1 Samuel 23:17 - Li Santil hu

¹⁷ Quixye re: —Matxucuac, at David. Lin yucuaꞌ, laj Saúl, incꞌaꞌ tatxtau. La̱at tat-oc chokꞌ xreyeb laj Israel. Ut la̱inak li xcabil chi takla̱nc. Laj Saúl lin yucuaꞌ ac naxnau aꞌan, chan.

Q'eqchi Bible

¹⁷ Kixye re: “Matxiwak, xb'aan naq laj Saúl linyuwa' ink'a' truuq tatxtaw. Laa'at tat-ok cho'q awab'ej re Israel ut laa'inaq li xkab'il chi taqlank. A' ajwi' linyuwa' naxnaw a'an”.

1 Samuel 23:17 ပူးပေါင်းရင်းမြစ်များ

1 Samuel 20:31

¿Ma incꞌaꞌ nacaqꞌue retal nak cui li ralal laj Isaí yoꞌyo̱k, incꞌaꞌ naru tat-oc chokꞌ rey la̱at, chi moco eb la̱ cualal a̱cꞌajol? Joꞌcan nak ayu. Sicꞌ chak ut ta̱cꞌam chak cuiqꞌuin. Aꞌan tento nak ta̱ca̱mk, chan laj Saúl.

1 Samuel 24:20

Anakcuan ninnau chi tzꞌakal nak la̱at tat-oc chokꞌ xrey eb laj Israel ut saꞌ a̱cꞌabaꞌ la̱at ta̱xakli̱k xcuanquil li tenamit Israel.

Hebreos 13:6

Joꞌcan nak naru takaye chi anchal kachꞌo̱l: Li Ka̱cuaꞌ Dios natenkꞌan cue. Incꞌaꞌ ninxucua li cꞌaꞌru teꞌxba̱nu li xicꞌ nequeꞌiloc cue. (Sal. 118:6)

Hechos 28:16

Nak cocuulac Roma, li capitán quixkꞌaxtesiheb li pre̱x re li coronel. Ut laj Pablo quicanaba̱c chi cua̱nc xjunes rochben jun li soldado li na-iloc re.

Isaías 54:17

Ma̱ jun li chꞌi̱chꞌ li quiyi̱ba̱c re e̱pletinquil tixcuy. La̱ex te̱cꞌut nak aj ticꞌtiꞌeb li nequeꞌkꞌaban e̱re. Aꞌan aꞌin li ma̱tan li tinqꞌue e̱re la̱ex li nequexcꞌanjelac chicuu nak texinqꞌue chi numta̱c saꞌ xbe̱neb li xicꞌ nequeꞌiloc e̱re, chan li Ka̱cuaꞌ.

Romanos 15:24

Nincꞌoxla nak toxinnumekꞌ che̱rilbal nak tinxic España. Nacuaj rilbal e̱ru re nak ta̱sahokꞌ inchꞌo̱l ut nacuaj ajcuiꞌ nak tine̱tenkꞌa re nak ta̱ru̱k tinxic España.

Hechos 5:39

Abanan cui ut re li Dios, incꞌaꞌ texru̱k chixpoꞌbal ru. Qꞌuehomak retal chi us ma̱re anchal yo̱quex chi pletic riqꞌuin li Dios, chan laj Gamaliel.

San Lucas 12:32

Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

Isaías 41:14

Mexxucuac, la̱ex li ralal xcꞌajolex laj Jacob. Mexxucuac la̱ex aj Israel usta ma̱cꞌaꞌ e̱cuanquil ut usta incꞌaꞌ qꞌuihex. La̱in tintenkꞌa̱nk e̱re, chan li Ka̱cuaꞌ. La̱in aj Colol e̱re. La̱in le̱ santil Dios la̱ex aj Israel.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

Proverbios 19:21

Eb li cristian nabal li cꞌaꞌak re ru nequeꞌxcꞌu̱b ru. Abanan caꞌaj cuiꞌ li Dios yal re ma ta̱uxma̱nk chixjunil li nequeꞌxcꞌu̱b ru.

Proverbios 14:26

Li ani naxxucua ru li Ka̱cuaꞌ Dios cau xchꞌo̱l ut eb li ralal xcꞌajol cuan cꞌaꞌru nequeꞌroybeni.

1 Samuel 24:4

Eb li rochben queꞌxye re laj David: —Li Ka̱cuaꞌ quixye a̱cue nak tixkꞌaxtesi saꞌ a̱cuukꞌ li xicꞌ na-iloc a̱cue ut ta̱ba̱nu li cꞌaꞌru ta̱cuaj riqꞌuin. Anakcuan xcuulac xkꞌehil li cutan aꞌan, chanqueb. Timil timil laj David quinachꞌoc riqꞌuin laj Saúl ut quixset caꞌchꞌin li rakꞌ ut laj Saúl incꞌaꞌ quixqꞌue retal.

1 Samuel 24:19

Cui junak cui̱nk naxchap li xicꞌ na-iloc re, ¿ma tixcanab ta biꞌ chi yoꞌyo chi incꞌaꞌ tixcamsi? Li Ka̱cuaꞌ Dios taxak chi qꞌuehoc re̱kaj li usilal xaba̱nu cue anakcuan.

Salmos 118:6

Li Ka̱cuaꞌ cuan cuiqꞌuin. Joꞌcan nak la̱in incꞌaꞌ ninxucua li cꞌaꞌru teꞌxba̱nu cue li cui̱nk.

1 Samuel 22:23

Cana̱kat arin cuiqꞌuin. Matxucuac. Li ani ta̱ajok re a̱camsinquil la̱at ta̱raj ajcuiꞌ incamsinquil la̱in. La̱at ma̱cꞌaꞌ ta̱cꞌul cui cua̱nkat cuiqꞌuin, chan.

1 Samuel 24:21

Caꞌaj cuiꞌ nintzꞌa̱ma cha̱cuu. Ba̱nu li juramento ut ye cue nak incꞌaꞌ ta̱camsiheb li cualal incꞌajol. Incꞌaꞌ taxak ta̱sachekꞌ lin cꞌabaꞌ chi moco lix cꞌabaꞌ lin yucuaꞌ, chan laj Saúl.

1 Samuel 25:30

Nak acak xacꞌul li quixye chak cha̱cuix li Ka̱cuaꞌ ut nak acak xat-oc chokꞌ xreyeb laj Israel,

Isaías 35:3

Cacuubresihomak li rukꞌ li ma̱cꞌaꞌeb xmetzꞌe̱u. Joꞌ ajcuiꞌ li rok li nequeꞌsicsot xban xlubic. Qꞌuehomak xcacuilal xchꞌo̱leb li kꞌuneb xchꞌo̱l. Ut qꞌuehomak xcacuil xchꞌo̱l li nequeꞌchꞌinan xchꞌo̱l.

Isaías 35:4

Qꞌuehomak xcacuil xchꞌo̱leb li yo̱queb chi lucta̱c. Yehomak reheb: —Cacuubresihomak e̱chꞌo̱l. Mexxucuac. Li Ka̱cuaꞌ ta̱colok e̱re ut tixqꞌueheb chixtojbal lix ma̱queb li xicꞌ nequeꞌiloc e̱re.—