1 Samuel 22:8 - Li Santil hu

⁸ ¿Cꞌaꞌut nak che̱junilex la̱ex xecꞌu̱b ru xba̱nunquil raylal cue? Ma̱ jun chic e̱re narahoc cue. Ma̱ ani xyehoc cue nak li cualal xba̱nu li juramento riqꞌuin li ralal laj Isaí. Ma̱ jun e̱re xyehoc cue nak li ralal laj Isaí yo̱ chinsicꞌbal re tinixcamsi. Ut li cualal yo̱ chi tenkꞌa̱nc re, chan.

Q'eqchi Bible

⁸ Chejunilex xek'amchi'i eerib' chiwix, ut maajun eere xyehok we naq li walal xk'ojob' jun sumwank rik'in li ralal laj Jesé. Maajun eere xtoq'ob'ank wu ut xye ta we naq li walal xtakchi'i' laj k'anjel chiwu re naq tinxkamsi, jo' yo chi xb'aanunkil anaqwan”.

1 Samuel 22:8 ပူးပေါင်းရင်းမြစ်များ

1 Samuel 18:3

Laj Jonatán ut laj David queꞌxba̱nu li juramento chi ribileb rib, ut queꞌxye nak junelic teꞌxcꞌam rib saꞌ usilal ut incꞌaꞌ teꞌxchꞌeꞌ rib xban nak laj Jonatán quixra laj David joꞌ nak naxra rib aꞌan.

1 Samuel 23:21

Laj Saúl quixye reheb: —Aꞌ taxak li Ka̱cuaꞌ chi-osobtesi̱nk e̱re xban nak xeril xtokꞌoba̱l cuu nak xeye cue.

Li xHu LAJ JOB 33:16

Naxye reheb cꞌaꞌru teꞌxba̱nu ut naxqꞌueheb xnaꞌleb.

1 Samuel 20:42

Laj Jonatán quixye re laj David: —Ayu chi ma̱cꞌaꞌ a̱cꞌaꞌux. La̱o ac xkaba̱nu li juramento saꞌ xcꞌabaꞌ li Ka̱cuaꞌ. Aꞌan ta̱tenkꞌa̱nk ke re nak incꞌaꞌ takakꞌet li ka̱tin, la̱o joꞌqueb ajcuiꞌ li kalal kacꞌajol, chan. Ut laj David co̱ ut laj Jonatán quisukꞌi saꞌ li tenamit.

1 Samuel 20:8

Ba̱nu usilal cue saꞌ xcꞌabaꞌ li juramento li kaba̱nu chi kibil kib. China̱tenkꞌa la̱in aj cꞌanjel cha̱cuu. Cui ut la̱in cuan inma̱c, china̱camsi la̱at anakcuan. Incꞌaꞌ tento nak tina̱cꞌam riqꞌuin la̱ yucuaꞌ re nak aꞌan tinixcamsi, chan laj David.

1 Samuel 20:2

Quixye laj Jonatán: —Moco ya̱l ta. La̱at incꞌaꞌ tatxcamsi. Lin yucuaꞌ ma̱cꞌaꞌ naxba̱nu chi incꞌaꞌ ta tixye cue la̱in. Yalak cꞌaꞌru naxba̱nu, naxye cue. Ma̱ jokꞌe tixmuk chicuu li cꞌaꞌru tixba̱nu. Aꞌan incꞌaꞌ tatxcamsi, chan laj Jonatán.

1 Samuel 22:13

Laj Saúl quixye re: —¿Cꞌaꞌut nak xacꞌu̱b ru li incꞌaꞌ us chicuix a̱cuochben laj David? ¿Cꞌaꞌut nak xaqꞌue xtzacae̱mk? Ut xaqꞌue ajcuiꞌ xchꞌi̱chꞌ re pletic. Ut xapatzꞌ re li Dios cꞌaꞌru tixba̱nu. Ut anakcuan yo̱ chinsicꞌbal re tinixcamsi, chan.

1 Samuel 18:1

Nak quirakeꞌ chi a̱tinac laj David riqꞌuin laj Saúl, laj Jonatán quixcꞌam rib saꞌ amiguil riqꞌuin laj David ut cꞌajoꞌ nak quixra.

2 Reyes 6:11

Cꞌajoꞌ nak qui-oc xcꞌaꞌux lix reyeb laj Siria. Ut quixbokeb riqꞌuin chixjunil li nequeꞌtaklan saꞌ xbe̱neb lix soldado ut quixye reheb: —¿Ani e̱re la̱ex yo̱ chi oque̱nc chirix lix reyeb laj Israel? chan.