1 Samuel 22:6 - Li Santil hu

⁶ Saꞌ jun li cutan laj Saúl quirabi nak qui-ileꞌ laj David ut eb li cuanqueb rochben. Laj Saúl cuan aran Gabaa saꞌ jun li tzu̱l. Chunchu rubel jun li cheꞌ tamarisco ut cuan xla̱ns saꞌ rukꞌ. Chꞌutchꞌu̱queb riqꞌuin chixjunileb li nequeꞌcꞌanjelac chiru.

Q'eqchi Bible

⁶ Laj Saúl wan chaq Kibehá, taqe'q, rub'el jun toon chi tamarisko, chi wank li xjutz' che' sa' ruq' ut sutsu xb'aaneb' chixjunileb' laj k'anjel chiru.

1 Samuel 22:6 ပူးပေါင်းရင်းမြစ်များ

1 Samuel 20:33

Xban xjoskꞌil laj Saúl quixcut lix la̱ns re tixcamsi laj Jonatán. Riqꞌuin aꞌan laj Jonatán quixqꞌue retal nak relic chi ya̱l lix yucuaꞌ ta̱raj xcamsinquil laj David.

1 Samuel 19:9

Saꞌ jun li cutan li Dios quixtakla cuiꞌchic li ma̱us aj musikꞌej riqꞌuin laj Saúl nak chunchu saꞌ rochoch ut cuan lix la̱ns saꞌ rukꞌ. Laj David yo̱ chixchꞌeꞌbal lix arpa.

1 Samuel 18:10

Saꞌ li cutan jun chic li Dios quixtakla li ma̱us aj musikꞌej chixchꞌiꞌchꞌiꞌinquil laj Saúl saꞌ rochoch. Chanchan li lo̱c ru laj Saúl. Cuan xla̱ns saꞌ rukꞌ. Ut laj David yo̱ chixchꞌeꞌbal li arpa chiru joꞌ naxba̱nu rajlal.

Jueces 4:5

Lix Débora rajlal naxic chi chunla̱c rubel jun to̱n li palmera chi rakoc a̱tin. Li naꞌajej aꞌan “Palmera re lix Débora” nequeꞌxye re. Li cheꞌ aꞌan cuan saꞌ lix naꞌajeb li ralal xcꞌajol laj Efraín li tzu̱l ru li cuan saꞌ xyi li tenamit Ramá ut Bet-el. Ut eb laj Israel rajlal nequeꞌxic riqꞌuin re teꞌxyi̱b ru lix chꞌaꞌajquilaleb.

Génesis 21:33

Ut laj Abraham quirau jun to̱n li cheꞌ tamarisco aran Beerseba. Ut saꞌ li naꞌajej aꞌan quitijoc chiru li Ka̱cuaꞌ Dios.

1 Samuel 14:2

Laj Saúl cuan lix muheba̱l chire li tenamit Gabaa rubel jun li nimla cheꞌ granado li cuan saꞌ li naꞌajej Migrón. Cuakib ciento na li soldados cuanqueb rochben.

1 Samuel 31:13

Queꞌxxoc lix bakel ut queꞌxmuk aran Jabes rubel jun li nimla cheꞌ. Ut queꞌayunic chiru cuukub cutan.