le̱ rech tenamitil re te̱ye ani ta̱ca̱mk ut ani incꞌaꞌ. ¿Ma ta̱ru̱k te̱ba̱nu aꞌan yal re xcolbal rix le̱ yuꞌam?

Lamentaciones 4:18

Eb li xicꞌ nequeꞌiloc ke yo̱queb chixqꞌuebal ketal. Incꞌaꞌ naru noco-el saꞌ be. Xcuulac xkꞌehil li kacamic. Osocꞌ ke.

Proverbios 15:1

Li ani nasumen riqꞌuin kꞌunil a̱tin naxcubsi xjoskꞌil li ani yo̱ chi a̱tinac saꞌ joskꞌil. Aꞌut li ani nasumen saꞌ joskꞌil, kꞌaxal cuiꞌchic naxnimobresi ru li chꞌaꞌajquilal.

Salmos 140:11

Incꞌaꞌ ta najt teꞌcua̱nk saꞌ ruchichꞌochꞌ li nequeꞌyoꞌoban a̱tin. Aꞌ ta li raylal li nequeꞌxba̱nu chisachok ruheb li nequeꞌxrahobtesi ras ri̱tzꞌin.

Salmos 35:7

La̱in ma̱cꞌaꞌ inma̱c, abanan queꞌxyi̱b jun li raꞌal re inchapbal. Usta ma̱cꞌaꞌ inma̱c queꞌxbec jun li jul re nak tintꞌanekꞌ chi saꞌ.

Li xHu LAJ JOB 10:16

Cui ninnimobresi cuib, la̱at ac yo̱cat chixqꞌuebal cuetal re insachbal. Chanchanat li cakcoj. Nacaba̱nu li sachba chꞌo̱lej yal re insachbal.

1 Samuel 18:27

Ma̱jiꞌ ajcuiꞌ nacuulac xkꞌehil xba̱nunquil li quixtakla laj Saúl nak laj David rochbeneb lix soldados queꞌco̱eb ut queꞌxcamsiheb cuib ciento laj filisteo. Ut quixcꞌameb chak li ruꞌuj lix tzꞌejcualeb re tixkꞌaxtesi re li rey re nak naru ta̱oc chokꞌ xhiꞌ. Joꞌcan nak laj Saúl quixsume xqꞌuebal lix Mical chokꞌ rixakil laj David.

1 Samuel 25:28

Chacuy taxak inma̱c cui xinpaltoꞌ cha̱cuu. Li Ka̱cuaꞌ Dios tatxxakab chokꞌ rey, joꞌ eb ajcuiꞌ la̱ cualal a̱cꞌajol xban nak la̱at yo̱cat chi pletic saꞌ xcꞌabaꞌ li Ka̱cuaꞌ. Toj chalen anakcuan ma̱ jun li ma̱usilal nacaba̱nu.

Salmos 59:3

Cuanqueb li cui̱nk cuanqueb xcuanquil yo̱queb chixsicꞌbal chanru nak tineꞌxcamsi. La̱in ma̱cꞌaꞌ yo̱quin. Ma̱cꞌaꞌ inma̱c. Abanan, at inDios, teꞌraj incamsinquil.

Salmos 119:161

Usta eb li cuanqueb xcuanquil yo̱queb xba̱nunquil raylal cue chi ma̱cꞌaꞌ inma̱c, abanan la̱in incꞌaꞌ xincanab xqꞌuebal xlokꞌal la̱ cua̱tin.

1 Samuel 12:3

Xakxo̱quin che̱ru anakcuan. Yehomak cue lix ya̱lal chiru li Ka̱cuaꞌ Dios ut chiru ajcuiꞌ li rey li quixsicꞌ ru chi cꞌamoc be che̱ru. ¿Ma cuan junak xinmakꞌ xbo̱yx? ¿Ma cuan junak xinmakꞌ xbu̱r? ¿Ma cuan junak xincuelkꞌa cꞌaꞌru re? ¿Ma cuan junak xinrahobtesi? ¿Ma xinqꞌue cuib chi tumina̱c re nak incꞌaꞌ tinye li ya̱l? Cui cuan li incꞌaꞌ us xinba̱nu, yehomak cue anakcuan re nak naru tinyi̱b ru li incꞌaꞌ us xinba̱nu, chan.

1 Samuel 26:23

Li Ka̱cuaꞌ naxkꞌajca̱mu li junju̱nk riqꞌuin li ti̱quilal ut li usilal li naxba̱nu. Anakcuan li Ka̱cuaꞌ xatxkꞌaxtesi saꞌ cuukꞌ, abanan la̱in incꞌaꞌ xcuaj a̱camsinquil xban nak la̱at li sicꞌbil a̱cuu xban li Dios.

2 Samuel 1:14

Laj David quixye ajcuiꞌ re: —¿Ma incꞌaꞌ xatxucuac chixcamsinquil li rey? ¿Cꞌaꞌut nak xacamsi li rey li sicꞌbil ru xban li Dios? chan.

Salmos 7:5

cui joꞌcan innaꞌleb, chineꞌxsicꞌak li xicꞌ nequeꞌiloc cue toj retal tineꞌxchap. Chineꞌxcutak saꞌ chꞌochꞌ ut chineꞌxcamsi ut cheꞌrisihak lin lokꞌal.