1 Samuel 22:16 - Li Santil hu

¹⁶ Abanan li rey quixye re: —At Ahimelec, relic chi ya̱l nak tatcamsi̱k la̱at, joꞌ eb ajcuiꞌ la̱ cuechꞌalal, chan.

Q'eqchi Bible

¹⁶ Ab'an li awab'ej kixye wi' chik: “At Ajimélek, ch'olch'o naq tatkamq laa'at jo'wi' chixjunileb' laawech'alal”.

1 Samuel 22:16 ပူးပေါင်းရင်းမြစ်များ

Proverbios 28:15

Nak junak li acuabej incꞌaꞌ us xnaꞌleb ta̱oc chi takla̱nc saꞌ xbe̱neb li tenamit nebaꞌ, aꞌan chanchan li cakcoj xban nak joskꞌ. Malaj ut chanchan li oso li ta̱tzꞌoca̱k.

Hechos 12:19

Ut laj Herodes quixtakla xsiqꞌuinquil. Nak incꞌaꞌ queꞌxtau quixqꞌue saꞌ xbe̱neb laj cꞌacꞌalenel ut quixtakla xcamsinquileb. Chirix aꞌan laj Herodes qui-el Judea ut co̱ chi cua̱nc aran Cesarea.

San Mateo 2:16

Aꞌut laj Herodes nak quiril nak quibalakꞌi̱c xbaneb laj kꞌe, kꞌaxal nak quichal xjoskꞌil. Ut quixtakla xcamsinquil chixjunileb li cocꞌ te̱lom cuanqueb Belén, joꞌ cuiꞌ saꞌ eb li naꞌajej cuanqueb chixcꞌatk. Queꞌcamsi̱c chixjunileb li cocꞌ te̱lom li toj cꞌulaꞌaleb jun xxiquic aj caꞌcab chihab xban nak quixbir rix cꞌaꞌru li cutan quiyoꞌla cuiꞌ li cꞌulaꞌal joꞌ quiyeheꞌ re xbaneb laj kꞌe.

Daniel 2:12

Ut cꞌajoꞌ nak quijoskꞌoꞌ li rey ut quixtakla xcamsinquil chixjunileb laj qꞌuehol naꞌleb li cuanqueb Babilonia.

Daniel 2:5

Quichakꞌoc li rey ut quixye reheb laj Caldea: —Xsach saꞌ inchꞌo̱l lin matcꞌ. Cui la̱ex incꞌaꞌ te̱ye cue cꞌaꞌru lin matcꞌ ut cꞌaꞌru naxye, texpedasi̱k ut ta̱jucꞌma̱nk le̱ rochoch.

Ester 3:6

Ac quirabi resil nak laj Mardoqueo aj judío. Incꞌaꞌ quiraj xcamsinquil xjunes laj Mardoqueo. Quixcꞌoxla nak kꞌaxal us xcamsinquileb chixjunileb laj judío li cuanqueb saꞌ eb li naꞌajej li cuanqueb rubel xtakl li rey Asuero.

1 Reyes 19:2

Ut lix Jezabel quixtakla jun lix takl riqꞌuin li profeta Elías chixyebal re nak tixcamsi chi chꞌi̱chꞌ joꞌ quixba̱nu reheb lix profeta lix Jezabel. Quixye: —Chineꞌxcamsihak lin dios cui toj ma̱jiꞌ nacatcam saꞌ li ho̱nal aꞌin cuulaj, chan re laj Elías.

1 Reyes 18:4

Junxil nak lix Jezabel yo̱ chixcamsinquileb lix profeta li Ka̱cuaꞌ, laj Abdías quixcꞌam jun ciento li profeta ut quixmukeb saꞌ li ochoch pec. Laje̱b roxcꞌa̱l (50) quixmuk saꞌ li junju̱nk chi ochoch pec. Ut quixqꞌueheb xcua rucꞌa.

1 Samuel 20:31

¿Ma incꞌaꞌ nacaqꞌue retal nak cui li ralal laj Isaí yoꞌyo̱k, incꞌaꞌ naru tat-oc chokꞌ rey la̱at, chi moco eb la̱ cualal a̱cꞌajol? Joꞌcan nak ayu. Sicꞌ chak ut ta̱cꞌam chak cuiqꞌuin. Aꞌan tento nak ta̱ca̱mk, chan laj Saúl.

1 Samuel 14:44

Laj Saúl quixye re laj Jonatán: —At Jonatán, li Dios tinixqꞌue chixtojbal inma̱c cui incꞌaꞌ tatca̱mk la̱at anakcuan, chan.

Deuteronomio 24:16

Eb li naꞌbej yucuaꞌbej incꞌaꞌ teꞌcamsi̱k xban lix ma̱queb li ralal xcꞌajol, chi moco li alal cꞌajolbej teꞌcamsi̱k xban lix ma̱queb lix naꞌ xyucuaꞌeb. Li junju̱nk tixtoj rix lix ma̱c.

1 Samuel 22:15

¿Ma tojeꞌ ta biꞌ anakcuan tinpatzꞌok chiru li Dios chirix aꞌan? Ma̱cꞌoxla nak la̱in yo̱quin chixcꞌu̱banquil li incꞌaꞌ us cha̱cuix, chi moco eb li cuechꞌalal. Chi ti̱c ma̱cꞌaꞌ ninnau chirix li naꞌleb aꞌan, chan.

1 Samuel 22:17

Ut quixye reheb lix soldado li cuanqueb chixcꞌatk: —Camsihomakeb laj tij li nequeꞌcꞌanjelac chiru li Ka̱cuaꞌ xban nak queꞌxcꞌu̱b ru rochben laj David chanru nak tineꞌxcamsi. Usta nequeꞌxnau nak e̱lelic yo̱, incꞌaꞌ queꞌxye cue, chan. Abanan eb li soldados incꞌaꞌ queꞌraj xcamsinquileb laj tij.