1 Samuel 23:10 - Li Santil hu

¹⁰ Laj David quitijoc ut quixye: —At Ka̱cuaꞌ, la̱at li kaDios la̱o aj Israel. Xcuabi resil nak laj Saúl ta̱cha̱lk chixsachbal li tenamit Keila saꞌ incꞌabaꞌ la̱in.

Q'eqchi Bible

¹⁰ ut kitijok chi kama'in: “At Qaawa', xYos laj Israel, xwab'i naq laj Saúl taaraj chalk arin Kehilá chi xsachb'al li tenamit sa' ink'ab'a'.

1 Samuel 23:10 ပူးပေါင်းရင်းမြစ်များ

Proverbios 28:15

Nak junak li acuabej incꞌaꞌ us xnaꞌleb ta̱oc chi takla̱nc saꞌ xbe̱neb li tenamit nebaꞌ, aꞌan chanchan li cakcoj xban nak joskꞌ. Malaj ut chanchan li oso li ta̱tzꞌoca̱k.

Ester 3:6

Ac quirabi resil nak laj Mardoqueo aj judío. Incꞌaꞌ quiraj xcamsinquil xjunes laj Mardoqueo. Quixcꞌoxla nak kꞌaxal us xcamsinquileb chixjunileb laj judío li cuanqueb saꞌ eb li naꞌajej li cuanqueb rubel xtakl li rey Asuero.

1 Samuel 23:8

Ut quixtakla xchꞌutubanquil lix soldados re teꞌxsut rix li tenamit Keila ut teꞌpletik riqꞌuin laj David ut riqꞌuineb li cuanqueb rochben.

1 Samuel 22:19

Ut laj Saúl quixtakla ajcuiꞌ xcamsinquil chixjunileb li cuanqueb saꞌ li tenamit Nob, lix tenamiteb laj tij. Chixjunileb queꞌcamsi̱c, joꞌ cui̱nk, joꞌ ixk, joꞌ cocꞌal, joꞌ cꞌulaꞌal. Ut queꞌcamsi̱c ajcuiꞌ lix bo̱yx, lix bu̱r, ut lix carner.

Génesis 18:24

Ma̱re cuanqueb mero ciento chi cristian ti̱queb xchꞌo̱l saꞌ xya̱nkeb. Cui cuanqueb mero ciento li ti̱queb xchꞌo̱l, ¿ma incꞌaꞌ ta̱ru̱k ta̱cuy xma̱queb li incꞌaꞌ ti̱queb xchꞌo̱l? ¿Malaj cuan saꞌ a̱chꞌo̱l nak ta̱sach chi junaj cua li tenamit aꞌan? chan.

1 Samuel 23:9

Nak laj David quirabi nak laj Saúl ta̱cha̱lk chi pletic riqꞌuin, quixye re laj Abiatar laj tij: —Cꞌam chak li efod, chan.

1 Samuel 23:11

¿Ma tineꞌxkꞌaxtesi saꞌ rukꞌ laj Saúl eb li cuanqueb Keila? ¿Ma ya̱l nak ta̱cha̱lk laj Saúl? At Ka̱cuaꞌ, at kaDios la̱o aj Israel, nintzꞌa̱ma cha̱cuu nak ta̱sume taxak intij, chan. Ut li Ka̱cuaꞌ quixye re: —Laj Saúl ta̱cha̱lk, chan.