1 Samuel 23:2 - Li Santil hu

² Laj David quitijoc ut quixye re li Dios: —¿Ma tinxic chi pletic riqꞌuineb laj filisteo malaj ut incꞌaꞌ? chan. Ut li Ka̱cuaꞌ quixye re: —Ayu. Pletin chak riqꞌuineb laj filisteo ut ta̱coleb li cuanqueb aran Keila, chan.

Q'eqchi Bible

² Toja' naq laj David kipatz'ok re li Qaawa': “Ma tinxik chi yalok rik'ineb' laj Filistea a'an?”, chan. Kisumeek xb'aan li Qaawa': “Ayu chi yalok rik'ineb' laj Filistea ut taakol li tenamit Kehilá”.

1 Samuel 23:2 ပူးပေါင်းရင်းမြစ်များ

1 Samuel 23:4

Joꞌcan nak laj David co̱ cuiꞌchic chi tijoc chiru li Ka̱cuaꞌ re xnaubal ma ta̱xic Keila chi pletic riqꞌuineb laj filisteo, malaj ut incꞌaꞌ. Ut li Ka̱cuaꞌ quixye re: —Ayu chi pletic riqꞌuineb laj filisteo xban nak la̱in tinkꞌaxtesiheb saꞌ a̱cuukꞌ, chan.

2 Samuel 5:23

Ut laj David quitijoc cuiꞌchic ut quixpatzꞌ re li Dios cꞌaꞌru us tixba̱nu. Ut li Ka̱cuaꞌ quixye re: —Incꞌaꞌ tat-oc chi ubej. Te̱sut rix lix naꞌajeb ut texpletik riqꞌuineb cuanqueb cuiꞌ li cheꞌ bálsamo.

2 Samuel 5:19

Laj David quitijoc ut quixye re li Dios: —¿Ma tinxic chi pletic riqꞌuineb laj filisteo? ¿Ma tina̱tenkꞌa chi numta̱c saꞌ xbe̱neb? chan. Ut li Ka̱cuaꞌ quixye re: —Ayu chi pletic riqꞌuineb. La̱in tinkꞌaxtesiheb saꞌ a̱cuukꞌ, chan.

Jeremías 10:23

Laj Jeremías quitijoc ut quixye: —At Ka̱cuaꞌ, la̱in ninnau nak li cui̱nk incꞌaꞌ tixtakla rib xjunes. Moco aꞌan ta yal re saꞌ xbe̱n li tixba̱nu.

1 Samuel 30:8

Laj David quitijoc ut quixye re li Dios: —¿Ma us cui tinxic chirixeb chixchapbaleb laj Amalec? ¿Ma toj toxebintau saꞌ be? chan. Li Ka̱cuaꞌ quixye re: —Ayukex. Relic chi ya̱l ta̱tauheb ut ta̱coleb li xeꞌxchap ut xeꞌxcꞌam chirixeb, chan.

1 Samuel 23:6

Nak laj Abiatar li ralal laj Ahimelec quie̱lelic chiru laj Saúl, quixcꞌam li efod chirix. Ut quixcꞌam ajcuiꞌ chirix nak co̱ riqꞌuin laj David aran Keila.

Josué 9:14

Eb laj Israel queꞌxchap lix cuaheb ut queꞌril. Abanan incꞌaꞌ queꞌxtzꞌa̱ma chiru li Dios cꞌaꞌru us teꞌxba̱nu.

Salmos 32:8

Li Ka̱cuaꞌ quixye: —La̱in tin-ilok a̱cue. La̱in tincꞌutuk cha̱cuu cꞌaꞌru ta̱ba̱nu ut tinqꞌue a̱naꞌleb re nak ta̱tau xya̱lal. La̱in tinberesi̱nk a̱cue.

1 Crónicas 14:10

Laj David quitijoc ut quixye re li Dios: —¿Ma tinxic chi pletic riqꞌuineb laj filisteo? ¿Ma tina̱tenkꞌa chi numta̱c saꞌ xbe̱neb? chan. Ut li Ka̱cuaꞌ quixye re: —Ayu chi pletic riqꞌuineb. La̱in tinkꞌaxtesiheb saꞌ a̱cuukꞌ, chan.

Jueces 1:1

Nak ac xcam laj Josué, eb laj Israel queꞌtijoc chiru li Ka̱cuaꞌ ut queꞌxye re: —¿Ani ke xbe̱n cua teꞌxic chi pletic riqꞌuineb laj Canaán? chanqueb.

Números 27:21

Laj Josué ta̱xic riqꞌuin laj Eleazar laj tij ut tixpatzꞌ re cꞌaꞌru tixba̱nu. Ut laj Eleazar tixsicꞌ li cꞌaꞌru nacuaj riqꞌuin li Urim. Laj Josué, aꞌan li ta̱takla̱nk saꞌ xbe̱neb laj Israel riqꞌuin chixjunil li cꞌaꞌru teꞌxba̱nu, chan li Ka̱cuaꞌ.

1 Samuel 10:22

Nak incꞌaꞌ queꞌxtau, queꞌxye re li Ka̱cuaꞌ: —¿Ma cuan saꞌ kaya̱nk li cui̱nk li xasicꞌ ru? chanqueb. Ut li Dios quixye reheb: —Laj Saúl cuan saꞌ e̱ya̱nk. Xmuk rib saꞌ xya̱nk li i̱k, chan.

1 Samuel 23:3

Abanan eb li cui̱nk li cuanqueb rochben laj David queꞌxye re: —La̱o nocoxucuac nak cuanco arin Judá. ¿Ma tojaꞌ ta chic incꞌaꞌ toxucuak chiruheb laj filisteo cui toxic chixtenkꞌanquileb laj Keila? chanqueb.

2 Samuel 2:1

Mokon chic laj David quixpatzꞌ re li Ka̱cuaꞌ cꞌaꞌru tixba̱nu ut quixye: —¿Ma us tinxic saꞌ junak tenamit cuan xcue̱nt Judá? chan. Ut li Ka̱cuaꞌ quichakꞌoc ut quixye re: —Us tatxic, chan. Ut laj David quixpatzꞌ cuiꞌchic re: —¿Cꞌaꞌru tenamitil tinxic cuiꞌ?— Ut li Ka̱cuaꞌ quixye re: —Ayu saꞌ li tenamit Hebrón, chan.

1 Samuel 14:37

Ut laj Saúl quitijoc ut quixye re li Dios: —¿Ma us toxic chi pletic riqꞌuineb laj filisteo? ¿Ma ta̱kꞌaxtesiheb saꞌ kukꞌ? chan. Abanan li Dios incꞌaꞌ quixsume lix tij saꞌ li cutan aꞌan.