1 Samuel 22:4 - Li Santil hu

⁴ Ut laj David quixcꞌam lix naꞌ xyucuaꞌ riqꞌuin lix reyeb laj Moab. Ut aran queꞌcana joꞌ najtil yo̱ chixmukbal rib laj David saꞌ li ochoch pec.

Q'eqchi Bible

⁴ Ut laj David kixk'am li xna' xyuwa' rik'in li awab'ej re Mohab, ut ke'kanaak aran jo' najtil kiwank laj David chi muqmu.

1 Samuel 22:4 ပူးပေါင်းရင်းမြစ်များ

Salmos 11:1

La̱in cau inchꞌo̱l riqꞌuin li Dios. ¿Cꞌaꞌut nak nacaye cue nak tine̱lelik ut tincol chak cuib saꞌ li tzu̱l joꞌ junak xul?

San Mateo 10:23

Nak texrahobtesi̱k saꞌ jun li tenamit, texxic saꞌ jalan chic. Relic chi ya̱l ninye e̱re nak toj ma̱jiꞌ ajcuiꞌ nequechoy xbeninquil chixjunileb li tenamit cuanqueb Israel teꞌxnau nak xoline̱lk la̱in li Cꞌajolbej.

Nehemías 6:11

Ut la̱in quinchakꞌoc ut quinye re: —Junak cui̱nk joꞌ la̱in, ¿ma naru ta biꞌ ta̱xucuak chiruheb aꞌan? ¿Ma tinxic ta biꞌ saꞌ li templo chixmukbal cuib yal re xcolbal rix lin yuꞌam? La̱in incꞌaꞌ tin-oc saꞌ li templo chixmukbal cuib, chanquin re.

2 Crónicas 29:25

Ut li rey Ezequías quixqꞌueheb cuiꞌchic laj levita saꞌ lix templo li Dios re teꞌcuajbak riqꞌuin li sursu̱quil chꞌi̱chꞌ, li salterio ut li arpa. Queꞌxba̱nu joꞌ quicꞌuteꞌ chiruheb xban li rey David ut xban laj Gad lix profeta li Dios li quicꞌanjelac chiru laj David, joꞌ ajcuiꞌ li profeta Natán. Queꞌxba̱nu chi joꞌcan xban nak li Dios quixye reheb lix profeta nak joꞌcan teꞌxba̱nu.

1 Crónicas 29:29

Chixjunil li quilajxba̱nu laj David, chalen saꞌ xticlajic nak qui-oc chokꞌ rey ut toj nak quixrak lix cꞌanjel tzꞌi̱banbil retal saꞌ lix hu li profeta Samuel ut tzꞌi̱banbil ajcuiꞌ retalil saꞌ eb lix hu li profeta Natán ut li profeta Gad.

1 Crónicas 21:9

Ut li Ka̱cuaꞌ quia̱tinac riqꞌuin li profeta Gad, li naqꞌuehoc xnaꞌleb laj David ut quixye re:

1 Crónicas 12:16

Ut cuanqueb ajcuiꞌ li ralal xcꞌajol laj Benjamín ut eb li ralal xcꞌajol laj Judá queꞌco̱eb riqꞌuin laj David saꞌ li naꞌajej li nequeꞌxcol cuiꞌ ribeb.

2 Samuel 24:11

Cuulajak chic, nak ac xcuacli laj David, li Ka̱cuaꞌ quia̱tinac riqꞌuin li profeta Gad, li naqꞌuehoc xnaꞌleb laj David.

1 Samuel 22:3

Laj David qui-el aran ut co̱ Mizpa, li cuan aran Moab, chi a̱tinac riqꞌuin li rey. Quixye re: —Nintzꞌa̱ma usilal cha̱cuu nak ta̱qꞌue inlese̱ns chixcanabanquil lin naꞌ ut lin yucuaꞌ a̱cuiqꞌuin toj tinnau cꞌaꞌru tixba̱nu cuiqꞌuin li Dios, chan.

1 Samuel 22:5

Li profeta Gad quixye re laj David: —Incꞌaꞌ naru tatcana̱k saꞌ li naꞌajej aꞌin. Ayu ban chi junpa̱t saꞌ lix naꞌajeb li ralal xcꞌajol laj Judá, chan. Joꞌcan nak laj David qui-el aran ut co̱ saꞌ li qꞌuicheꞌ re Haret.

2 Samuel 8:2

Chirix chic aꞌan laj David quinumta saꞌ xbe̱neb laj Moab. Quixtusubeb chi yocyo saꞌ chꞌochꞌ ut quixbiseb riqꞌuin cꞌa̱m. Li caꞌcab tusul quixcamsiheb ut li cuanqueb saꞌ li rox tusul incꞌaꞌ quixcamsiheb. Eb li incꞌaꞌ queꞌcamsi̱c queꞌcana rubel xcuanquil laj David ut queꞌxtoj rix lix naꞌajeb.

1 Crónicas 11:16

Laj David cuan saꞌ li naꞌajej li nequeꞌxcol cuiꞌ ribeb. Jun chꞌu̱tal eb laj filisteo ac xeꞌoc saꞌ li tenamit Belén.