1 Samuel 23:13 - Li Santil hu

¹³ Joꞌcan nak laj David ut eb li cuanqueb rochben queꞌel Keila ut queꞌxbeni ribeb yalak bar. Cuakib ciento (600) ta na li cuanqueb rochben laj David. Nak laj Saúl quirabi nak ac x-el Keila laj David, quixjal xcꞌaꞌux ut incꞌaꞌ chic co̱ Keila.

Q'eqchi Bible

¹³ Toja' naq koheb' laj David ut eb' laj puub' (wankeb' tana lajeek'aal xkab' o'q'ob' chi winq), ke'elk Kehilá ut ke'xb'eeni rib'eb'. Ut naq laj Saúl kirab'i resil li relik laj David sa' li tenamit Kehilá, kixjal xk'a'uxl ut ink'a' chik koho Kehilá.

1 Samuel 23:13 ပူးပေါင်းရင်းမြစ်များ

1 Samuel 25:13

Tojoꞌnak laj David quixye reheb: —Chapomak le̱ chꞌi̱chꞌ, chan. Ut chixjunileb queꞌxqꞌue xchꞌi̱chꞌeb saꞌ xcꞌa̱mal xsaꞌ. Ut laj David quixchap ajcuiꞌ lix chꞌi̱chꞌ ut quixcꞌam chirix ca̱hib ciento li soldados nak co̱ riqꞌuin laj Nabal. Cuib ciento queꞌcana aran chixcꞌacꞌalenquil li cꞌaꞌruheb re.

1 Samuel 22:2

Eb li rahobtesinbileb, li cuanqueb xcꞌas ut eb li cuanqueb saꞌ raylal queꞌco̱eb riqꞌuin. Ca̱hib ciento (400) na chi cui̱nk li cuanqueb rochben. Ut laj David quicꞌamoc be chiruheb.

2 Samuel 15:20

Tojeꞌ ajcuiꞌ xatcꞌulun arin. ¿Ma tento ta biꞌ nak ta̱beni a̱cuib chikix? La̱in naru ninxic yalak bar, abanan kꞌaxal us chokꞌ a̱cue nak tatsukꞌi̱k ut ta̱cꞌam cha̱cuix eb la̱ cuech tenamitil. Aꞌ taxak li Ka̱cuaꞌ Dios chi-osobtesi̱nk a̱cue chi junelic, chan laj David.

2 Samuel 15:18

Chixjunileb li nequeꞌtaklan saꞌ xbe̱neb lix soldados, queꞌxakli chixcꞌatk li rey. Eb laj cereteo ut eb laj peleteo li nequeꞌcꞌacꞌalen re li rey saꞌ li ple̱t queꞌnumeꞌ chiru. Ut queꞌnumeꞌ ajcuiꞌ eb li cuakib ciento li soldados li queꞌchal Gat.

Li xHu LAJ JOB 5:12

Aꞌan napoꞌoc ru li incꞌaꞌ us nequeꞌxcꞌoxla xba̱nunquil li se̱beb xchꞌo̱l chixba̱nunquil li incꞌaꞌ us. Ma̱cꞌaꞌ nequeꞌxba̱nu xban nak aꞌan naxpoꞌ ru li cꞌaꞌru nequeꞌxcꞌoxla xba̱nunquil.

Salmos 34:5

Li queꞌxtzꞌa̱ma xtenkꞌanquil riqꞌuin li Ka̱cuaꞌ, queꞌsahoꞌ saꞌ xchꞌo̱leb xban nak quiqꞌueheꞌ reheb li cꞌaꞌru queꞌxtzꞌa̱ma.