1 Samuel 23:9 - Li Santil hu

⁹ Nak laj David quirabi nak laj Saúl ta̱cha̱lk chi pletic riqꞌuin, quixye re laj Abiatar laj tij: —Cꞌam chak li efod, chan.

Q'eqchi Bible

⁹ Ab'an laj David naq kixnaw naq laj Saúl yo chi xk'uub'ankil li xkamik, kixye re laj Abiatar laj tij: “K'am chaq li efod”;

1 Samuel 23:9 ပူးပေါင်းရင်းမြစ်များ

1 Samuel 30:7

Laj David quixye re laj Abiatar, laj tij, li ralal laj Ahimelec: —Ba̱nu usilal, cꞌam chak li efod, chan. Ut laj Abiatar quixcꞌam li efod riqꞌuin.

1 Samuel 23:6

Nak laj Abiatar li ralal laj Ahimelec quie̱lelic chiru laj Saúl, quixcꞌam li efod chirix. Ut quixcꞌam ajcuiꞌ chirix nak co̱ riqꞌuin laj David aran Keila.

Números 27:21

Laj Josué ta̱xic riqꞌuin laj Eleazar laj tij ut tixpatzꞌ re cꞌaꞌru tixba̱nu. Ut laj Eleazar tixsicꞌ li cꞌaꞌru nacuaj riqꞌuin li Urim. Laj Josué, aꞌan li ta̱takla̱nk saꞌ xbe̱neb laj Israel riqꞌuin chixjunil li cꞌaꞌru teꞌxba̱nu, chan li Ka̱cuaꞌ.

Hechos 14:6

Abanan laj Pablo ut laj Bernabé queꞌrabi resil li yo̱queb chixcꞌu̱banquil ut queꞌe̱lelic chiruheb. Co̱eb saꞌ eb li tenamit Listra ut Derbe xcue̱nt Licaonia ut queꞌco̱eb ajcuiꞌ saꞌ eb li cꞌaleba̱l li cuanqueb chi xjun sutam.

Hechos 9:24

Abanan laj Saulo quirabi resil nak teꞌraj xcamsinquil. Eb aꞌan chi kꞌek chi cutan yo̱queb chixcꞌacꞌalenquil li oqueba̱l re li tenamit re teꞌxcamsi.

Jeremías 33:3

—Chatzꞌa̱ma a̱tenkꞌanquil cue ut la̱in tatinsume. Ut tincꞌutbesi cha̱cuu li xni̱nkal ru naꞌleb li incꞌaꞌ nacanau ut tinchꞌolob xya̱lal cha̱cuu li cꞌaꞌru chꞌaꞌaj xtaubal ru.

1 Samuel 22:20

Abanan laj Abiatar, jun reheb li ralal laj Ahimelec li ralal laj Ahitob, incꞌaꞌ queꞌxcamsi xban nak quie̱lelic ut co̱ riqꞌuin laj David.

1 Samuel 14:18

Laj Saúl quixye re laj Ahías laj tij: —Cꞌam chak arin lix efod li Ka̱cuaꞌ, chan. (Saꞌ eb li cutan aꞌan laj Ahías yo̱ chixcꞌambal li efod chiruheb laj Israel.)

1 Samuel 23:8

Ut quixtakla xchꞌutubanquil lix soldados re teꞌxsut rix li tenamit Keila ut teꞌpletik riqꞌuin laj David ut riqꞌuineb li cuanqueb rochben.

1 Samuel 23:10

Laj David quitijoc ut quixye: —At Ka̱cuaꞌ, la̱at li kaDios la̱o aj Israel. Xcuabi resil nak laj Saúl ta̱cha̱lk chixsachbal li tenamit Keila saꞌ incꞌabaꞌ la̱in.

1 Reyes 2:26

Ut li rey Salomón quixye re laj Abiatar laj tij: —Ayu Anatot saꞌ la̱ tenamit. A̱cꞌulub raj li ca̱mc, abanan incꞌaꞌ tatincamsi xban nak la̱at catcꞌamoc re li Lokꞌlaj Ca̱x nak laj David lin yucuaꞌ quicuan chokꞌ rey. Ut xattzꞌakon ajcuiꞌ riqꞌuin li raylal li quixcꞌul lin yucuaꞌ, chan.

Oseas 3:4

Joꞌcaꞌin xinba̱nu riqꞌuin re xcꞌutbal chiruheb laj Israel nak najt teꞌcua̱nk chi ma̱cꞌaꞌ lix reyeb, chi moco teꞌcua̱nk aj cꞌamol be chiruheb. Incꞌaꞌ chic teꞌmayejak chiruheb lix dioseb, chi moco ta̱cua̱nk lix dioseb pec, chi moco ta̱cua̱nk li cꞌaꞌak re ru re acuasi̱nc, chi moco teꞌcua̱nk lix yi̱banbil dios re ta̱colok reheb.

1 Samuel 10:22

Nak incꞌaꞌ queꞌxtau, queꞌxye re li Ka̱cuaꞌ: —¿Ma cuan saꞌ kaya̱nk li cui̱nk li xasicꞌ ru? chanqueb. Ut li Dios quixye reheb: —Laj Saúl cuan saꞌ e̱ya̱nk. Xmuk rib saꞌ xya̱nk li i̱k, chan.