1 Samuel 22:7 - Li Santil hu

⁷ Laj Saúl quixye reheb li cuanqueb rochben: —Ex ralal xcꞌajol laj Benjamín, abihomak li tinye. ¿Ma nequecꞌoxla la̱ex nak laj David li ralal laj Isaí tixqꞌue e̱chꞌochꞌ che̱junilex la̱ex ut tixqꞌue le̱ racui̱mk uvas? ¿Ma texqꞌue che̱junilex la̱ex chi takla̱nc saꞌ xbe̱neb lix soldados nak nequecꞌoxla?

Q'eqchi Bible

⁷ Kixye laj Saúl reheb' chixjunileb' laj k'anjel chiru li wankeb' rochb'een: “Ex aj Benjamín, chineerab'ihaq. Ma nekek'oxla naq li ralal laj Jesé tixk'e eech'och' ut eerawimq chejunilex, ut texxaqab' cho'q xjolomileb' laj puub'?

1 Samuel 22:7 ပူးပေါင်းရင်းမြစ်များ

1 Reyes 12:16

Eb li tenamit queꞌril nak incꞌaꞌ quirabi li rey li queꞌxtzꞌa̱ma chiru. Eb aꞌan queꞌxye re: —¿Cꞌaꞌru takara la̱o riqꞌuineb li ralal xcꞌajol laj David? La̱o ma̱cꞌaꞌ junak cꞌaꞌak re ru teꞌxqꞌue ke. Joꞌcan nak la̱o takil kib kajunes. Ut la̱at taklan saꞌ xbe̱neb li ralal xcꞌajol laj David, chanqueb. Ut eb aꞌan queꞌsukꞌi saꞌ lix naꞌajeb.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

Isaías 11:1

Saꞌ xya̱nkeb li ralal xcꞌajol laj Isaí ta̱yoꞌla̱k jun li ta̱takla̱nk. Aꞌan chanchan lix tux jun li cheꞌ.

2 Samuel 20:1

Saꞌ li tenamit Gilgal quicuan jun li cui̱nk incꞌaꞌ us xnaꞌleb. Aꞌan laj Seba, ralal laj Bicri. Xcomoneb li ralal xcꞌajol laj Benjamín. Laj Seba quixya̱basi li trompeta re xchꞌutubanquileb li tenamit, ut quixye reheb: —La̱o ma̱cꞌaꞌ nakara chirix laj David li ralal laj Isaí. Ma̱cꞌaꞌ tixqꞌue ke. Chikajunilo toxic saꞌ kamuheba̱l, chan.

1 Samuel 25:10

Laj Nabal quichakꞌoc ut quixye reheb: —¿Ani li cui̱nk aꞌan? ¿Ani laj David li ralal laj Isaí? Anakcuan cꞌajoꞌeb li lokꞌbil mo̱s yo̱queb chi e̱lelic chiru lix patrón.

1 Samuel 22:13

Laj Saúl quixye re: —¿Cꞌaꞌut nak xacꞌu̱b ru li incꞌaꞌ us chicuix a̱cuochben laj David? ¿Cꞌaꞌut nak xaqꞌue xtzacae̱mk? Ut xaqꞌue ajcuiꞌ xchꞌi̱chꞌ re pletic. Ut xapatzꞌ re li Dios cꞌaꞌru tixba̱nu. Ut anakcuan yo̱ chinsicꞌbal re tinixcamsi, chan.

1 Samuel 22:9

Cuan aran laj Doeg li nataklan saꞌ xbe̱neb li nequeꞌiloc re lix queto̱mk laj Saúl. Edom xtenamit. Laj Doeg quixye re laj Saúl: —Xcuil nak xcuulac li ralal laj Isaí aran Nob riqꞌuin laj Ahimelec li ralal laj Ahitob.

1 Samuel 20:30

Cꞌajoꞌ nak quijoskꞌoꞌ laj Saúl riqꞌuin laj Jonatán ut quixye re: —La̱at incꞌaꞌ us a̱naꞌleb. Ralalat jun ixk kꞌetkꞌet ut incꞌaꞌ us xnaꞌleb. Anakcuan ninnau nak la̱at tzꞌakal rami̱g li ralal laj Isaí. Xuta̱nal chokꞌ a̱cue ut chokꞌ re ajcuiꞌ la̱ naꞌ.

1 Samuel 20:27

Joꞌ cuulajak chic saꞌ xcab li cutan re li ninkꞌe, laj Saúl quiril nak ma̱ ani laj David. Quixye re laj Jonatán: —Laj David incꞌaꞌ xcꞌulun chi cuaꞌac chi moco ecue̱r, chi moco anakcuan. ¿Cꞌaꞌut? chan.

1 Samuel 18:14

Li Ka̱cuaꞌ cuan riqꞌuin laj David. Joꞌcan nak us na-el riqꞌuin chixjunil li cꞌaꞌru naxba̱nu.

2 Samuel 18:1

Laj David quixchꞌutubeb lix soldados li cuanqueb rochben. Quixxakabeb li teꞌtakla̱nk saꞌ xbe̱neb li junju̱nk chꞌu̱tal. Cuanqueb chi mil ut cuanqueb chi ciento.

1 Crónicas 12:16

Ut cuanqueb ajcuiꞌ li ralal xcꞌajol laj Benjamín ut eb li ralal xcꞌajol laj Judá queꞌco̱eb riqꞌuin laj David saꞌ li naꞌajej li nequeꞌxcol cuiꞌ ribeb.