1 Samuel 22:19 - Li Santil hu

¹⁹ Ut laj Saúl quixtakla ajcuiꞌ xcamsinquil chixjunileb li cuanqueb saꞌ li tenamit Nob, lix tenamiteb laj tij. Chixjunileb queꞌcamsi̱c, joꞌ cui̱nk, joꞌ ixk, joꞌ cocꞌal, joꞌ cꞌulaꞌal. Ut queꞌcamsi̱c ajcuiꞌ lix bo̱yx, lix bu̱r, ut lix carner.

Q'eqchi Bible

¹⁹ Sa' li tenamit Nob, xtenamiteb' laj tij, laj Saúl kixkamsi chixjunileb' chi ch'iich': winq, ixq, kok'al ut k'uula'al li toj neke'tu'uk, b'ooyx, b'uur ut karneer.

1 Samuel 22:19 ပူးပေါင်းရင်းမြစ်များ

1 Samuel 15:3

Texxic anakcuan chi pletic riqꞌuineb laj Amalec. Te̱sach ruheb chixjunil li cꞌaꞌruheb re. Me̱ril xtokꞌoba̱l ruheb. Te̱camsiheb chixjunileb joꞌ cui̱nk, joꞌ ixk, joꞌqueb ajcuiꞌ li cocꞌal ut eb li toj cꞌulaꞌaleb. Te̱camsiheb ajcuiꞌ lix cuacax, ut eb lix carner, eb lix camelleb joꞌ eb ajcuiꞌ lix bu̱reb”, chan li Ka̱cuaꞌ.

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

Oseas 10:14

Ta̱cha̱lk li ple̱t saꞌ e̱be̱n ut chixjunileb li xni̱nkal ru cab li nequecol cuiꞌ e̱rib talajeꞌsachekꞌ. Te̱cꞌul joꞌ quicꞌulman saꞌ eb li cutan nak li rey Salmán quixsach li tenamit Bet-arbel nak quicuan li ple̱t ut eb li naꞌbej joꞌqueb ajcuiꞌ lix cocꞌaleb quilajeꞌcamsi̱c.

Isaías 10:32

Saꞌ li cutan aꞌan eb li xicꞌ nequeꞌiloc e̱re teꞌxyi̱b lix muheba̱leb aran Nob. Ut teꞌxic chi pletic saꞌ li tzu̱l Sión li cuan Jerusalén.

Nehemías 11:32

Ut cuan ajcuiꞌ li queꞌcana saꞌ eb li tenamit Anatot, Nob ut Ananías.

1 Samuel 22:11

Joꞌcan nak laj Saúl quixtakla xbokbal laj Ahimelec laj tij ut chixjunileb li rechꞌalal li nequeꞌcꞌanjelac chokꞌ aj tij aran Nob. Ut chixjunileb queꞌcuulac riqꞌuin li rey.

1 Samuel 22:9

Cuan aran laj Doeg li nataklan saꞌ xbe̱neb li nequeꞌiloc re lix queto̱mk laj Saúl. Edom xtenamit. Laj Doeg quixye re laj Saúl: —Xcuil nak xcuulac li ralal laj Isaí aran Nob riqꞌuin laj Ahimelec li ralal laj Ahitob.

1 Samuel 21:1

Laj David co̱ aran Nob riqꞌuin laj Ahimelec laj tij. Laj Ahimelec quisach xchꞌo̱l chirilbal laj David ut quixye re: —¿Cꞌaꞌut nak xatchal arin a̱junes? chan.

1 Samuel 15:9

Laj Saúl ut eb lix soldado incꞌaꞌ queꞌxcamsi laj Agag, chi moco queꞌxcamsiheb li carner li cha̱bil, chi moco li cuacax li ni̱nkeb xtibel. Ut incꞌaꞌ queꞌxsach ru li cꞌaꞌru terto xtzꞌak. Caꞌaj cuiꞌ li cꞌaꞌru ma̱cꞌaꞌ na-oc cuiꞌ, aꞌan li queꞌxsach.

Josué 6:21

Queꞌxcamsi chi chꞌi̱chꞌ chixjunileb li cristian, joꞌ cui̱nk, joꞌ ixk, joꞌ ti̱x, joꞌ toj sa̱jeb. Ut queꞌxcamsi ajcuiꞌ chixjunileb li bo̱yx, li carner ut li bu̱r. Joꞌcaꞌin nak queꞌxsach ru chixjunil li cuan saꞌ li tenamit aꞌan.

Josué 6:17

Li tenamit aꞌan, ut chixjunil li cuan chi saꞌ ta̱sachma̱nk ru joꞌ quixye ke li Ka̱cuaꞌ. Caꞌaj cuiꞌ lix Rahab xcomoneb li nequeꞌxcꞌayi rib, aꞌan ta̱colekꞌ rochbeneb li cuanqueb saꞌ li rochoch xban nak aꞌan li quimukuc reheb li cui̱nk li queꞌtakla̱c chi qꞌuehoc etal.

San Mateo 21:16

Ut queꞌxye re li Jesús: —¿Ma yo̱cat chirabinquil li yo̱queb chixyebal li sa̱j al?— Ut li Jesús quixye reheb: —Yo̱quin chirabinquil. ¿Ma ma̱ jun cua e̱rilom li tzꞌi̱banbil saꞌ li Santil Hu li naxye chi joꞌcaꞌin: Eb li cocꞌal ut li toj nequeꞌtuꞌuc nequeꞌxqꞌue xlokꞌal li Dios chi tzꞌakal?— (Sal. 8:2)

1 Samuel 15:8

Queꞌxchap chi yoꞌyo laj Agag lix reyeb laj Amalec. Abanan chixjunileb li tenamit queꞌxcamsi chi chꞌi̱chꞌ.