1 Samuel 23:16 - Li Santil hu

¹⁶ Saꞌ jun li cutan laj Jonatán, li ralal laj Saúl, co̱ chirilbal laj David aran Zif saꞌ li naꞌajej Hores. Quixqꞌue xcacuil xchꞌo̱l saꞌ xcꞌabaꞌ li Ka̱cuaꞌ.

Q'eqchi Bible

¹⁶ Sa' jun kutan laj Jonatán, ralal laj Saúl, kixchap xb'e ut koho wan wi' laj David aran Jorsa re xk'ojob'ankil xch'ool sa' xk'ab'a' li Qaawa'.

1 Samuel 23:16 ပူးပေါင်းရင်းမြစ်များ

2 Timoteo 2:1

Aꞌut anakcuan, at Timoteo, cauhak a̱chꞌo̱l riqꞌuin li usilal qꞌuebil ke xban nak reho chic li Cristo Jesús.

Efesios 6:10

Toj cuan cꞌaꞌru nacuaj xyebal e̱re ut aꞌan aꞌin: Cheꞌcacuubresi̱k le̱ chꞌo̱l saꞌ le̱ pa̱ba̱l riqꞌuin lix nimal xcuanquilal li Ka̱cuaꞌ li cuan e̱riqꞌuin.

San Lucas 22:32

Abanan la̱in xintijoc cha̱cuix re nak incꞌaꞌ ta̱canab la̱ pa̱ba̱l. Ut nak tatsukꞌi̱k cuiꞌchic cuiqꞌuin, ta̱qꞌue xcacuilal xchꞌo̱leb la̱ cuech aj pa̱banelil, chan li Jesús.

1 Samuel 30:6

Cꞌajoꞌ lix cꞌaꞌux laj David xban nak eb li cuanqueb rochben queꞌxye nak teꞌxcut chi pec laj David xban xrahil xchꞌo̱leb. Abanan li Ka̱cuaꞌ quixqꞌue xcacuilal xchꞌo̱l laj David.

San Lucas 22:43

Ut quichal jun li ángel saꞌ choxa ut quixqꞌue xcacuil xchꞌo̱l.

Nehemías 2:18

Ut la̱in quinserakꞌi reheb chanru nak quinixtenkꞌa li Dios riqꞌuin xnimal rusilal. Ut quinserakꞌi ajcuiꞌ reheb li cꞌaꞌru quixye cue li rey. Ut eb aꞌan queꞌxye: —Ocako chi cꞌanjelac. Takayi̱b cuiꞌchic li katenamit, chanqueb. Ut queꞌxqꞌue xchꞌo̱l chi cꞌanjelac chixju̱nkaleb.

Proverbios 27:9

Li sununquil ban naxqꞌue sahil chꞌo̱lej. Ut naxqꞌue ajcuiꞌ xsahil xchꞌo̱l li cha̱bil naꞌleb li nequeꞌxqꞌue li amigos.

Proverbios 27:17

Li chꞌi̱chꞌ riqꞌuin chꞌi̱chꞌ ajcuiꞌ nakꞌesna̱c. Joꞌcan ajcuiꞌ li cui̱nk. Cui̱nk ajcuiꞌ ta̱qꞌuehok xnaꞌleb.

Deuteronomio 3:28

Ta̱xakab laj Josué chi cꞌanjelac. Ta̱qꞌue xcacuilal xchꞌo̱l ut ta̱qꞌue xnaꞌleb xban nak aꞌan li ta̱cꞌamok be chiruheb li tenamit nak teꞌxic jun pacꞌal li nimaꞌ chire̱chaninquil li naꞌajej li yo̱cat chirilbal anakcuan”, chan cue.

Li xHu LAJ JOB 16:5

Abanan incꞌaꞌ raj tinba̱nu chi joꞌcan. Tincꞌojob raj e̱chꞌo̱l riqꞌuin cha̱bil a̱tin. Ut riqꞌuin li cꞌaꞌru tinye, ta̱quehokꞌ raj ru le̱ raylal.

Ezequiel 13:22

La̱ex xeqꞌue xrahil xchꞌo̱leb li ti̱queb xchꞌo̱l riqꞌuin li ticꞌtiꞌ xeye. La̱in incꞌaꞌ nacuaj nak teꞌxcꞌul li raylal. La̱ex xeqꞌueheb chi cacuu̱c xchꞌo̱leb li incꞌaꞌ useb xnaꞌleb. Ut incꞌaꞌ xeꞌxcanab xba̱nunquil li ma̱usilal e̱ma̱c la̱ex.

1 Samuel 23:15

Laj David quixqꞌue retal nak yo̱ xsicꞌbal xban laj Saúl re xcamsinquil. Joꞌcan nak junes aj chic saꞌ li naꞌajej Hores nacuan saꞌ li chaki chꞌochꞌ Zif.