1 Samuel 22:2 - Li Santil hu

² Eb li rahobtesinbileb, li cuanqueb xcꞌas ut eb li cuanqueb saꞌ raylal queꞌco̱eb riqꞌuin. Ca̱hib ciento (400) na chi cui̱nk li cuanqueb rochben. Ut laj David quicꞌamoc be chiruheb.

Q'eqchi Bible

² Chixjunileb' li rahob'tesinb'ileb', li wankeb' xk'as ut jo'k'ihaleb' wankeb' sa' rahilal ke'xjunaji rib' rik'in laj David, ut a'in kikanaak cho'q aj k'amol xb'eheb'. Jun o'q'ob' (400) tana chi winq li wankeb' rochb'een.

1 Samuel 22:2 ပူးပေါင်းရင်းမြစ်များ

San Mateo 11:28

Joꞌcan ut cha̱lkex cuiqꞌuin che̱junilex li lublu̱quex ut li tacuajenakex ut la̱in texinqꞌue chi hila̱nc.

1 Samuel 30:6

Cꞌajoꞌ lix cꞌaꞌux laj David xban nak eb li cuanqueb rochben queꞌxye nak teꞌxcut chi pec laj David xban xrahil xchꞌo̱leb. Abanan li Ka̱cuaꞌ quixqꞌue xcacuilal xchꞌo̱l laj David.

1 Samuel 25:13

Tojoꞌnak laj David quixye reheb: —Chapomak le̱ chꞌi̱chꞌ, chan. Ut chixjunileb queꞌxqꞌue xchꞌi̱chꞌeb saꞌ xcꞌa̱mal xsaꞌ. Ut laj David quixchap ajcuiꞌ lix chꞌi̱chꞌ ut quixcꞌam chirix ca̱hib ciento li soldados nak co̱ riqꞌuin laj Nabal. Cuib ciento queꞌcana aran chixcꞌacꞌalenquil li cꞌaꞌruheb re.

1 Samuel 23:13

Joꞌcan nak laj David ut eb li cuanqueb rochben queꞌel Keila ut queꞌxbeni ribeb yalak bar. Cuakib ciento (600) ta na li cuanqueb rochben laj David. Nak laj Saúl quirabi nak ac x-el Keila laj David, quixjal xcꞌaꞌux ut incꞌaꞌ chic co̱ Keila.

1 Samuel 9:16

—Saꞌ ajcuiꞌ li o̱r aꞌin cuulaj tintakla a̱cuiqꞌuin jun li cui̱nk. Li cui̱nk aꞌan xcomoneb li ralal xcꞌajol laj Benjamín. La̱at ta̱qꞌue li aceite saꞌ xjolom xban nak aꞌan li xinsicꞌ ru re ta̱takla̱nk saꞌ xbe̱neb laj Israel lin tenamit. Aꞌan ta̱colok reheb chiruheb laj filisteo. La̱in nacuil xtokꞌoba̱l ruheb lin tenamit nak nequeꞌxya̱ba incꞌabaꞌ, chan.

1 Samuel 1:10

Lix Ana qui-oc chi tijoc chiru li Ka̱cuaꞌ chi ra saꞌ xchꞌo̱l ut cꞌajoꞌ nak quiya̱bac.

Jueces 11:3

Joꞌcan nak quie̱lelic laj Jefté chiruheb li ri̱tzꞌin. Co̱ chi cua̱nc saꞌ li naꞌajej Tob. Ut queꞌxchꞌutub ribeb riqꞌuin jun chꞌu̱tal li cui̱nk li nequeꞌcuulac chiru pletic ut aꞌan chic nataklan saꞌ xbe̱neb.

Hebreos 2:10

Riqꞌuin xcꞌulbal li raylal, li Jesucristo quitzꞌakobresi̱c ru chiru li Dios. Li Ka̱cuaꞌ Dios quiyi̱ban re chixjunil li cꞌaꞌak re ru. Xban aꞌan nak aꞌ li Dios yal re saꞌ xbe̱n. Joꞌcan nak quixtakla chak li Jesucristo chi xcꞌulbal li raylal ut quicam re xtojbal rix li kama̱c. Ut aꞌan ajcuiꞌ laj cꞌamol be chiruheb li ralal xcꞌajol li teꞌtzꞌako̱nk saꞌ lix lokꞌal.

San Mateo 11:12

Chalen chak nak quixtiquib xchꞌolobanquil xya̱lal laj Juan laj Cubsihom Haꞌ ut toj anakcuan cuanqueb li nequeꞌxyal xxakabanquil lix nimajcual cuanquilal li Dios, yal xjuneseb, ut queꞌraj xba̱nunquil saꞌ junpa̱t usta riqꞌuin raylal ta̱uxma̱nk.

Proverbios 31:6

Canabomak li haꞌ li nacaltesin chokꞌ reheb li ca̱mqueb re ut chokꞌ reheb li cuanqueb saꞌ raylal.

2 Reyes 20:5

—Sukꞌin riqꞌuin laj Ezequías, li nacꞌamoc be chiruheb lin tenamit. Ut ta̱ye re, “Joꞌcaꞌin xye li Ka̱cuaꞌ, lix Dios laj David la̱ xeꞌto̱nil yucuaꞌ: La̱in xcuabi la̱ tij ut xinqꞌue retal nak yo̱cat chi ya̱bac. Anakcuan tatinqꞌuirtesi. Ut saꞌ oxib cutan naru chic tatxic saꞌ lin templo.

2 Samuel 17:8

La̱at nacanau nak la̱ yucuaꞌ ut eb lix soldados cauheb rib chi pletic. Yo̱queb xjoskꞌil anakcuan. Chanchaneb li oso li namakꞌeꞌ li ral chiru. La̱ yucuaꞌ naxnau pletic chi us. Aꞌan incꞌaꞌ tixnumsi li kꞌojyi̱n saꞌ xya̱nkeb li tenamit.

2 Samuel 5:2

Chalen nak toj cua̱nk laj Saúl chokꞌ karey, la̱at catcꞌamoc be chiruheb li soldados aj Israel saꞌ eb li ple̱t. Ut li Ka̱cuaꞌ quixye nak la̱at tat-ilok reheb lix tenamit ut la̱atak lix reyeb, chanqueb.

Jueces 18:25

Eb li ralal xcꞌajol laj Dan queꞌxye re: —Matchokin chic. Cuanqueb cui̱nk arin kꞌaxal joskꞌeb. Ma̱chikꞌ xjoskꞌileb. Naru teꞌxtiquib pletic e̱riqꞌuin. Naru tatcamsi̱k la̱at ut teꞌcamsi̱k ajcuiꞌ chixjunileb la̱ cuechꞌalal, chanqueb.

1 Samuel 22:3

Laj David qui-el aran ut co̱ Mizpa, li cuan aran Moab, chi a̱tinac riqꞌuin li rey. Quixye re: —Nintzꞌa̱ma usilal cha̱cuu nak ta̱qꞌue inlese̱ns chixcanabanquil lin naꞌ ut lin yucuaꞌ a̱cuiqꞌuin toj tinnau cꞌaꞌru tixba̱nu cuiqꞌuin li Dios, chan.

2 Reyes 4:1

Cuan jun li ixk quicam xbe̱lom. Lix be̱lom, aꞌan profeta nak quicuan. Li ixk quicuulac riqꞌuin li profeta Eliseo ut quixye re: —Ka̱cuaꞌ, lin be̱lom quicam. La̱at nacanau nak aꞌan quixxucua ru li Dios. Abanan cuan xcꞌas. Ut li cui̱nk li cuan cuiꞌ lix cꞌas yo̱ chixpatzꞌbal li kacꞌas. Aꞌan ta̱raj xcꞌambaleb lin yum cuib chokꞌ xmo̱s chokꞌ re̱kaj li kacꞌas, chan.